جاقسى دوستار بايىرعى استانادا باس قوستى
2023.05.19 14:45 كەلۋ قاينارى : حالىق تورابى
5 – ايدىڭ 18 – كۇنى كەشتە، مەملەكەت ءتوراعاسى شي جينپيڭ مەن حانىمى پىڭ لييۋان شانشي ولكەسى شي ـ ان قالاسىنداعى ۇلى تاڭ فۋرۇڭ باقشاسىندا جۇڭگو — ورتا ازيا باسشىلار ماجىلىسىنە قاتىناساتىن ورتا ازيا ەلدەرىنىڭ مەملەكەت باسشىلارى مەن ولاردىڭ حانىمدارىنا ارناپ قارسى الۋ سالتىن جانە قارسى الۋ قوناعاسىن وتكىزدى.
شي جينپيڭ قارسى الۋ ءسوزىن سويلەپ، جۇڭگو ۇكىمەتى مەن جۇڭگو حالقى اتىنان ورتا ازياداعى ەلدەردىڭ باسشىلارىن قىزۋ قارسى الدى. شي جينپيڭ مىنالاردى اتاپ كورسەتتى: شانشي ‐ بايىرعى جىبەك جولىنىڭ شىعىستاعى باستالعان جەرى، ول جۇڭگونىڭ ورتا ازيا ەلدەرىمەن ەكى مىڭ جىلدان استام ۋاقىتتان بەرگى تەرەڭ دوستىعىنا كۋا بولدى. مىڭداعان جىلداردان بەرى، جۇڭگو ورتا ازيا حالقىمەن اۋىس ـ كۇيىس جاساپ، ءوزارا ۇيرەنىپ، ءوزارا ۇلگى الىپ، بايىرعى جىبەك جولىنىڭ شۇعىلاسىن جاراتىپ، ادامزات وركەنيەتىنىڭ اۋىس ـ كۇيىس تاريحىنداعى تاماشا داستاندى جازدى.
ۇلى تاڭ فۋرۇڭيۋان باقشاسىنداعى ەڭسەلى ساراي عيماراتتارى اسەم نۇرعا بويانىپ، كوركەم كورىنىسى كوز جاۋىن الدى.
قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ جانە حانىمى جاپاروۆا، تاجىكستاننىڭ زۇڭتۇڭى راحمان، تۇركمەنستاننىڭ زۇڭتۇڭى بەردىمۇحامەدوۆ، وزبەكستاننىڭ زۇڭتۇڭى ميرزيويەۆ جانە حانىمى ميرزيويەۆا زىيۇن عيماراتىنىڭ الدىنا جەتتى.
شي جينپيڭ مەن حانىمى وسى ارادا سيلى قوناقتارمەن سۋرەتكە ءتۇسىپ ەستەلىك قالدىردى.
شي جينپيڭ مەن حانىمى سيلى قوناقتارعا ارناپ تاڭ پاتشالىعىنىڭ ءداستۇرلى قوناق قابىلداۋ سالتىن وتكىزدى. زىيۇن عيماراتىنىڭ الدىندا، سالتتىق موزيكالار وينالىپ، جارقىن دا ويناقى بايىرعى زامان بيلەرى ورىندالىپ، مىڭ بۇرالعان شامگۇل ءبيى بيلەنىپ، بايىرعى استانا شي ـ ان حالقىنىڭ قوناعۋار، ىستىق ىقىلاسىن بەينەلەپ، جۇڭحۋا مادەنيەتىنىڭ ەشكىمدى الالامايتىن رۋحاني بەت ـ بەينەسىن ايگىلەدى.
شي جينپيڭ مەن پىڭ لييۋان سيلى قوناقتارمەن بىرگە يۋانگۇڭمىنعا بارىپ قارسى الۋ قوناعاسىن وتكىزدى.
قوناعاسىدان كەيىن، شي جينپيڭ مەن حانىمى سيلى قوناقتارمەن بىرگە جۇڭگو — ورتا ازيا ەلدەرى حالقىنىڭ مادەنيەت - كوركەمونەر جىلىنىڭ جانە جۇڭگو — ورتا ازيا جاستار كوركەمونەر فەستيۆالىنىڭ اشىلۋ سالتىن تاماشالادى.
بايىرعى جىبەك جولىنىڭ شىعىستاعى باستالعان جەرىندە جۇڭگو ارمانى ورتا ازياداعى ەلدەردىڭ ارمانىمەن اناعۇرلىم تىعىز بايلانىسا ٴتۇستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
