5 – ايدىڭ 12 – كۇنىنەن باستاپ شينجياڭنىڭ اۋا تەمپەراتۋراسى ەكى كۇن جوعارىلاعاننان كەيىن قايتا تومەندەيدى ماماندار اۋىل شارۋاشىلىق رايوندارىندا جاڭبىر جاۋعاننان كەيىن دەر كەزىندە توپىراعىن قوپسىتۋدى ۇسىنىس ەتتى
2023.05.12 13:59 كەلۋ قاينارى : حالىق تورابى
شينجياڭ گازەتىنىڭ حابارى. ءتىلشىنىڭ شينجياڭ اۋا رايى ستانسياسىنان ۇعىسۋىنشا، 5 – ايدىڭ 12 – كۇنىنەن 13 – كۇنىنە دەيىن (وڭتۇستىك شينجياڭدا 19 – كۇنىنە دەيىن) تەمپەراتۋرا كورنەكتى جوعارىلاپ، بۇكىل شينجياڭنىڭ جازىق رايوندارىنىڭ باسىم كوپ بولەگىنىڭ ەڭ جوعارى تەمپەراتۋراسى 26 دا 34 سەلتسي گرادۋسقا جەتەدى. 5 – ايدىڭ 13 ـ كۇنى تۇننەن 16 ـ كۇنى تۇنگە دەيىن، سۋىق اعىستىڭ ىقپالىنا ۇشىرايتىندىقتان، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، تارباعاتاي ايماعى سياقتى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر نەمەسە قار جاۋادى، سولتۇستىك شينجياڭنىڭ باسىم كوپ بولەگىنىڭ ەڭ جوعارى اۋا تەمپەراتۋراسى 8 دە 12 سەلتسي گرادۋس تومەندەيدى. اۋىل شارۋاشىلىق اۋا رايى ستانسياسىنىڭ مامانى بىلاي دەپ تانىستىردى: بۇل رەتكى اۋا رايى ءالى كوكتەمەگەن داقىلدارعا، اسىرەسە، سولتۇستىك شينجياڭداعى ءىشىنارا جەرلەردە قايتالاي ەگىلەتىن جەر بولەكتەرىندەگى داقىلداردىڭ كوكتەۋىنە ءتيىمسىز ىقپال جاسايتىندىقتان، ەگىن شارۋاشىلىعى رايوندارىندا جاڭبىر جاۋعاننان كەيىن دەر كەزىندە توپىراعىن قوپسىتىپ، توپىراقتىڭ قاتايۋىنىڭ الدىن الىپ، جەر تەمپەراتۋراسىن جوعارىلاتۋدى ۇسىنىس ەتتى.
الدىن الا مالىمەتتە كورسەتىلۋىنشە، 5 – ايدىڭ 12 – كۇنىنەن 13 – كۇنىنە دەيىن سولتۇستىك شينجياڭ جازىق رايونى بۇراتالا وبلىسىنىڭ شىعىس بولەگى، قارامايلى قالاسى، شىحىزى قالاسى، سانجى حۇيزۋ اۆتونوميالى وبلىسى سياقتى جەرلەردىڭ ءىشىنارا وڭىرلەرىنىڭ تەمپەراتۋراسى 30 سەلتسي گرادۋستان اسادى؛ ٴۇرىمجى قالاسىنىڭ قالا رايونىنداعى ەڭ جوعارى اۋا تەمپەراتۋراسى 28 دە 29 سەلتسي گرادۋسقا جەتەدى. 5 – ايدىڭ 11 – كۇنىنەن 19 – كۇنىنە دەيىن وڭتۇستىك شينجياڭنىڭ جازىق رايوندارىنىڭ باسىم كوپ بولەگىنىڭ ەڭ جوعارى تەمپەراتۋراسى 28 دە 34 سەلتسي گرادۋسقا شىعادى، تۇرپان قالاسىندا، قۇمىل قالاسىندا 30 دا 36 سەلتسي گرادۋسقا جەتەدى.
5 ـ ايدىڭ 13 ـ كۇنى تۇننەن 16 ـ كۇنى تۇنگە دەيىن، سولتۇستىك شينجياڭنىڭ باسىم كوپ ساندى وڭىرلەرىندە، تيانشان تاۋلى وڭىرىندە، قۇمىل قالاسىنىڭ سولتۇستىگىندە، قىزىلسۋ قىرعىز اۆتونوميالى وبلىسىنىڭ تاۋلى وڭىرلەرىندە از جاڭبىر، ءىشىنارا جەرلەردە نوسەر نەمەسە قار جاۋادى، جوعارىداعى ءىشىنارا وڭىرلەردە قىسقا ۋاقىتتىق كۇشتى جاۋىن ـ شاشىن، ناجاعايلى بوران ، بۇرشاق سياقتى كۇشتى كونۆەكسيالىق اۋا رايى بولادى. نەگىزگى جاۋىن - شاشىن ۋاقىتى: التاي ايماعىندا 5 - ايدىڭ 13 - كۇنى تۇننەن 14 - كۇنى تۇنگە دەيىن، ىلە وبلىسى، تارباعاتاي ايماعىندا 5 - ايدىڭ 14 - كۇنى كۇندىزدەن 15 - كۇنى كۇندىزگە دەيىن، بۇراتالا وبلىسىندا 5 - ايدىڭ 15 - كۇنى كۇندىزدەن تۇنگە دەيىن بولادى.
ءۇرىمجى قالا رايونىندا 5 - ايدىڭ 14 - كۇنى تۇننەن 15 – كۇنى كۇندىزگە دەيىن كۇن بۇلتتى بولىپ، وتكىنشى جاڭبىر جاۋادى، اۋا تەمپەراتۋراسى 14 تە 17 سەلتسي گرادۋس اينالاسىندا بولادى؛ 5 - ايدىڭ 16 – كۇنى تۇندە كۇن بۇلتتاپ، از وتكىنشى جاڭبىر جاۋادى، تەمپەراتۋرا 12 دە 19 سەلتسي گرادۋس اينالاسىندا بولادى.
وسى رەتكى اۋا رايى تەمپەراتۋراسى شۇعىل جوعارىلاپ بارىپ، قايتا تومەندەيدى، شينجياڭ اۋا رايى ستانسياسى ءىشىنارا جەرلەردەگى نوسەر جانە ارالاس تاسقىن تۋدىرعان سەل جانە لاي تاسقىنى، جەر كوشكىنى سياقتى گەولوگيالىق اپاتتاردان ءتۇيىندى تۇردە ساقتانۋدى ەسكەرتتى.
شينجياڭ اۋىل شارۋاشىلىعى اۋا رايى ستانسياسىنىڭ ماماندارى مىنانى ەسكەرتتى: 3 - ايدىڭ 13 - كۇنىنەن 16 - كۇنىنە دەيىن، سولتۇستىك شينجياڭنىڭ باسىم كوپ جەرىندە تەمپەراتۋرا كورنەكتى تومەندەيدى، اسىرەسە، سولتۇستىك شينجياڭنىڭ باتىس بولىگىندەگى كۇشتى جاۋىن – شاشىن ءبيدايدىڭ باس جارىپ گۇل اشۋىنا ءتيىمسىز ىقپال جاسايدى، دۇمبە ءبيداي ەگىلەتىن وڭىرلەردە ”ءبىردى بۇركىپ، ۇشتەن ساقتانۋ“ قىزمەتىن دەر كەزىندە ويداعىداي ىستەۋدى ۇسىنىس ەتتى. 5 ـ ايدىڭ الدىڭعى جارىمىندا بۇكىل شينجياڭنىڭ اۋا تەمپەراتۋراسى قالىپسىز تومەن بولدى، قازىر ەگىس داقىلدارىنىڭ جەتىلۋ مەزگىلى بىلتىرعىدان كەش بولدى، وسى رەتكى تەمپەراتۋرانىڭ تومەندەۋى ماقتا، جۇگەرى سياقتى جىلىلىقتى قالايتىن داقىلداردىڭ مايسا كەزىندەگى وسۋىنە جانە قايتالاي ەگىلەتىن جەردەگى داقىلداردىڭ كوكتەۋىنە ءتيىمسىز بولعاندىقتان، اتىزدى باسقارۋدى كۇشەيتۋ كەرەك. بۇدان سىرت، سولتۇستىك شينجياڭنىڭ باسىم كوپ ساندى ءوڭىرى، اقسۋ ايماعى، بايىنعولين وبلىسىنىڭ سولتۇستىك بولىگى، تۇرپان قالاسى، قۇمىل قالاسى سياقتى ەگىنشىلىك رايوندارى جارعاق جاپقان ەگىس اتىزدارىنىڭ جەلدەن ساقتانۋ جانە قۇرىلعىلى اۋىل شارۋاشىلىق جىلىجايلارىن جەلدەن ساقتاۋ، بەكەمدەۋ قىزمەتىن الدىن الا ويداعىداي ىستەۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
