نەگىزگى تاقىرىپتىق تاربيە مەن حالىق تۇرمىسىنداعى ناقتى ىستەردىڭ ءوزارا توعىسىپ، بىرگە العا باسۋىن ىلگەرىلەتتى
− شينجياڭداعى 1 - توپتا نەگىزگى تاقىرىپتىق تاربيە ورىستەتكەن ورىندار كوپ ءتۇرلى شارا قولدانىپ ناقتى ىستەر ىستەپ، حالىقتىڭ مۇڭ - مۇقتاجىن شەشتى
انار بۇلت \ شينجياڭ گازەتىنىڭ تىلشىلەرى
2023.05.12 16:36 كەلۋ قاينارى : شينجياڭ گازەتى
باس شۋجي شي جينپيڭنىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، تۇتاس رايونداعى ءار ۇلت بۇقاراسىنىڭ تاماشا تۇرمىس جونىندەگى جاڭا تىلەگىن، جاڭا تالپىنىسىن ۇزدىكسىز قاناعاتتاندىرۋ ءۇشىن، اۆتونوميالى رايوندىق پارتكوم حالىقتى وزەك ەتكەن دامۋ يدەياسىنا تاباندى بولىپ، اۆتونوميالى رايوننىڭ نەگىزگى تاقىرىپتىق تاربيەسىندە ”ناقتى ءىس ىستەۋ، حالىقتىڭ مۇڭ - مۇقتاجىن شەشۋ“ سياقتى حالىق تۇرمىسىنداعى 18 ناقتى ءىستى اقىلداسىپ تۇراقتاندىردى. 1 - توپتا نەگىزگى تاقىرىپتىق تاربيە ورىستەتكەن ورىندار حالىق ءۇشىن ناقتى ءىس ىستەۋدى نەگىزگى تاقىرىپتىق تاربيەنىڭ ماڭىزدى مازمۇنى ەتىپ، نازاردى جۇمىستاندىرۋ، وقۋ - اعارتۋ، قارتتاردى كۇتىمدەۋ، تۇرعىن ءۇي سياقتى حالىق تۇرمىسى سالالارىنا شوعىرلاندىرىپ، بۇقارا ەڭ كوڭىل ءبولىپ وتىرعان ماسەلەلەردى كۇش سالا شەشىپ، نەگىزگى تاقىرىپتىق تاربيە مەن حالىق تۇرمىسىنداعى ناقتى ىستەردىڭ ءوزارا توعىسۋىن، بىرگە العا باسۋىن ىلگەرىلەتتى. قازىر ءتۇرلى ناقتى ىستەر جاپپاي اتقارىلىپ، تارتىپپەن ىلگەرىلەتىلۋدە.
5 - ايدىڭ 5 - كۇنى 48 جاستاعى ءۇرىمجى قالاسىنىڭ تۇرعىنى ما جيا - نو ءبىر وتباسىلىق قىزمەت وتەۋ سەرىكتەستىگىنىڭ جۇمىسقا قابىلداۋ ۇقتىرۋىن تاپسىرىپ الدى. ”جۇمىسقا شىعۋ كۋرسىنان كەيىن ايىنا 4000 − 5000 يۋان تابا الاتىن بولدىم“! - دەدى ول شاتتانا. ”قالا، اۋىلداعى بۇقارانىڭ جۇمىستانۋىن، شارۋاشىلىق قۇرۋىن، كىرىستەرىن ارتتىرۋىن جەبەۋ ارەكەتىن ورىستەتۋ“ − اۆتونوميالى رايوننىڭ نەگىزگى تاقىرىپتىق تاربيەسىندەگى ”ناقتى ءىس ىستەيتىن، حالىقتىڭ مۇڭ - مۇقتاجىن شەشەتىن“ حالىق تۇرمىسى ناقتى ىستەرىنىڭ ءبىرى.
اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ پارتيا باسشىلىق گرۋپپاسى قالا، اۋىلداعى بۇقارانىڭ جۇمىستانۋىن، شارۋاشىلىق قۇرۋىن، كىرىستەرىن ارتتىرۋىن جەبەۋدى ارقاۋ ەتە وتىرىپ، ورتا، شاعىن، ۇساق كاسپورىندارعا جۇمىستانۋ بويىنشا ساياساتتىق قىزمەت وتەۋدى تياناقتاندىرۋ ارناۋلى ارەكەتىن جۇرگىزدى؛ جۇمىستانباعان جوعارى مەكتەپ بىتىرگەن وقۋشىلارعا قىزمەت وتەۋدەن قامال الۋ ارەكەتىن اتقارىپ، قيىنشىلىعى بار جوعارى مەكتەپ بىتىرگەن وقۋشىلارعا ارناۋلى كومەكتەسۋ - سۇيەمەلدەۋ ورىستەتىپ، شارۋا جۇمىسكەرلەر، تىركەلگەن جۇمىسسىزدار، قوسىننان شەگىنگەن اسكەريلەر، ايەلدەر سياقتى قاۋىمدى جۇمىستاندىرۋ قىزمەتىن ءبىر تۇتاس جوسپارلاپ، ويداعىداي ىستەدى؛ جاڭادان قۇرىلعان ناقتى تۇلعانى قولداۋ سەرپىنىن ارتتىرىپ، ءتۇرلى شارۋاشىلىق قۇرۋدى ىلگەرىلەتۋ قيمىلدارىن ۇيىمداستىرىپ ورىستەتىپ، شارۋاشىلىق قۇرۋدى سۇيەمەلدەۋ ساياساتىن تياناقتاندىرىپ، شارۋاشىلىق قۇرۋ ارقىلى جۇمىستاندىرۋدى جەتەكتەۋدىڭ ەسەلەپ ارتتىرۋ اسەرىن ساۋلەلەندىردى؛ اۆتونوميالى رايوننىڭ ”8 ءىرى كاسىپ سالاسى شوعىرىن“ دامىتۋدى ارقاۋ ەتىپ، اۋدان اۋماعى ەكونوميكاسىنا، اۋىل - قىستاقتىڭ ەرەكشە باسىمدىققا يە بايلىعىنا سۇيەنىپ، اناعۇرلىم كوپ اۋىل - قىستاق ەڭبەككۇشتەرىنىڭ جاقىن ماڭدا، سول جەردىڭ وزىندە جۇمىستانۋىن جەبەدى؛ وڭىرلىك ەڭبەككۇش سەلبەستىگى مەحانيزمىن تەرەڭدەتىپ، قامداۋ مەن قاجەتسىنۋدى دالمە - ءدال ءتۇيىلىستىرۋدى كۇشەيتىپ، اۋىل - قىستاق ەڭبەككۇشتەرىنىڭ سىرتقا شىعىپ جۇمىس ىستەۋىن تارتىپپەن ىلگەرىلەتىپ، جۇمىستانىپ كىرىستى ارتتىرۋ ارناسىن كەڭەيتتى. سونىمەن بىرگە، ءتۇرلى كاسىپتىك شەبەرلىككە باۋلۋدى ساتىعا، تۇرگە ءبولىپ ورىستەتىپ، ەڭبەكشىلەردىڭ جۇمىستانۋ، شارۋاشىلىق قۇرۋ قابىلەتىن جوعارىلاتىپ، جوعارى ساپالى، تولىق جۇمىستانۋدى جەبەدى. بۇقارانىڭ جۇمىستانىپ كىرىستى ارتتىرۋىندا تىڭ ىلگەرىلەۋشىلىكتەرگە قول جەتتى.
اۆتونوميالى رايوندىق وقۋ - اعارتۋ مەڭگەرمەسى نەگىزگى تاقىرىپتىق تاربيەدە مەكتەپكە دەيىنگى تاربيەنىڭ جالپىلاسىپ، جالپىعا ءتيىمدى بولىپ دامۋىن جەدەلدەتۋ مەن ”قالالارداعى ۇكىمەتتىك بالاباقشالاردىڭ بالا قابىلداۋى جاقتارىندا ساندى ارتتىرۋ“ سياقتى حالىق تۇرمىسىنداعى ناقتى ىستەردى سايكەستى ىلگەرىلەتىپ، ءبىر تۇلعالى كۇش سالىپ، حالىق بۇقاراسىنىڭ مەكتەپكە دەيىنگى تاربيەدەن يگىلىكتەنۋ، مەكتەپكە دەيىنگى تاربيەدەن ساپالى يگىلىكتەنۋ جونىندەگى تاماشا تىلەگىن اناعۇرلىم ويداعىداي قاناعاتتاندىرادى.
اۆتونوميالى رايوندىق وقۋ - اعارتۋ مەڭگەرمەسى ۇيىمدىق جەتەكشىلىكتى كۇشەيتىپ، ءۇرىمجى قالاسى سياقتى 5 قالادا جاڭادان 11 بالاباقشا سالىپ، ۇكىمەتتىك بالاباقشالارعا تىڭنان 4000 بالا قابىلدايتىن بولىپ، وسى جىل ىشىندە نەگىزگى تۇلعالىق قۇرىلىستى اياقتايدى، مۇندا ءۇرىمجى قالاسىندا ۇشەۋ، سانجى قالاسىندا ەكەۋ، كورلا قالاسىندا ەكەۋ، قۇمىل قالاسىنىڭ يجوۋ رايونىندا ەكەۋ جانە قۇلجا قالاسىندا ەكەۋ بار؛ ورتالىقتىڭ مەكتەپكە دەيىنگى تاربيەنىڭ دامۋىن قولداۋ قارجىسىنىڭ جەرگىلىكتى ورىنداعى مەكتەپكە دەيىنگى تاربيەنىڭ دامۋىنا قولداۋ كورسەتۋ رولىن تولىق ساۋلەلەندىرىپ، ءۇرىمجى سياقتى 5 قالادا جاڭادان سالىناتىن ۇكىمەت اشقان 11 بالاباقشا نىسانىنا قولداۋ كورسەتۋگە 190 ميلليون يۋان ارناۋلى قارجى سالدى؛ ”قۇرىلىس چەرتوجىن“ عىلمي جاساپ، ۋاقىت كەستەسىن، جاۋاپتى ادامدى ايقىنداپ، كوپ ءتۇرلى شارانى قاتار قولدانىپ، حالىق تۇرمىسىنداعى ناقتى ءىس قىزمەتىنىڭ ناقتىلانۋىن، تياناقتانۋىن بەلسەنە ىلگەرىلەتتى. سونىمەن بىرگە، جەر - جەردەن نىسان قارجىسىن باسقارۋدى كۇشەيتىپ، ارناۋلى قارجىنى ارناۋلى ورىنعا جۇمساپ، قىزمەت ناتيجەسىن باعالاۋدى ويداعىداي ىستەپ، ارناۋلى قارجىنىڭ ەڭ زور ونىمدىلىگىن ساۋلەلەندىرۋىنە شىنايى كەپىلدىك ەتۋدى ايقىن تالاپ ەتتى.
اسپەن قامداۋ، تۇرمىستىق قارايلاسۋ، ساۋىقتىرۋ بويىنشا كۇتىمدەۋ، مادەني كوڭىل اشۋ، رۋحي جاقتان دەم بەرۋ... بۇل رايونىمىزدا سالىنىپ جاتقان الەۋمەتتىك اۋماقتاعى قارتتارعا كۇندىز قارايلاسۋ ورتالىعىندا تۇراقتى قۇرىلعان نەگىزدىك قارتتاردى كۇتىمدەۋ بويىنشا قىزمەت وتەۋ يقۋاتى سانالادى. وسى بىرنەشە كۇندە، ياركەن اۋدانى چىڭشي ءمالىسى دۋشى الەۋمەتتىك اۋماعىنداعى تۇرعىندار ءۇيىنىڭ الدىنان سالىنىپ جاتقان الەۋمەتتىك اۋماقتىڭ كۇندىز قارايلاسۋ ورتالىعىنان زور ءۇمىت كۇتىپ وتىر. بۇل نىسان مەجەمەن 5 - ايدىڭ 30 - كۇنى سالىنىپ ءبىتىپ، پايدالانۋعا بەرىلىپ، ءتىپتى دە كوپ قارتتارعا اناعۇرلىم زەردەلى، اناعۇرلىم حاۋىپسىز، اناعۇرلىم ەتەنە قامقورلىق جاسايدى.
100 الەۋمەتتىك اۋماقتاعى قارتتارعا كۇندىز قارايلاسۋ ورتالىعى قۇرىلىسى − اۆتونوميالى رايون نەگىزگى تاقىرپتىق تاربيە بويىنشا تۇراقتاندىرعان حالىق تۇرمىسىنداعى ناقتى ءىس نىساندارىنىڭ ءبىرى. نەگىزگى تاقىرىپتىق تاربيە بارىسىندا اۆتونوميالى رايوندىق حالىق ىستەرى مەڭگەرمەسىنىڭ پارتيا باسشىلىق گرۋپپاسى ەكى جاعىن يگەرۋگە، ەكى جاعىن جەبەۋگە تاباندى بولىپ، قىزمەت شاعىن گرۋپپاسىن قۇرىپ، نىسان قۇرىلىسىن ىلگەرىلەتۋ، تياناقتانۋ جاعدايىنا تۇيىننەن تۇيىنگە دەيىن ورنالاستىرۋ جاسادى. حالىق ىستەرى مەڭگەرمەسى قارتتاردى كۇتىمدەۋ قىزمەت وتەۋ باسقارماسىنىڭ جاۋاپتىسى كاسىپتىك تىرەكتىلەردى باستاپ نىسان قۇرىلىسىنا ءوتىنىش بەرۋ، ورىن تاڭداۋ، قۇرىلىس ولشەمى سياقتى جاعدايلار جونىندە ناقتى ورىندا تەكسەرۋ - زەرتتەۋ جۇرگىزىپ، جۇمىس باسىندا جەتەكشىلىك ەتىپ، ورىن تەپكەن ماسەلەلەرگە بىرگە تالداۋ جاساپ جانە ونى شەشىپ، اتقارۋ قىزمەتىن تارتىپپەن ىلگەرىلەتتى.
”قامتاماسىزدىق سيپاتتى تۇرعىن ءۇي قۇرىلىسىن ورىستەتۋ“ دە اۆتونوميالى رايوننىڭ نەگىزگى تاقىرىپتىق تاربيەسىندەگى حالىق تۇرمىسى ناقتى ىستەرىنىڭ ءبىرى، اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى تەكسەرۋ - زەرتتەۋدى بارىنشا ورىستەتىپ، قامتاماسىزدىق سيپاتتى تۇرعىن ءۇي قۇرىلىسىن بار كۇشپەن ىلگەرىلەتتى. تۇرعىن ءۇي جانە قالا، اۋىل قۇرىلىسى مەڭگەرمەسى جوسپار - مىندەتتەردى ايقىنداۋ، قىزمەتتىڭ ماڭىزدى تۇيىندەرىن بەلگىلەۋ، بەينەبايلانىستىق ورنالاستىرۋ ءماجىلىسىن اشۋ، ”ۇشكە ارالاسۋ، بەسكە بارۋ“ (نەگىزگى ساتىنى ىشكەرىلەي ارالاۋ، بۇقارامەن ىشكەرىلەي ارالاسۋ، قىزمەت وتەۋ وبيەكتىلەرىن ىشكەرىلەي باسقارۋ، اۋىل - قىستاقتارعا بارۋ، الەۋمەتتىك اۋماقتارعا بارۋ، كاسىپورىندارعا بارۋ، قۇرىلىس ورىندارىنا بارۋ، جۇمىس باسىنا بارۋ) بويىنشا ناقتى ورىندا تەكسەرۋ - زەرتتەۋ ورىستەتۋ، ۇگىتتەۋگە، باۋلۋعا ۇيىمداستىرۋ سياقتى تاسىلدەر ارقىلى جەر - جەردىڭ قالا - قالاشىقتارداعى قامتاماسىزدىق سيپاتتى بەيقۇت ءۇي ينجەنەرياسى قۇرىلىسىنىڭ جۇمىس باستاۋىن جەدەل ىلگەرىلەتۋىنە جەتەكشىلىك ەتتى. تاياۋدا 22 مىڭ 700 الەۋمەتتىك جالعا بەرىلەتىن ءۇي، قامتاماسىزدىق سيپاتتى جالعا بەرىلەتىن تۇرعىن ءۇي، قالا - قالاشىقتارداعى لاشىقتى اۋماقتاردى جاڭالاۋ نىسانى ءساتتى اتقارىلدى.
(ءتىلشى لي لين، قاتىناسقان تىلشىلەر جاۋ چۇنحۋا، جاۋ شييا، ۋاڭ يايۇن)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
