مەملەكەتتىك حالىق قۇرىلتايى تۇراقتى كوميتەتى سازدىقتى قورعاۋ زاڭىنىڭ اتقارىلۋىن تەكسەرۋدى باستادى
2023.05.17 13:44 كەلۋ قاينارى : حالىق تورابى
حالىق گازەتىنىڭ 5 – ايدىڭ 16 – كۇنى بەيجيڭنەن بەرگەن حابارى. ەكولوگيالىق وركەنيەت ءتۇزىمى جۇيەسىنە تاباندى بولىپ جانە ونى كەمەلدەندىرىپ، ادام مەن تابيعاتتىڭ جاراسىمدى، قاتار ءومىر ءسۇرۋىن جەبەپ، سازدىقتى قورعاۋ زاڭىنىڭ جاپپاي، ءونىمدى دايەكتى اتقارىلۋىن ىلگەرىلەتۋ ءۇشىن، مەملەكەتتىك حالىق قۇرىلتايى تۇراقتى كوميتەتى تاياۋدا سازدىقتى قورعاۋ زاڭىنىڭ اتقارىلۋىن تەكسەرۋدى باستادى.
سازدىقتى قورعاۋ زاڭى 2021 – جىلى 12 - ايدا ماقۇلدانىپ، 2022 - جىلى 6 - ايدىڭ 1 - كۇنىنەن باستاپ اتقارىلعان. ءتىلشىنىڭ 5 – ايدىڭ 16 - كۇنى بەيجيڭدە اشىلعان مەملەكەتتىك حالىق قۇرىلتايى تۇراقتى كوميتەتىنىڭ سازدىقتى قورعاۋ زاڭىنىڭ اتقارىلۋىن تەكسەرۋ گرۋپپاسىنىڭ ءبىرىنشى جالپى ماجىلىسىنەن ۇعىسۋىنشا، وسى رەتكى زاڭنىڭ اتقارىلۋىن تەكسەرۋدە زاڭنىڭ اتقارىلۋىن تەكسەرۋ گرۋپپاسى جەرگىلىكتى ورىندارعا بارىپ تەكسەرۋ مەن ولكە دارەجەلى حالىق قۇرىلتايى تۇراقتى كوميتەتىنىڭ تەكسەرۋىنە مىندەتتەۋدى ۇشتاستىرۋ ءتاسىلىن قولدانادى. 5 - ايدان 7 - ايعا دەيىن، زاڭنىڭ اتقارىلۋىن تەكسەرۋ گرۋپپاسى حيلۇڭجياڭ، انحۇي، جياڭشي، شاندۇڭ، حاينان، سىچۋان قاتارلى 6 ولكەگە بارىپ ناق مايداندا تەكسەرۋ جۇرگىزەدى، سونىمەن بىرگە شاڭحاي، جياڭسۋ، فۋجيان، حۋبەي، گۋاڭشي، شيزاڭ، چيڭحاي، نيڭشيا قاتارلى 8 ولكەنىڭ (اۆتونوميالى رايون، توتە قاراستى قالا) حالىق قۇرىلتايى تۇراقتى كوميتەتىنە ءوز اكىمشىلىك وڭىرىندەگى سازدىقتى قورعاۋ زاڭىنىڭ اتقارىلۋ احۋالىنا ءبىر ۋاقىتتا تەكسەرۋ جۇرگىزۋدى اماناتتايدى.
زاڭنىڭ اتقارىلۋىن تەكسەرۋ بارىسىندا تەكسەرۋ گرۋپپاسى 7 جاقتاعى مازمۇندى ءتۇيىن ەتىپ تەكسەرەدى: زاڭدى ۇيرەنۋ، ۇگىتتەۋ، جالپىلاستىرۋ، سايكەستى زاڭ - ەرەجەلەردى، ولشەمدەردى جاساۋ سياقتى جاعدايلار؛ ۇكىمەت جانە ونىڭ قاتىستى تاراۋلارىنىڭ سازدىقتى قورعاۋ زاڭدا بەلگىلەنگەن قىزمەت جاۋاپكەرشىلىگىن تياناقتاندىرۋ جاعدايى؛ سازدىقتى قورعاۋ، زاڭ اتقارۋ، ءادىليا جاعدايى؛ سازدىقتى دارەجەگە ءبولىپ باسقارۋ جانە تىزىمدىك ءتۇزىمىن تياناقتاندىرۋ سياقتى جاعدايلار؛ سازدىقتى قورعاۋ جانە ۇيلەسىمدى پايدالانۋ، قالپىنا كەلتىرۋ احۋالى، سازدىقتى جوبالاۋ، تەكسەرىپ باعالاۋ جانە ماڭىزدى سازدىق بايلىعىن اۋقىمدىق باقىلاۋ - ولشەۋ جانە ساقتاندىرۋ احۋالى، زاڭ اتقارۋ بارىسىندا ورىن تەۋىپ وتىرعان باستى ماسەلەلەر مەن سەبەپتەر، زاڭنىڭ اتقارىلۋىن ىشكەرىلەي ىلگەرىلەتۋ جونىندەگى پىكىر - ۇسىنىستار، ت.ب.
9 - ايدىڭ باس شەنىندە زاڭنىڭ اتقارىلۋىن تەكسەرۋ گرۋپپاسى 2 - رەتكى جالپى ءماجىلىسىن اشىپ، زاڭنىڭ اتقارىلۋىن تەكسەرۋ قىزمەتىن قورىتىندىلاپ، زاڭنىڭ اتقارىلۋىن تەكسەرۋ بايانداماسىنىڭ نۇسقاسىنا وزگەرىس ەنگىزىپ كەمەلدەندىرەدى. 10 – ايدىڭ اياق شەنىندە مەملەكەتتىك حالىق قۇرىلتايى تۇراقتى كوميتەتى سازدىقتى قورعاۋ زاڭىنىڭ اتقارىلۋ جاعدايىن تەكسەرۋ جونىندەگى باياندامانى تىڭدايدى جانە قارايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
