6 ميلليارد يۋانعا ساياتىن ءىرى دەلو! ەرەكشە ءىرى قىلمىستىق ۇيىم تالقاندالدى
2023.05.15 17:01 كەلۋ قاينارى : حالىق تورابى
ءتىلشىنىڭ 5 – ايدىڭ 14 – كۇنى چۇڭچيڭ قالالىق قوعام حاۋىپسىزدىگى مەكەمەسىنەن ۇعىسۋىنشا، چۇڭچيڭ ساقشى جاعى چۇڭچيڭ، گۇيجوۋ، جياڭسۋ قاتارلى جەرلەردە زاڭسىز تيجارات جۇرگىزۋ كۇمانىن تۋدىرعان ەرەكشە ءىرى دەلوعا قاتىستى قىلمىستىق توپقا جانە ونىڭ جوعارعى جاعىنداعى ءتورتىنشى جاق اقى تولەۋگە قىزمەت وتەۋ سەرىكتەستىگىنە شوعىرلى تور جيناۋ ارەكەتىن ورىستەتىپ، كرەديت كارتۋچكاسىنان ناق اقشا شىعارىپ الۋشىلاردىڭ، ۋاكىلەتتى قارىز قايتارۋشىلاردىڭ سانى 110 مىڭ ادامنان اسقان، دەلوعا قاتىستى سوما 6 ميللياد يۋان بولعان كرەديت كارتۋچكاسىنان زاڭعا قايشى تۇردە ناق اقشا شىعارىپ الاتىن توپتى تالقانداپ، قىلمىس كۇماندىلارىنان 20 نەشە ادامدى تۇتقىنداعان.
تەكسەرۋگە قاراعاندا، 2022 – جىلى 3 – ايدان بەرى، لو X، لي X اتاماندىعىنداعى تەحنيكالىق ۇجىم چۇڭچيڭ X شۋان مەديا شەكتى سەرىكتەستىگىن تىزىمگە الدىرىپ قۇرىپ، ”ناجاعاي تۇرمىس“ اتتى ون نەشە App قولدانباسىن بىرگە جاساعان ءارى ىسكە قوسقان. كليەنتتەر App قولدانباسى ارقىلى تاپسىرىس بەرىپ، جالعان تاۋار ساۋداسى ارقىلى قاراجاتتى كرەديت كارتۋچكاسىنان پايدالانعان سوڭ، قايتادان بەلگىلەنگەن كرەديت كارتۋچكاسىنا نەمەسە امانات كارتۋچكاسىنا قايتارىپ، كرەديت كارتۋچكاسىنان ناق اقشا شىعارىپ الۋ نەمەسە كرەديت كارتۋچكاسىنىڭ ەسەپ جاساۋ ۋاقىتىن كەشەۋىلدەتۋ قاجەتىن ورىنداپ وتىرعان. مۇنداي مەڭگەرۋ ءتاسىلى بارىسىندا ينتەرنەت ارقىلى اقى تولەۋ كوزدەرىنەن پايدالانىپ، جالعان ساۋدا ارقىلى زاڭسىز تاسىلمەن بەلگىلەنگەن اقى تولەۋشى جاققا اقشالاي قاراجات تولەپ، زاڭسىز تۇردە قاراجات تولەۋ، ەسەپ جابۋ قىزمەتىن ورىنداۋ كۇمانىن تۋدىرادى.
ەكى اي ۋاقىت بويى بارلاپ تەكسەرۋ ارقىلى، ساقشى جاق دەلوعا قاتىستى ادامداردىڭ قۇرىلىمىن، قىلمىس ىستەۋ ءتاسىلىن جانە تيجارات كولەمىن ايقىنداعان. بارلاپ تەكسەرۋ بارىسىندا، حالىق ساقشىلارى اتالعان دەلوعا قاتىستى ۇجىمنىڭ مەرزىم سايىن ساندى مالىمەتتەردى تازالاپ وتىرۋ، ورىن الماستىرۋ، سالاۋاتىن جالعاننان جاساۋ قاتارلى ءتۇرلى تاسىلدەر ارقىلى ساقشى جاقتىڭ سوققى بەرۋىنەن جالتارىپ وتىرعانىن بايقاعان. 4 – ايدىڭ 24 – كۇنى، چۇڭچيڭ قالاسى نان – ان رايوندىق ساقشى جاعى جۇزدەن استام ساقشى كۇشىن ۇيىمداستىرىپ، جەكە – جەكە حاڭجوۋ، انشۇن قاتارلى جەرلەرگە بارىپ، شوعىرلى تور جيناۋ ارەكەتىن ورىستەتىپ، قىلمىس كۇماندىلارىنان 20 ادامدى ءبىر جولدا قولعا ءتۇسىرىپ، دەلوعا ساياتىن 6 ميلليارد يۋان قارجىنى انىقتاعان. قازىر دەلو ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
