7 - كەزەكتى ”تيانشان ادەبيەت - كوركەمونەر سيلىعى“ جانە ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”بەس ءبىر ينجەنەرياسى“ بويىنشا سيلىق تاراتۋ سالتى وتكىزىلدى
ما شيڭرۇي، ەركىن تۇنياز سيلانعان ادەبيەت - كوركەمونەر قىزمەتكەرلەرىمەن كەزدەستى
2023.05.12 16:33 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى يىن لۋ، ۋاڭ شيڭرۇي 5 - ايدىڭ 9 - كۇنى ۇرىمجىدەن حابارلايدى. 7 - كەزەكتى ”تيانشان ادەبيەت - كوركەمونەر سيلىعى“ جانە ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”بەس ءبىر ينجەنەرياسى“ بويىنشا سيلىق تاراتۋ سالتى 5 - ايدىڭ 9 - كۇنى ۇرىمجىدە وتكىزىلىپ، سيلانعان تۋىندىلار مەن جەكەلەر ماداقتالىپ - سيلاندى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز سيلانعان ادەبيەت - كوركەمونەر قىزمەتكەرلەرىمەن كەزدەستى.
ساعات 20 مولشەرىندە ما شيڭرۇي، ەركىن تۇنياز شينجياڭ كوركەمونەر تەاترىنىڭ مۇقام كوركەمونەر ۇيىرمەسىنە كەلىپ، شينجياڭدى مادەنيەتپەن نارلەندىرۋگە قاتىستى قىزمەتتەردى، شينجياڭ ادەبيەت - كوركەمونەرىنىڭ دامۋى جونىندەگى تانىستىرۋدى تىڭدادى، سيلانعان ادەبيەت - كوركەمونەر تۋىندىلارىنىڭ ءمان - جايىن، مۇقام كوركەمونەرىنىڭ دامۋ جاعدايىن ۇعىسىپ، سيلانعان ادەبيەت - كوركەمونەر قىزمەتكەرلەرىمەن شىنايى اڭگىمەلەستى ءارى توپتىق ەستەلىك سۋرەتكە ءتۇستى.
7 - كەزەكتى”تيانشان ادەبيەت - كوركەمونەر سيلىعىندا“ كينو، تەلە فيلم، اسەمونەر، مۋزيكا، ءبي، تەاتر، ادەبيەت سياقتى 17 ءتۇر بويىنشا جالپى 88 تۋىندى باعالاندى. «كورىكتى مەكەن كوكيار»، «تاۋ قويناۋىنداعى اراتۇرىك وزەنى»، «شۇعىلاعا شومعان چيليانشان» سياقتىلار ادەبيەت سيلىعىن ەنشىلەدى، «ءبىرىنشى سيمفونيا»، «تيانشان پەرزەنتتەرى وتانعا باقىت تىلەيدى»، «تۇسىمدە كوردىم قىزىل مىڭ ءۇيدى» سياقتىلار مۋزيكا سيلىعىن ەنشىلەدى، «كۇنگە تالپىنعان بويجەتكەن»، «جۇرەك قالاۋى»، «سىنتاس حيكاياسى» سياقتىلار ءبي سيلىعىن ەنشىلەدى، «جيىن - تەرىن مەزگىلى»، «ورىستەن قايتۋ» سياقتىلار اسەمونەر سيلىعىن ەنشىلەدى، «پارتيامەن، حالىقپەن ماڭگى بىرگەمىن» سياقتىلار مەديا ادەبيەت - كوركەمونەر سيلىعىن ەنشىلەدى. شينجياڭ ادەبيەت - كوركەمونەر ىستەرىنىڭ گۇلدەنۋىنە كورنەكتى ۇلەس قوسقان ءبيشى حالشام سىدىق، جازۋشى فىڭ شوۋ ۇلەسكەرلىك سيلىعىن ەنشىلەدى.
”تيانشان ادەبيەت - كوركەمونەر سيلىعى“ 2002 - جىلى اۆتونوميالى رايوندىق پارتكوم مەن اۆتونوميالى رايوندىق حالىق ۇكىمەتىنىڭ بەكىتۋىمەن تاعايىندالعان اۆتونوميالى رايونداعى ەڭ جوعارى ادەبيەت - كوركەمونەر سيلىعى، ءار 3 جىلدا ءبىر كەزەك باعالانادى. بۇل سيلىق ءتۇرى بۇكىل شينجياڭداعى ادەبيەت - كوركەمونەر قىزمەتكەرلەرىنىڭ بەلسەندىلىگىن، ىرىقتىلىعىن ءونىمدى جۇمىلدىرىپ، حالىقتى باس كەيىپكەر ەتكەن، ءار ۇلت بۇقاراسىنىڭ مادەنيەت قاجەتىن قاناعاتتاندىراتىن، حالىقتىڭ رۋحاني كۇشىن نىعايتاتىن ءبىر توپ تاڭداۋلى تۋىندىلاردى جارىققا شىعارىپ، شينجياڭنىڭ ادەبيەت - كوركەمونەر ىستەرىنىڭ ءۇرتىس جوعارى ساپالى دامۋىن ىلگەرىلەتتى.
ورتالىق كوميتەت ۇگىت ءبولىمىنىڭ 16 - كەزەكتى رۋحاني وركەنيەت قۇرىلىسى ”بەس ءبىر ينجەنەرياسى“ بويىنشا باعالاۋىندا اۆتونوميالى رايوندىق پارتكوم ۇگىت ءبولىمى كورسەتكەن «بەس جۇلدىز شىعىستان كوتەرىلدى» ءبي تەاترى، «گۇل نەگە سونشاما قىزىل» كينوفيلمى، «كوكتوعايداعى شوپان» ءانى تاڭداۋلى تۋىندى سيلىعىن ەنشىلەدى.
پارتيا 18 - قۇرىلتايىنان بەرى، شينجياڭنان 11 ادەبيەت - كوركەمونەر تۋىندىسى ىلگەرىندى - كەيىندى ”بەس ءبىر ينجەنەرياسى“ تاڭداۋلى تۋىندى سيلىعىن ەنشىلەدى، ولار كينوفيلم، كىتاپ، تەاتر، ءان سياقتى تۇرلەردى قامتىدى، وسى تۋىندىلار ءداۋىر وزگەرىسىنەن، جۇڭگونىڭ العا باسۋىنان، حالىق ۇنىنەن نەگىزگى تاقىرىپتى سۇرىپتاپ، ماتەريال الىپ، شينجياڭداعى ءار ۇلت حالقىنىڭ كۇرەسكەرلىك ەرىك - جىگەرىن، جاسامپازدىق قۋاتىن، دامۋ جەتىستىگىن جازىپ، جاڭا داۋىردەگى شينجياڭنىڭ ارىندى بەينەسىن جان - جاقتى، جالپى كورىنىستىك تۇلعادا ايگىلەدى.
سيلانعان ادەبيەت - كوركەمونەر قىزمەتكەرلەرى مىنالاردى ءبىلدىردى: حالىقتى وزەك ەتكەن جاسامپازدىق بەتالىسىنا ۇزدىكسىز تاباندى بولىپ، شينجياڭدى مادەنيەتپەن نارلەندىرۋدى تىعىز ارقاۋ ەتىپ، كوركەمونەرلىك جاسامپازدىق قۋات پەن جۇڭحۋانىڭ تاڭداۋلى ءداستۇرلى مادەنيەتىن توعىستىرىپ، جۇڭگو شينجياڭىنىڭ حيكاياسىن جاندى تۇردە ويداعىداي بايانداپ، ساپانى جوعارىلاتۋدى ادەبيەت - كوركەمونەر تۋىندىلارىنىڭ جان تامىرى ەتىپ، جۇڭحۋا وركەنيەتى مايەگىنە يە، شينجياڭ ەرەكشەلىگىن كورنەكتىلەندىرگەن، ءار ۇلت بۇقاراسى قۋانا تىڭداپ، قۇمارتا كورەتىن اناعۇرلىم كوپ ادەبيەت - كوركەمونەر سارا تۋىندىلارىن جاراتىپ، جاڭا ءداۋىردىڭ جاڭا جورىعىندا كورىكتى شينجياڭ قۇرۋعا اناعۇرلىم كوپ رۋحاني كۇش قوسامىز.
ۋاڭ جيانشين قيمىلعا قاتىناستى ءارى سيلىق يەگەرلەرىنە سيلىق تاراتتى. قادەن كابەن، مامەتيمىن قادىر، دوۋ ۋانگۇي، ليۋ جيانميڭ قاتارلىلار كەزدەسۋگە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
