قارامايلىدا بۇكىل شينجياڭنىڭ قوي - سيىرىن ”باسقارۋعا بولادى“
انار بۇلت \ شينجياڭ گازەتىنىڭ ءتىلشىسى ءرايدا
2023.05.12 16:35 كەلۋ قاينارى : شينجياڭ گازەتى
5 - ايدىڭ 6 - كۇنى تاڭەرتەڭ قارامايلى قالاسى قارامايلى رايونى گۋحاي ءمالىسىنىڭ تۇرعىنى لي ايچيان وتباسىنىڭ باعىمشىلىق اۋماعىندا قارامايلى قالاسى يۇڭبو مال شارۋاشىلىعىنا تەحنيكالىق قىزمەت وتەۋ شەكتى سەرىكتەستىگىنىڭ جاۋاپتىسى جاڭ پىڭ 80 سيىرعا، 120 قويعا قوي - سيىر اۋسىلىن جوياتىن ۆاكسينا قويىپ جاتتى. ءاربىر ۆاكسينانى قويعان سايىن جاڭ پىڭ قول تەلەفونىمەن سۋرەتكە تارتىپ، ەستەلىككە الدى ءارى جولداپ وتىردى.
سونىمەن ءبىر ۋاقىتتا قارامايلى بۇلتتىق ەسەپتەۋ كاسىپ سالاسى باقشاسىنداعى شينجياڭ چيسىحۋا ينفورماتسيا عىلىم - تەحنيكا شەكتى سەرىكتەستىگىندە ”شينجياڭ مال شارۋاشىلىعى مال دارىگەرلىك ۇلكەن ساندى مالىمەت تۇعىرىندا“ كوپتەگەن قىزىل ءتۇستى ۇساق كوورديناتالار جارقىراپ تۇر، ولاردىڭ اراسىنداعى ءبىر كوورديناتا ءدال جاڭ پىڭ جاڭا عانا ەنگىزگەن ينفورماتسيا ەدى. بۇل كوورديناتانى شەرتىپ ۇلكەيتكەندە، جاڭ پىڭنىڭ ناقتى ۋاقىتتا جولداعان ىندەتتەن ساقتانۋ ينفورماتسيالارى كورىنەدى، بۇل تۇرعان ورنى، ىندەتتەن ساقتانۋ قىزمەتكەرى، ءۇي يەسىنىڭ ينفورماتسياسى جانە يممۋنيتەت قىزمەتىنەن الىنعان تولىق ەستەلىك سياقتى مازمۇنداردى قامتيدى.
”بۇرىندارى ىندەتتەن ساقتانۋ قىزمەتكەرلەرىمىزدىڭ اربىرەۋى بىرنەشە داپتەرگە تىزىمگە الاتىن، تاعى جيناقتاپ، جوعارىعا جولدايتىن، قازىر ءبىر قول تەلەفونمەن عانا ۆاكسينا قويۋدى ەستەلىككە الۋمەن بىرگە، بارلىق ينفورماتسيالاردى تولتىرىپ جازاتىن جانە جوعارىعا مالىمدەي الاتىن بولدى. بۇرىندارى ۆاكسينانى تولىقتاپ قويۋ، ۆاكسينا قۇيىلماي قالىپ، قويعانداردى تابۋ ءۇشىن، داپتەرلەردى اقتارىپ، ەستەلىكتەردى قاراۋعا ۋاقىت سارىپ بولۋمەن بىرگە، ۇنەمى تولىق تابىلماي قالاتىن، قازىر ۆاكسينا تولىقتاپ قويۋ مىندەتى قول تەلەفوندا اۆتوماتتى ەسكەرتىلىپ تۇراتىن بولدى“، - دەدى جاڭ پىڭ.
”وسى جۇيە بولعاننان بەرى، ءبىز كوپتەگەن اۋرەشىلىكتەن قۇتىلدىق. بۇرىن قوي - سيىرلاردى قولدان شىعاراتىن كەزدە ىندەتتەن ساقتانۋ ەستەلىك داپتەرىن الىپ كارانتيندەۋ پۋنكتىنە بارىپ كارانتين كۋالىگىن ءوتىنىش ەتەتىنبىز. قازىر سول جەرگە بارىپ قول تەلەفون ءنومىرىن ايتساق بولعانى سوڭعى 3 جىلداعى ىندەتتەن ساقتانۋ ينفورماتسياسىن تەكسەرۋگە بولادى، وتە ىڭعايلى بولدى“، - دەدى لي ايچيان.
قارامايلى بۇلتتىق ەسەپتەۋ كاسىپ سالاسى باقشا رايونى ساندى مالىمەت ورتالىعىنىڭ تەحنيكالىق جاقتان تىرەك بولۋىنا سۇيەنگەن شينجياڭ چيسىحۋا ينفورماتسيا عىلىم - تەحنيكا شەكتى سەرىكتەستىگى ىلگەرىندى - كەيىندى ىندەتتەن ساقتانۋ قاعازسىز جۇيەسى، شينجياڭ حايۋاناتتار كارانتينى ەلەكتروندى كۋالىك شىعارۋ جۇيەسى، مال شارۋاشىلىعى ونىمدەرىنىڭ ساپا حاۋىپسىزدىگىن انىقتاۋ جۇيەسى، ءناسىلدى مال، ءۇي قۇستارىن باسقارۋ جۇيەسى، ءناسىل جاقسارتۋ جۇيەسى، ءماجبۇري يممۋنيتەت جاساۋدا ”الدىمەن ۆاكسينا قويىپ، ارتىنان تولىقتاما بەرۋ“ جۇيەسى سياقتى ون نەشە تۇردەگى ءونىمدى زەرتتەپ اشتى.
قازىر ىندەتتەن ساقتانۋ قاعازسىز جۇيەسى، حايۋاناتتار كارانتينى ەلەكتروندى كۋالىك شىعارۋ جۇيەسى بۇكىل شينجياڭداعى 14 ايماق، وبلىس، قالاداعى 10 مىڭنان استام قىستاققا جالپىلاستىرىلدى، 13 مىڭ نەگىزگى ساتى ىندەتتەن ساقتانۋ قىزمەتكەرى مەن 2000نان استام باسقارۋشى وسى جۇيەنى ىستەتىپ، ءبىر ميلليون 400 مىڭ باعىمشىلىق الاڭىن (وتباسى) باسقارۋدا. بۇل − قارامايلىنىڭ وزىندە تۇرىپ - اق بۇكىل شينجياڭنىڭ قوي - سيىرىن باسقارۋعا بولادى دەگەندىك.
”زەردەلى مال شارۋاشىلىعى − ءداۋىر بەتالىسى، ال، مال ءناسىلى ساندى مالىمەتىن دەر كەزىندە دالمە - ءدال يگەرۋ − ’زەردەلى قالانى، سيفرلى مال شارۋاشىلىعىن‘ جۇزەگە اسىرۋدىڭ نەگىزى. 2016 - جىلدان باستاپ، ءبىز مال شارۋاشىلىعى تۇتاس كاسىپ سالاسى تىزبەگىن نەگىز ەتكەن ۇلكەن ساندى مالىمەتپەن باسقارۋدى قولدانۋ جۇيەسى − ’شينجياڭ مال شارۋاشىلىعى، مال دارىگەرلىگى ۇلكەن ساندى مالىمەت تۇعىرىن‘ زەرتتەپ اشىپ، مال شارۋاشىلىعى، مال دارىگەرلىگىنە قاتىستى بارلىق جۇمىستاردى شوعىرلاندىرىپ، ونىمدەردىڭ كەلۋ قاينارى مەن اپارىلاتىن جەرىن انىق ەستەلىككە الىپ، ساندى مالىمەتتەن ورتاق يگىلىكتەنۋدى جۇزەگە اسىردىق“، - دەدى شينجياڭ چيسىحۋا ينفورماتسيا عىلىم - تەحنيكا شەكتى سەرىكتەستىگىنىڭ كاسىپ ديرەكتورى مۇحتار تۇردى.
2020 - جىلى ”شينجياڭ مال شارۋاشىلىعى، مال دارىگەرلىگى ۇلكەن ساندى مالىمەت تۇعىرى“رەسمي ىسكە قوسىلدى. مۇحتاردىڭ كورسەتۋىمەن ءتىلشى ”شينجياڭ مال شارۋاشىلىعى، مال دارىگەرلىگى ۇلكەن ساندى مالىمەت تۇعىرى“ ارقىلى مال، ءۇي قۇستارى باعىمشىلىعى، ءناسىلدى تۇقىم جەتىلدىرۋ، ىندەتتەن ساقتانۋدان تارتىپ، سويۋ، مانەرلەۋ، تاسىمالداۋ، ساتۋ سياقتى ءاربىر بۋىنداردىڭ بەلگىسىن انىقتاۋ مەن تەكسەرۋدىڭ جۇزەگە اسىرىلعاندىعىن، مال شارۋاشىلىعىندا ءتۇيىندى، وزەكتى كاسىپتەردىڭ جاپپاي ينفورماتسيالانۋى، كاسىپ باسقارۋدىڭ ينفورماتسيالانۋى، باسقارۋ ينفورماتسياسىنىڭ بايلىققا اينالدىرىلۋى جانە ينفورماتسيالىق قىزمەت وتەۋدىڭ جۇيەلىلەنۋى جۇزەگە اسىرىلعاندىعىن كوردى.
”ەگەر بۇلتتىق ەسەپتەۋ كاسىپ سالاسى باقشا رايونىنا كوشىپ كىرمەگەن بولسا، سەرىكتەستىك بۇگىنگى وراي مەن دامۋعا يە بولا الماۋشى ەدى. بىزبەن بىرگە باقشا رايونىنا كوشىپ كىرگەن كوپتەگەن سەرىكتەستىكتىڭ كولەمى العاشىندا وتە شاعىن بولاتىن، باقشا رايونىنىڭ جوبالاۋى، قىزمەت وتەۋى، جەتەكتەۋى، تانىستىرۋى ارقىلى ءبىز ناعىز’بۇلتتىق‘ دامۋ جولىنا تۇستىك“. مۇحتار تەبىرەنە بىلاي دەدى: كەلەسى قادامدا، سەرىكتەستىك ۇلكەن ساندى مالىمەت پەن جاساندى زەردەنىڭ مال شارۋاشىلىعىندا قولدانىلۋىن ونان ارى كەڭەيتىپ، ”مال شارۋاشىلىعى بۇلتىن“ ۇزدىكسىز اشىپ، شينجياڭنىڭ مال شارۋاشىلىعىنىڭ جوعارى ساپالى دامۋىنا اقىل - پاراسات جاعىنان ۇلەس قوسادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
