قازىر تىزىمدەۋ ۇستىندە! قارۋلى ساقشى قوسىنى قوعامنان اشىق تۇردە قىزمەتكەر قابىلداۋدا
2023.05.15 15:37 كەلۋ قاينارى : حالىق تورابى
قارۋلى ساقشى قوسىنىنىڭ 2023 – جىلى قوعامنان اشىق تۇردە كاسىپتىك شەبەرلىك ءتۇرى بويىنشا اكىمشىلىك قىزمەتكەر قابىلداۋ تۋرالى قۇلاقتاندىرۋى جاريالاندى، ينتەرنەت ارقىلى تىزىمدەلۋ ۋاقىتى 5 – ايدىڭ 12 – كۇنى ساعات 8:00 دەن 5 – ايدىڭ 21 – كۇنى ساعات 18:00 گە دەيىن بولادى.
قىزمەتكەر قابىلدايتىن ورىندار
قارۋلى ساقشى قوسىنىنا قاراستى ادام ىستەتۋشى ورىندار تاسىمالداۋ – جەتكىزۋ، جابدىقتاردى جوندەۋ، زاتتار مەن اسپاپتاردى ساقتاۋ، اسكەري ءيتتى باعۋ، ينفورماتسيالىق حابارلاسۋ قاتارلى كاسىپتىك شەبەرلىكتەر بويىنشا 3 – دارەجەدەن تومەنگى اكىمشىلىك قىزمەتكەر قابىلدايدى.
قىزمەتكەر قابىلداۋ وبيەكتىلەرى
قىزمەتكەر قابىلدايتىن ورىنداردىڭ تولىمدىلىق تالابىنا ساي كەلەتىن قوعامداعىلاردىڭ بارلىعىنىڭ ەمتيحانعا تىزىمدەلۋىنە بولادى (اسكەري مىندەتتەن بوساعان اسكەريلەردى قامتيدى).
قىزمەتكەر قابىلداۋ شارتى
كاسىپتىك شەبەرلىك ءتۇرى بويىنشا اكىمشىلىك قىزمەتكەر قابىلداۋ «جۇڭگو حالىق ازاتتىق ارمياسىنىڭ اكىمشىلىك قىزمەتكەر قابىلداۋ ەرەجەسىندە» ايقىن بەلگىلەنگەن نەگىزدىك شارتتارعا ساي كەلۋى، سونىمەن بىرگە، مىناداي شارتتاردى ازىرلەۋى كەرەك:
ءبىرىنشى، ساياسي جاقتاعى تالاپ. اسكەري قوسىنعا اكىمشىلىك قىزمەتكەر قابىلداۋداعى ساياسي باعالاۋعا ساياتىن قاتىستى بەلگىلەمەلەرگە ساي كەلۋى قاجەت.
ەكىنشى، تولىمدىلىعىنا قويىلاتىن تالاپ. كاسىپتىك شەبەرلىك دارەجەسى 3 – دارەجەدەن 5 – دارەجەگە دەيىنگى تەحنيكالىق قىزمەتكەر قابىلداناتىن ورىندارعا ەمتيحان بەرۋشىلەر جەكە – جەكە سايكەستى كاسىپتىك (جۇمىس تۇرىندىك) جوعارى دارەجەلى شەبەرلىك، ورتا دارەجەلى شەبەرلىك، باستاپقى دارەجەلى شەبەرلىك كاسىپتىك تولىمدىلىعىنا يە بولۋى كەرەك؛ جاي جۇمىسكەرلەرگە ارنالعان قىزمەت ورنىنا ەمتيحان بەرۋشىلەر سايكەستى كاسىپتىك ورەگە جانە قىزمەت قابىلەتىنە يە بولۋى قاجەت.
ءۇشىنشى، وقۋ ماعلۇماتىنا قويىلاتىن تالاپ. قىزمەت ورنى تالاپ ەتەتىن سايكەستى وقۋ ماعلۇماتىنا يە بولۋى قاجەت.
ءتورتىنشى، جاس شاماسىنا قويىلاتىن تالاپ. ەمتيحانعا تىزىمدەۋشىلەر 35 جاستان اسپاۋى قاجەت.
بەسىنشى، دەنساۋلىعىنا قويىلاتىن تالاپ. اسكەري قوسىنعا قابىلداناتىن اكىمشىلىك قىزمەتكەرلەردىڭ دەنساۋلىعىن تەكسەرۋگە قاتىستى بەلگىلەمەلەرگە ساي كەلۋى قاجەت.
التىنشى، باسقا تالاپتار. نەگىزگى تالاپتارعا ساي كەلگەن جاعدايدا، ەمتيحانعا تىزىمدەلۋگە قويىلاتىن ناقتى تالاپتاردى ادام ىستەتۋشى ورىندار قىزمەت ورنىنىڭ قاجەتىنە قاراي تۇراقتاندىرادى. ەمتيحانعا تىزىمدەلۋشىلەردىڭ جاسى، ماعلۇماتى، كاسىپتىك تولىمدىلىعى نەمەسە كاسىپتىك شەبەرلىك دارەجەسى قاتارلىلاردى تۇراقتاندىرۋدىڭ ۋاقىتىن ەسەپتەۋدە ەمتيحانعا تىزىمدەلگەن ايدىڭ ەڭ سوڭعى كۇنى ولشەم ەتىلەدى.
قىزمەتكەر قابىلداۋ ءتارتىبى
ينفورماتسيا جاريالاۋ. قارۋلى ساقشى قوسىنى اسكەري قوسىن دارىندىلار تورابى (جالعانىمى: http://www.81rc.mil.cn نەمەسە http://81rc.81.cn) ارقىلى قىزمەتكەر قابىلداۋ ۇقتىرۋى مەن جوسپارىن جاريالايدى.
ادام ىستەتۋشى ورىندار قىزمەتكەر قابىلداۋعا قاتىستى كەڭەس سۇراۋ تەلەفونىن ورنالاستىرادى، قاتىستى ىستەردى قىزمەت ورنى جونىندەگى جوسپاردان تەكسەرىپ كورۋگە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
