ناۋقاس ادام اراق ءىشىپ قازا بولسا، بىرگە اراق ىشكەندەر قوسالقى جاۋاپكەرشىلىك ارقالايدى
2023.05.15 17:01 كەلۋ قاينارى : حالىق تورابى
جۋىردا، شانشي ولكەسى شي – ان قالاسى ۋەيياڭ قالالىق حالىق سوتى مەكەمەسى توپتاسىپ اراق ءىشۋ سەبەبىنەن تۋىلعان تىرشىلىك ۇقىعىنا ساياتىن تالاس – تارتىس دەلوسى جونىندە تەرگەۋ جۇرگىزگەن.
2022 – جىلى 2 – ايدا، يان X يۋان X تى ۇسىنىس ەتىپ، يۋان X تاعى ياۋ X تى ۇسىنىس ەتىپ، ۇشەۋى بەلگىلى كاۋاپ دۇكەنىنە بارىپ باس قوسقان. وسى بارىستا يۋان X ەكى بوتەلكە اق اراق ساتىپ الىپ، ۇشەۋى بىرگە ىشكەن. باس قوسۋ بارىسىندا ياۋ X ايەلى سۇڭ X تى الىپ كەلگەن، يۋان X تاعى ءبىر بوتەلكە اق اراق ساتىپ العان. باس قوسۋ اياقتاعان سوڭ، ياۋ X قولفونىن الىپ، ەسەپ جاساماقشى بولعان كەزدە جەرگە جىعىلعان، يان X پەن سۇڭ X بىرگە ونى ەمحاناعا جەتكىزگەن ءارى سول كۇنگى ەمدەلۋ قاراجاتىن تولەي تۇرعان. تەكسەرۋ ناتيجەسىندە، ياۋ X تىڭ جۇرەك اۋرۋى، جوعارى قان قىسىمى قاتارلى نەگىزدىك اۋرۋلارى بار ەكەنى انىقتالىپ، ەمحاناعا جاتىپ ەمدەلگەن سوڭ، 8 كۇننەن كەيىن قازا بولعان، ونىڭ تۇىستارى سوتقا ارىزدانىپ، ياۋ X پەن يۋان X تولەم بەرۋ جاۋاپكەرشىلىگىن ارقالاۋى كەرەك دەپ تالاپ ەتكەن.
سوت مەكەمەسى بىلاي دەپ قاراعان: ياۋ X نەگىزدىك اۋرۋى بار بولسا دا باسقالارمەن بىرگە اق اراق ىشكەن، ونىڭ ۇستىنە، اراقتى مولشەرىمەن تەجەپ ىشپەگەندىكتەن، ءوزىن قورعاۋ قابىلەتى تومەندەگەن، ءولىم – ءجىتىمنىڭ تۋىلۋىندا باستى جاۋاپكەرشىلىك ارقالايدى؛ ونىڭ ايەلى سۇڭ X تە ەسكەرتۋ، كومەكتەسۋ بورىشىن تولىق وتەمەگەندىكتەن، بەلگىلى جاۋاپكەرشىلىك ارقالايدى؛ يۋان X پەن يان X بىرگە اراق ىشكەن كەزدە ياۋ X تىڭ اراق ءىشۋ سەبەبىنەن ءوزىن قورعاۋ قابىلەتىنىڭ تومەندەۋىنە بەلگىلى دەڭگەيدە ەسكەرتۋ، كوڭىل ءبولۋ، كومەكتەسۋ بورىشىن تولىق وتەمەگەندىكتەن، ونىڭ ولىمىنە بەلگىلى دەڭگەيدە جاۋاپكەرشىلىك ارقالايدى. يان X تىڭ 120 عا تەلەفون سوعىپ، ەمحاناعا جەتكىزۋگە سەلبەسكەندىگى ءارى ەمدەلۋ اقىسىن بەلسەندىلىكپەن تولەگەنى قاتارلى سەبەپتەرگە بايلانىستى، سوت مەكەمەسى ول %3 جاۋاپكەرشىلىك ارقالاۋى كەرەك، تولەي تۇرعان ەمدەلۋ قاراجاتىنان سىرت 28 مىڭ يۋان تولەم بەرۋى كەرەك، يۋان X بولسا %5 جاۋاپكەرشىلىك ارقالاۋى، اتاپ ايتقاندا، 52 مىڭ يۋان تولەم تولەۋى كەرەك دەپ ۇكىم شىعارعان.
يۋان X ۇكىمگە مويىنسال بولماي، جوعارىلاپ ارىزدانعان، شي – ان قالالىق ورتا دارەجەلى حالىق سوتى مەكەمەسى اسىلگى ۇكىمدى وزگەرتپەي ساقتاعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
