ءۇرىمجى اۋدانى بانفاڭگوۋ كورىنىس رايونىندا قار ەرۋگە بايلانىستى توساتتان تۋىلعان سەلدە 30 نەشە ساياحاتشى قامالىپ قالىپ، حالىق ساقشىلارى قۇتقاردى
2023.05.15 16:56 كەلۋ قاينارى : حالىق تورابى
 |
سۋرەتتە: 5 – ايدىڭ 13 – كۇنى، ءۇرىمجى قالاسى بانفاڭگوۋ كورىنىس رايونىندا قار ەرۋگە بايلانىستى سەل ءجۇرىپ، حالىق ساقشىلارى قامالىپ قالعان بۇقارانى قۇتقاردى. حوۋ لەي فوتوسى
|
جۇڭگو اقپارات تورابىنىڭ 5 – ايدىڭ 14 – كۇنى ۇرىمجىدەن بەرگەن حابارى (حوۋ لەي) 5 – ايدىڭ 13 – كۇنى، جوعارى تەمپەراتۋرانىڭ ىقپالىنا ۇشىراعاندىقتان، ءۇرىمجى اۋدانى بانفاڭگوۋ قالاشىعىنداعى قۇمدى اڭغار كورىنىس رايونىندا قار ەرۋگە بايلانىستى توساتتان تۋىلعان سەلدە 30 نەشە ساياحاتشى قامالىپ قالىپ، توساتتان تۋىلعان حاۋىپتى جاعدايعا ءدوپ كەلگەندە، ءۇرىمجى اۋداندىق قوعام حاۋىپسىزدىگى مەكەمەسى بانفاڭگوۋ ساقشى باسقارماسىنىڭ حالىق ساقشىلارى حاۋىپتى جاعداي تۋىلعان جەرگە دەرەۋ بارىپ، قۇتقارۋ قىزمەتىن ورىستەتتى.
قۇتقارۋ جۇمىسىنا قاتىناسقان حالىق ساقشىلارى ءىس تۋىلعان جەرگە بارعاندا، وزەن ارناسىنىڭ ەڭ كەڭ جەرىنىڭ 5 مەترگە جۋىقتايتىنىن، سەل اعىسى كۇشتى ءارى سۇيەكتەن وتەردەي سۋىق بولعاندىقتان، قامالىپ قالعاندار وزەننىڭ ارعى جاعالاۋىنداعى قاراعايدىڭ تۇبىندە قۇتقارۋشىلاردى اسىعا كۇتىپ وتىرعانىن كورگەن.
وسىنداي جاعدايدى كورگەن سوڭ، قۇتقارۋ جۇمىسىنا قاتىناسقان حالىق ساقشىلارى مەن كومەكشى ساقشىلار مۇزداي سۋىق سۋدى دەرەۋ كەشىپ ءوتتى، وزەن سۋىنىڭ ۇزدىكسىز كوبەيۋىنە بايلانىستى، قۇتقارۋشى ساقشى كۇشتەرى قامالىپ قالعان ساياحاتشىلاردى ارقالاپ، بەرگى جاعاعا ءساتتى وتكىزدى ءارى ولاردى حاۋىپسىز ورىنعا جەتكىزدى. ىلە – شالا، حالىق ساقشىلارى ۋاقىتتىق باسقارۋ – تەجەۋ ءتۇيىنىن ورنالاستىرىپ، تاۋدىڭ وسى بولىگىندەگى جولدى بەكىتىپ، كەلگەن ساياحاتشىلارعا بايىپتىلىقپەن اقىل ايتتى. 3 ساعات بويى قۇتقارۋ – كومەكتەسۋ ارقىلى، قامالىپ قالعان ساياحاتشىلاردى تۇگەلدەي حاۋىپسىز ورىنعا جوتكەدى.
ءۇرىمجى اۋداندىق قوعام حاۋىپسىزدىگى مەكەمەسى بانفاڭگوۋ ساقشى باسقارماسى مىنانى ەسكەرتەدى: جۋىردان بەرى اۋا تەمپەراتۋراسى ۇزدىكسىز جوعارىلاعاندىقتان، قاسات قار جەدەل ەرۋدە، كوپتەگەن وزەندەردە قاردىڭ ەرۋىنە بايلانىستى توساتتان تاسقىن تۋىلۋى وتە وڭاي، تاۋ قويناۋىنا بارىپ سەرۋەندەيتىن ساياحاتشىلاردىڭ وزەن ارناسىنا جاقىن ويپاڭدارعا بارىپ سەيىلدەمەگەنى، وزەندەگى سۋ اعىسىنىڭ جاعدايىنا نازار اۋدارعانى، حاۋىپتى جاعداي بايقالسا دەر كەزىندە جوتكەلگەنى ءجون، الدا – جالدا سەلدە قامالىپ قالسا، تاۋەكەلشىلدىك ىستەمەستەن، دەر كەزىندە ساقشىعا مالىمدەپ، قۇتقارۋدى كۇتكەنى ابزال.
كەلۋ قاينارى: حالىق تورابى
 |
سۋرەتتە: حالىق ساقشىلارى سۇيەكتەن وتەتىن تاستاي سۋىق سۋدان كەشىپ ءوتىپ، قامالىپ قالعانداردى قۇتقارۋدا. حوۋ لەي فوتوسى
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
