شينجياڭ ۇيعۇر اۆتونوميالى رايوندىق ساياسي كەڭەس ماماندار كەڭەس ءماجىلىسىن اشتى
شينجياڭنىڭ مال شارۋاشىلىعىنىڭ جوعارى ساپالى دامۋىنا اقىل - كەڭەس بەردى
2023.05.12 13:58 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 5 - ايدىڭ 10 - كۇنى ۇرىمجىدەن حابارلايدى. 5 - ايدىڭ 10 – كۇنى شينجياڭ ۇيعۇر اۆتونوميالى رايوندىق ساياسي كەڭەس ماماندار كەڭەس ءماجىلىسىن اشىپ، شينجياڭ ۇيعۇر اۆتونوميالى رايوندىق ساياسي كەڭەستىڭ ءبىر ءبولىم مۇشەلەرىن، قاتىستى مامانداردى، وقىمىستىلاردى جانە اۆتونوميالى رايوننىڭ قاتىستى تاراۋلارىن، كاسىپورىندارىن ”شينجياڭ مال شارۋاشىلىعىنىڭ (قوي - سيىر ٴناسىلى) جوعارى ساپالى دامۋىن“ ارقاۋ ەتە وتىرىپ پىكىر، ۇسىنىس بەرىپ، ىشكەرىلەي كەڭەسۋگە ۇسىنىس ەتتى. بۇل اۆتونوميالى رايوندىق ساياسي كەڭەستىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدەگى ماڭىزدى ءبىر مازمۇنى سانالادى.شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورتالىقتىڭ 15 - جەتەكشىلىك ەتۋ گرۋپپاسىنىڭ ورىنباسار باستىعى شاۋ لين جانە جەتەكشىلىك ەتۋ گرۋپپاسىنىڭ مۇشەلەرى ماجىلىسكە قاتىناستى. اۆتونوميالى رايوندىق ساياسي كەڭەستىڭ ورىنباسار ءتوراعاسى كۇڭ شيڭلۇڭ ءماجىلىستى باسقاردى.
ماجىلىستە شينجياڭداعى مال شارۋاشىلىعىن دامىتۋدىڭ ءبىرىنشى شەبىنەن كەلگەن اۆتونوميالى رايوندىق ساياسي كەڭەستىڭ مۇشەسى جانە قاتىستى مامانداردان، كاسىپورىن ۋاكىلدەرىنەن 8 ادام تاقىرىپقا توتە كوشىپ، امالياتپەن ۇشتاستىرىپ، اقتارىلا سويلەدى. كوپشىلىك شينجياڭنىڭ مال شارۋاشىلىعىنىڭ، اسىرەسە، سيىر، قوي ٴناسىلىنىڭ دامۋىنىڭ قازىرگى جاعدايىن ىشكەرىلەي سالالاپ، وعان تالداۋ جاسادى، تەكسەرۋ - زەرتتەۋ جەتىستىكتەرى سياقتىلارعا نەگىزدەلىپ، ماسەلەلەردى ىشكەرىلەي تەكسەرىپ، ورتاعا سالىپ، ماسەلەلەردى شەشۋدىڭ شارالارىن، ۇسىنىستارىن ورتاعا قويدى. كوپشىلىك شينجياڭ بۇكىل ەلدەگى 5 ۇلكەن مال شارۋاشىلىق رايونىنىڭ ءبىرى، الايدا وراسان زور بايلىق باسىمدىعى كاسىپ سالاسى باسىمدىعىنا، دامۋ باسىمدىعىنا، ەكونوميكالىق باسىمدىققا ءالى اينالا قويمادى دەپ قاراپ، مىناداي ۇسىنىستاردى ورتاعا قويدى: مال ٴناسىلى شارۋاشىلىعى عىلىم - تەحنيكاسىندا جاڭالىق اشۋعا ۇسىنىلىم تەبىنىن ارتتىرىپ، سيىر، قوي تۇلىگىنىڭ جاڭا ٴناسىلىن جەدەل جەتىلدىرۋ؛ تەحنيكالىق قىزمەت وتەۋ دەڭگەيىن جوعارىلاتىپ، مال ٴناسىلى شارۋاشىلىعىنىڭ باعالاۋ مەحانيزمىن كەمەلدەندىرىپ، سيىر، قوي ٴناسىلىن اسىلداندىرۋ، ساپاسىن، ونىمدىلىگىن ارتتىرۋ؛ ءونىمدى شابىتتاندىرۋ ساياساتىن ورتاعا قويىپ، مال ٴناسىلى شارۋاشىلىعىنداعى باستاماشى كاسىپورىنداردى جەتىلدىرۋ، زورايتۋ؛ اۋىل - قىستاقتارداعى جارامدى دارىندىلاردى جەتىلدىرۋ، جەم - ءشوپ ەگۋ كولەمىن ارتتىرۋ سياقتىلار ارقىلى رايونىمىز مال شارۋاشىلىعى دامۋىنىڭ ساپاسىن جوعارىلاتىپ، ونىمدىلىگىن ارتتىرۋ كەرەك.
ءماجىلىس مىنالاردى اتاپ كورسەتتى: شينجياڭنىڭ مال شارۋاشىلىعىن دامىتۋداعى ەرەكشە باسىمدىعى مەن وراسان زور كومەسكى كۇشىن دالمە - ءدال يگەرىپ، سيىر، قوي ٴناسىلىنىڭ جوعارى ساپالى دامۋىنىڭ كەلەلى ءمانىن ايقىن تانىپ، ماسەلەنى باعدار ەتۋگە تاباندى بولىپ، دامۋ سەنىمى مەن بەكىمىن نىعايتۋ كەرەك. ساياسي كەڭەس مۇشەلەرىنىڭ جانە كاسىبي مامانداردىڭ ەرەكشە باسىمدىعىن ساۋلەلەندىرىپ، ”بۇكىل ەل بويىنشا ساپالى ەگىن، مال شارۋاشىلىعى ونىمدەرىمەن قامدايتىن ماڭىزدى بازا قالىپتاستىرۋ“ سىندى ستراتەگيالىق ورنىن بەلگىلەۋدى تياناق ەتىپ، سىندارلى پىكىر، ورەلى كەڭەس بەرۋ كەرەك. ءوندىرىس، وقىتۋ، زەرتتەۋ سەلبەستىگىن بەلسەنە ورىستەتىپ، سايكەسە جاڭالىق اشىپ، بىرلەسىپ قامال الىپ، اناعۇرلىم كوپ، اناعۇرلىم جاقسى اسىل تۇقىم جەتىلدىرۋ كەرەك. اسىل تۇقىم جەتىلدىرگەندە ۇتىمدى شارالاردى قولدانا بىلگەن ءجون، تۇقىمدى سۇرىپتاۋدى، كۇشەيتۋدى، ولشەمدەنگەن، كولەمدەنگەن باعىمشىلىقتى نىسانا ەتىپ، ۇلكەن كاسىپورىنداردى، ءىرى توپتاردى نىسانا ەتىپ، كاسىپ تىزبەگىن ۇزدىكسىز اقاۋسىزداندىرۋ كەرەك.
ءماجىلىس مىنالاردى باسا دارىپتەدى: مۇشەلەر، ماماندار، وقىمىستىلار جانە كاسىپورىن ۋاكىلدەرى ءوندىرىستىڭ، عىلىمي زەرتتەۋدىڭ ءبىرىنشى شەبىندە شايقاس جاساپ جاتقان قىزمەتكەرلەر سانالادى، كوپشىلىكتىڭ جاۋاپكەرشىلىك ارقالاۋدى كۇشەيتىپ، رايونىمىزدىڭ مال شارۋاشىلىعىنىڭ (سيىر، قوي ٴناسىلى) جوعارى ساپالى دامۋىنداعى قيىنشىلىقتارعا، ماسەلەلەرگە جانە جەتەرسىزدىكتەرگە تۋرا قاراپ، اۆتونوميالى رايوندىق پارتكومنىڭ اۋىل - قىستاق قىزمەت ءماجىلىسىنىڭ جانە اۋىل - قىستاقتى گۇلدەندىرۋدىڭ جوعارى ساپالى دامۋىن ىلگەرىلەتۋ جينالىسىنىڭ ءتۇرلى شەشىمدەرىن، ورنالاستىرۋلارىن مىقتاپ ارقاۋ ەتىپ، مامانداردىڭ اقىل - پاراساتىن ساۋلەلەندىرىپ، تەكسەرۋ - زەرتتەۋدەن جانە عىلىمي زەرتتەۋدەن قامال الۋدى كۇشەيتىپ، سيىر، قوي ٴناسىلىن جوعارى ساپالى دامىتۋعا ۇزدىكسىز كۇش سالىپ، رايونىمىزدىڭ مال شارۋاشىلىعىنداعى ءىرى رايوننان مال شارۋاشىلىعىنداعى قۋاتتى رايونعا قاراي ويىسۋىن ىلگەرىلەتۋدى ءۇمىت ەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
