بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

اۆتونوميالى رايوندىق ساياسي كەڭەس ماماندار كەڭەس ءماجىلىسىن اشتى

شينجياڭنىڭ مال شارۋاشىلىعىنىڭ جوعارى ساپالى دامۋىنا اقىل - كەڭەس بەردى

2023.05.12 16:28     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى جاڭ يانفاڭ 5 - ايدىڭ 10 - كۇنى ۇرىمجىدەن حابارلايدى. 5 - ايدىڭ 10 - كۇنى اۆتونوميالى رايوندىق ساياسي كەڭەس ماماندار كەڭەس ءماجىلىسىن اشىپ، اۆتونوميالى رايوندىق ساياسي كەڭەستىڭ ءبىر ءبولىم مۇشەلەرىن، قاتىستى مامانداردى، وقىمىستىلاردى جانە اۆتونوميالى رايوننىڭ قاتىستى تاراۋلارىن، كاسىپورىندارىن ”شينجياڭ مال شارۋاشىلىعىنىڭ (قوي - سيىر تۇقىمى) جوعارى ساپالى دامۋىن“ ارقاۋ ەتە وتىرىپ پىكىر، ۇسىنىس بەرىپ، ىشكەرىلەي كەڭەسۋگە ۇسىنىس ەتتى. بۇل اۆتونوميالى رايوندىق ساياسي كەڭەستىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋىنىڭ ماڭىزدى ءبىر مازمۇنى سانالادى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورتالىقتىڭ 15 - جەتەكشىلىك ەتۋ گرۋپپاسىنىڭ ورىنباسار باستىعى شاۋ لين جانە جەتەكشىلىك ەتۋ گرۋپپاسىنىڭ مۇشەلەرى ماجىلىسكە قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى كۇڭ شيڭلۇڭ ءماجىلىستى باسقاردى.

  ماجىلىستە رايونىمىزداعى مال شارۋاشىلىعىن دامىتۋدىڭ ءبىرىنشى شەبىنەن كەلگەن اۆتونوميالى رايوندىق ساياسي كەڭەستىڭ مۇشەسى جانە قاتىستى مامان، كاسىپورىن ۋاكىلدەرىنەن 8 ادام تاقىرىپقا توتە كوشىپ، امالياتپەن ۇشتاستىرىپ، اقتارىلا سويلەدى. كوپشىلىك شينجياڭنىڭ مال شارۋاشىلىعىنىڭ، اسىرەسە، سيىر، قوي تۇقىمى دامۋىنىڭ قازىرگى جاعدايىن ىشكەرىلەي سالالاپ، وعان تالداۋ جاسادى، تەكسەرۋ - زەرتتەۋ جەتىستىكتەرى سياقتىلارعا نەگىزدەلىپ، ماسەلەلەردى ىشكەرىلەي تەكسەرىپ، ورتاعا سالىپ، ماسەلەلەردى شەشۋدىڭ شارالارىن، ۇسىنىستارىن ورتاعا قويدى. كوپشىلىك: شينجياڭ بۇكىل ەلدەگى 5 ۇلكەن مال شارۋاشىلىق رايونىنىڭ ءبىرى، الايدا وراسان زور بايلىق باسىمدىعى كاسىپ سالاسى باسىمدىعىنا، دامۋ باسىمدىعىنا، ەكونوميكالىق باسىمدىققا ءالى اينالا قويمادى، - دەپ ەسەپتەپ، مىناداي ۇسىنىستاردى ورتاعا قويدى: تۇقىم شارۋاشىلىعى عىلىم - تەحنيكاسىندا جاڭالىق اشۋعا ۇسىنىلىم تەبىنىن ارتتىرىپ، سيىر، قوي تۇلىگىنىڭ جاڭا تۇقىمىن جەدەل جەتىلدىرۋ؛ تەحنيكالىق قىزمەت وتەۋ دەڭگەيىن جوعارىلاتىپ، تۇقىم شارۋاشىلىعىنىڭ باعالاۋ مەحانيزمىن كەمەلدەندىرىپ، سيىر، قوي تۇقىمىن اسىلداندىرۋ، ساپاسىن، ونىمدىلىگىن ارتتىرۋ؛ ءونىمدى شابىتتاندىرۋ ساياساتىن ورتاعا قويىپ، تۇقىم شارۋاشىلىعىنداعى باستاماشى كاسىپورىنداردى جەتىلدىرۋ، زورايتۋ؛ اۋىل - قىستاقتارداعى جارامدى دارىندىلاردى جەتىلدىرۋ، جەم - ءشوپ ەگۋ كولەمىن ارتتىرۋ سياقتىلار ارقىلى رايونىمىز مال شارۋاشىلىعى دامۋىنىڭ ساپاسىن جوعارىلاتىپ، ونىمدىلىگىن ارتتىرۋ كەرەك.

  ءماجىلىس مىنالاردى اتاپ كورسەتتى: شينجياڭنىڭ مال شارۋاشىلىعىن دامىتۋداعى ەرەكشە باسىمدىعى مەن وراسان زور كومەسكى كۇشىن دالمە - ءدال يگەرىپ، سيىر، قوي تۇقىمىنىڭ جوعارى ساپالى دامۋىنىڭ كەلەلى ءمانىن ايقىن تانىپ، ماسەلەنى باعدار ەتۋگە تاباندى بولىپ، دامۋ سەنىمى مەن بەكىمىن بەكەمدەۋ كەرەك. ساياسي كەڭەس مۇشەلەرىنىڭ جانە كاسىبي مامانداردىڭ ەرەكشە باسىمدىعىن ساۋلەلەندىرىپ، ”بۇكىل ەل بويىنشا ساپالى ەگىن، مال شارۋاشىلىعى ونىمدەرىمەن ماڭىزدى قامداۋ بازاسىن تۇلعالاۋ“ سىندى ستراتەگيالىق ورىن بەلگىلەۋدى تياناق ەتىپ، سىندارلى پىكىر، ورەلى كەڭەس بەرۋ كەرەك. ءوندىرىس، وقىتۋ، زەرتتەۋ سەلبەستىگىن بەلسەنە ورىستەتىپ، سايكەسە جاڭالىق اشىپ، بىرلەسىپ قامال الىپ، اناعۇرلىم كوپ، اناعۇرلىم جاقسى اسىل تۇقىم جەتىلدىرۋ كەرەك. اسىل تۇقىم جەتىلدىرگەندە ۇتىمدى شارالاردى قولدانا بىلگەن ءجون، تۇقىمدى سۇرىپتاۋدى، كۇشەيتۋدى، ولشەمدەنگەن، كولەمدەنگەن باعىمشىلىقتى دالمە - ءدال كوزدەپ، ۇلكەن كاسىپورىنداردى، ءىرى توپتاردى دالمە - ءدال كوزدەپ، كاسىپ سالاسى تىزبەگىن ۇزدىكسىز اقاۋسىزداندىرۋ كەرەك.

  ءماجىلىس مىنالاردى باسا دارىپتەدى: مۇشەلەر، ماماندار، وقىمىستىلار جانە كاسىپورىن ۋاكىلدەرى ءوندىرىستىڭ، عىلمي زەرتتەۋدىڭ ءبىرىنشى شەبىندە شايقاس جاساپ جاتقان قىزمەتكەرلەر سانالادى، كوپشىلىكتىڭ جاۋاپكەرشىلىك ارقالاۋدى كۇشەيتىپ، رايونىمىزدىڭ مال شارۋاشىلىعىنىڭ (سيىر، قوي تۇقىمى) جوعارى ساپالى دامۋىنداعى قيىنشىلىقتارعا، ماسەلەلەرگە جانە جەتەرسىزدىكتەرگە تۋرا قاراپ، اۆتونوميالى رايوندىق پارتكومنىڭ اۋىل - قىستاق قىزمەت ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ ءتۇرلى شەشىمدەرىن، ورنالاستىرۋلارىن مىقتاپ ارقاۋ ەتىپ، مامانداردىڭ اقىل - پاراساتىن ساۋلەلەندىرىپ، تەكسەرۋ - زەرتتەۋدى جانە عىلمي زەرتتەۋدەن قامال الۋدى كۇشەيتىپ، سيىر، قوي تۇقىمىن جوعارى ساپالى دامىتۋعا ۇزدىكسىز كۇش سالىپ، رايونىمىزدىڭ مال شارۋاشىلىعىنداعى ءىرى رايوننان مال شارۋاشىلىعىنداعى قۋاتتى رايونعا قاراي ويىسۋىن ىلگەرىلەتۋدى ءۇمىت ەتەمىز.
جاۋاپتى رەداكتورى : نۇرعيسا قۇرمانجان ۇلى