حوتاننىڭ قىستاق ونىمدەرى شاڭحايدا ءوزىن ايگىلەدى
انار بۇلت \ شينجياڭ گازەتىنىڭ تىلشىلەرى جاڭ يۇنمەي، جاڭ لەي
2023.05.12 16:29 كەلۋ قاينارى : شينجياڭ گازەتى
حوتان قاس تاسى، مىس شاي ىدىستارى، اتلاس تورعىن، ساپالى اۋىل شارۋاشىلىق قوسىمشا ونىمدەرى... 5 - ايدىڭ 10 - كۇنى 2023 - جىلعى جۇڭگو ماركا كۇنى قيمىلى شاڭحاي الەمدىك كورمە سارايىندا شىمىلدىعىن اشتى، شينجياڭنىڭ حوتانىنداعى ءبىر قىستاقتان كەلگەن ايگىلى ماركا ”كوشە“ وزگەشەلىگىمەن جۇرت نازارىن ەرەكشە اۋداردى.
”اتىمىز ايگىلى بولماسا دا، تىم وزگەشەمىز“. شينجياڭ كوشە مادەنيەت، عىلىم - تەحنيكا شەكتى سەرىكتەستىگىنىڭ باس ديرەكتورى حۋ ليڭ تىلشىگە: ”كوشە“ ونىڭ ءوزى تۇرعان سەرىكتەستىكتىڭ ماركاسى ەكەندىگىن، لوپ اۋدانى شارباق قالاشىعى كوشە ارىق قىستاعىنان كەلگەندىگىن ايتتى.
حوتاننىڭ قىستاق ونىمدەرى شاڭحايعا بارىپ جۇڭگو ماركا كۇنى قيمىلىنا قاتىناسىپتى، ەرەكشەلىگى قاي جەرىندە؟
حۋ ليڭ بىلاي دەدى: سەرىكتەستىك قىستاقتا تامىر تارتقان، مادەنيەت ايگىلى ماركاسىمەن اينالىسادى.
كوشە ارىق قىستاعى − اۆتونوميالى رايوندىق پارتكوم ساياسات زەرتتەۋ كەڭسەسى (رەفورما كەڭسەسى) باعىتتامالى كومەكتەسەتىن، سۇيەمەلدەيتىن قىستاق. 2022 - جىلى 3 - ايدا اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) جەتەكشىلىگىندە، كوشە ارىق قىستاعى تۇرعىندار كوميتەتى سىرتتان ەنگىزىلگەن كاسىپورىندارمەن بىرگە شينجياڭ كوشە مادەنيەت، عىلىم - تەحنيكا شەكتى سەرىكتەستىگىن قۇردى.
”كوشە ماركاسىنىڭ جاسامپازدىعى قىستاق اتىنداعى كوشەدەن الىندى“. حۋ ليڭ بىلاي دەدى: ۇيعۇر تىلىندەگى ”كوچا“ ”كوشە“ دەگەن ماعىنانى بىلدىرەدى، شينجياڭدىقتاردىڭ قاسيەتىنەن ”كەڭ ءورىستى ءومىر، ءدال بابىندا“ دەگەن ىشكى ءمانىن ۇلاستىرۋعا بولادى؛ ىشكى ءمانىن ونان ارى تەرەڭدەتىپ، ”恰“ دەگەندى ”洽“ ارىبىنە وزگەرتسەك، ”ماڭعاز، اق پەيىل، ەمىن - ەركىن ءومىر ءسۇرۋ“ دەيتىن مادەنيەت ەرەكشەلىگىن تۋىنداتۋعا بولادى.
مادەنيەتتىڭ قۋات ۇستەۋى ناتيجەسىندە، كوشە ماركاسىنا جان ءبىتتى. كوشە ماركاسى شينجياڭنىڭ جاسىل، لاستانباعان، جوعارى ساپالى اۋىل شارۋاشىلىق قوسىمشا ونىمدەرىنە قۋات ۇستەپ، شينجياڭنىڭ اۋىل شارۋاشىلىق ونىمدەرىنىڭ بازار اشۋ قابىلەتى مەن ىقپال كۇشىن ارتتىردى.
”قازىر سەرىكتەستىك سەلبەسىپ ساتقان ونىمدەردەن حوشۇتتىڭ ءجۇزىم شارابى، شاعانتوعايدىڭ ماقسارى مايى سياقتىلار بار“. اۆتونوميالى رايوندىق پارتكوم ساياسات زەرتتەۋ كەڭسەسىنىڭ (رەفورما كەڭسەسى) كوشە ارىق قىستاعىندا تۇراتىن ءبىرىنشى شۋجيى دۇڭ جيحۇڭ بىلاي دەدى: مۇنىڭ ءبارى شينجياڭنىڭ ەڭ ساپالى ونىمدەرى، كەلەسى قادامدا سەرىكتەستىك تاعى كەريانىڭ روزا گۇلى ەفير مايى، قاراقاشتىڭ ءدارى شايى، ونسۋدىڭ كۇرىشى سياقتى ءوندىرىس كاسىپورىندارىمەن سەلبەستىك ورناتىپ، كوشە ماركاسىن شينجياڭنىڭ ساپالى ەگىن، مال شارۋاشىلىق ونىمدەرى ساپاسىنىڭ سيمۆولىنا اينالدىرادى ءارى اۋىل شارۋاشىلىق ونىمدەرىن وڭدەۋ كاسىبىنىڭ تيبىن وزگەرتىپ، دارەجەسىن وسىرۋىنە، ساپاسىن جوعارىلاتىپ، ونىمدىلىگىن ارتتىرۋىنا دەم بەرىپ، شارۋالاردىڭ كىرىسىن ارتتىرىپ، بايۋىن جەبەيدى.
كوشە سەرىكتەستىگىنىڭ تابىسى وسى رەفورمانىڭ العاشقى ونىمدىلىگىنىڭ ەڭ جاقسى دالەلى ەكەندىگى ءشۇباسىز.
”بيىل 3 - ايعا دەيىن سەرىكتەستىكتىڭ ساتىلىم سوماسى 20 ميلليون يۋانعا جەتىپ، تىركەلگەن جەردەگى لوپ اۋدانىنا ءبىر ميلليون يۋانعا جۋىق سالىق تاپسىردى“. حۋ ليڭ بىلاي دەدى: كەلەسى قادامدا سەرىكتەستىك بازار اشۋ سەرپىنىن ارتتىرىپ، دامۋدى جەدەلدەتىپ، بيىل 2 ميلليون يۋان باجى تاپسىرۋعا كۇش سالادى.
حۋ ليڭ مىنانى ءبىلدىردى: سەرىكتەستىك اناعۇرلىم كوپ پايدانى اۋىل - قىستاققا، اۋىلداستارعا قالدىرىپ، الەۋمەتتىك يگىلىك سيپاتتى جىلۋ اتاۋ ءتاسىلىن قولدانىپ، قىستاق تۇرعىندارىنىڭ اۋلانى رەتتەۋ - جونگە سالۋ، دارەتحانانى جاڭالاۋ، اس ءۇيدى جاڭالاۋ سياقتى ناقتى ماسەلەلەردى شەشۋىنە كومەكتەسىپ، قىستاق تۇرعىندارىنىڭ تۇرمىس ورتاسى مەن تازالىق شارت - جاعدايىن جاقسارتادى.
”بۇرىن قىستاقتىڭ سەلبەستىك كووپەراتيۆىن دامىتۋىنا كومەكتەسەتىنبىز، بۇقارا كەدەيلىكتەن ارىلدى، الايدا قىستاقتىڭ كوللەكتيۆ ەكونوميكاسى زورايمادى، بايۋ تەبىنى جەتكىلىكتى بولمادى“. لوپ اۋداندىق قازىنا مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا وسى قىستاقتا تۇراتىن قىزمەت اترەتىنىڭ باستىعى ۋاڭ ليميڭ بىلاي دەدى: قازىر سەلبەسىپ جارنا قوسۋ فورماسىمەن كاسىپورىن قۇردىق، بۇل ماسەلە وڭاي شەشىلدى، ونىڭ ۇستىنە ەرەجە - ءتۇزىم بويىنشا، كوپشىلىك جارناسىنا قاراي ۇلەس الىپ، پايدادان بىرگە يگىلىكتەنىپ وتىر، قىستاق كادرلارى قالاي اۋىسسا دا، كاسىپورىندار كۇشتى شوعىرلاندىرا وتىرىپ دەربەس دامىپ، قارجى قوسقان كاسىپورىنداردىڭ ۋايىمىن ارىلتتى.
”قىستاقتىڭ كوللەكتيۆ ەكونوميكاسىنىڭ زورايۋىنا بايلانىستى ءبىز قىستاق تۇرعىندارى ءۇشىن يگى، ناقتى ىستەردى كوبىرەك ىستەۋىمىز كەرەك“. كوشە ارىق قىستاعى پارتيا ياچەيكاسىنىڭ شۋجيى قايسار تۇرۇپ ماقتانىشپەن بىلاي دەدى: جۇڭگو ماركا كۇنى قيمىلىنان پايدالانىپ، قىستاعىمىز بۇكىل ەلگە ايگىلى بولدى، ءتىپتى دە جاقسى ىستەپ، ”قان جاساۋ“ يقۋاتىن قالىپتاستىرىپ، قىستاق تۇرعىندارىنىڭ كىرىسىن ارتتىرۋىنا كومەكتەسۋىمىز كەرەك.
مىنە قاراڭىز، بيىل ”1 - مامىر“ دەمالىسىندا قىستاق ءدامدى تاعامدار مەرەكەسىن وتكىزىپ، كوپتەگەن ساياحاتشىنى باۋرادى. ”ءبىزدىڭ شارۋالار شاتتىعى ساياجايىمىزدىڭ ساۋداسى كۇسەت بولىپ، كىرىسىمىز جىلدان - جىلعا ارتتى“. قىستاقتاعى شارۋالار شاتتىعى ساياجايىنىڭ تيجاراتشىسى قوجاابدۇللا قادىر قۋانىشپەن بىلاي دەدى: كومەكتەسەتىن - سۇيەمەلدەيتىن ورىننىڭ، قىزمەت اترەتىنىڭ، كاسىپورىننىڭ بىرگە قۇلشىنۋىندا قىستاقتىڭ بەت - بەينەسىندە وزگەرىس بولىپ قانا قويماي، قىستاق تۇرعىندارىنىڭ رۋحاني كۇيى دە وزگەردى، قىستاققا كەلۋدى قالايتىن ساياحاتشىلار كوبەيدى.
”مادەنيەت مازمۇنى باي ماركا جاراتۋ ارقىلى اۋىل شارۋاشىلىق قوسىمشا ونىمدەرىنە قۋات ۇستەۋ تەك كوشە ماركا قۇرىلىسىنىڭ ءبىر بولەگى عانا“. دۇڭ جيحۇڭ بىلاي دەدى: كەلەسى قادامدا قىستاقتى ساياحاتشىلار حوتانعا ساياحاتتاي كەلگەندە، ءسوز جوق ات باسىن بۇراتىن باۋ - باقشا امبەباپ مادەنيەت - ساياحات شاعىن قالاشىعىنا اينالدىرىپ، جۇمىس ورنىن اشىپ، بۇقارانىڭ كىرىسىن ارتتىرىپ، بايۋىن جەبەيمىز.
قازىر كوشە ارىق قىستاعىنىڭ رەفورما سىناق تۇيىنىندە كوشىرىپ قولدانۋعا، جالپىلاستىرۋعا بولاتىن ”كوشە ۇلگىسى“ العاشقى ادىمدا قالىپتاستى. دۇڭ جيحۇڭ بىلاي دەدى: اناعۇرلىم كوپ قىستاق تۇرعىندار كوميتەتىن جارنا قوسىپ، كوشە سەرىكتەستىگىن زورايتۋعا، الۋەتتەندىرۋگە باۋرايمىز، سونىمەن بىرگە اۋىل - قىستاقتى گۇلدەندىرۋگە كۇش قوسۋدى ارقاۋ ەتكەن، قىستاق باسقارۋىنداعى ءبىر توپ كاسىپورىندى قۇرىپ، ءتىپتى دە كوپ قيىنشىلىعى بار بۇقارانى كەدەيلىكتەن ورنىقتى ارىلتۋعا، كىرىستى ۇزدىكسىز ارتتىرۋعا جەتەكتەيمىز. كوشە ۇلگىسىنىڭ بىرتىندەپ پىسىپ - جەتىلگەن جاعدايىندا، قاتىستى كومەكتەسۋ - سۇيەمەلدەۋ ورىندارىمەن اۋىس - كۇيىستى كۇشەيتىپ، رەفورما سىناق ءتۇيىنى ءتاسىلى ارقىلى اقسۋ ايماعىنان، قاشقار ايماعىنان بىردەن قىستاق تاڭداپ، كوشە ارىق قىستاعىمەن جۇپ قۇراۋ ءتاسىلى ارقىلى اۋىل - قىستاقتى گۇلدەندىرۋدىڭ جاڭا جولىن بىرگە قاراستىرۋدى جوسپارلاپ وتىرمىز.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
