بەيجيڭ ساقشى جاعى جاڭا تيپتى جالعامالى ساتۋ توبىنان 48 توپتى تالقاندادى
2023.05.17 13:07 كەلۋ قاينارى : حالىق تورابى
بۇكىل ەلىمىزدەگى قوعام حاۋىپسىزدىگى ورگاندارىنىڭ 5 – ايدىڭ 15 – كۇنى ەكونوميكالىق قىلىمىستارعا سوققى بەرۋ جانە ودان ساقتانۋ جونىندە ۇگىت جۇرگىزۋ كۇنى كەلۋ بايلانىسىمەن، بەيجيڭ ساقشى جاعى بىلتىردان بەرگى جاڭا تيپتى جالعامالى ساتۋ توبىنا سوققى بەرۋ جاعدايى جونىندە حابارلاندىرۋ جاريالادى: زاڭعا قايشى قىلمىستىق توپتار ينتەرنەتتىك تەكشە قۇرۋ ارقىلى اتالمىش ”باعالى بۇيىمداردى“ ساتقان ءارى مۇشە قابىلداۋ ارقىلى قايتالاي ساتىپ الۋ جولىمەن باعاسىن قىمباتتاتىپ، ”تومەنگى ساتىداعى مۇشەلەرى“ جوعارى سوماداعى زياندى ارقالايتىن جاعدايدى تۋدىرعان، وسىنداي توپتاردان 48 توپ تالقاندالعان.
بەيجيڭ قالالىق قوعام حاۋىپسىزدىگى مەكەمەسىنىڭ ەكونوميكالىق قىلمىستارعا بارلاۋ جۇرگىزۋ باس اترەتى 6 – بولىمشە اترەتىنىڭ باستىعى ياڭ ليحۋانىڭ 5 – ايدىڭ 13 – كۇنى تانىستىرۋىنشا، بىلتىردان بەرى، بەيجيڭ قالاسىندا قاس تاسى، حۇسينحات جانە سۋرەت، قىزىل اراق قاتارلى ساقتاۋ قۇنى بار بۇيىمداردى تالاسا ساتىپ الۋعا، وتكەرمەلەپ ساتۋعا قاتىستى كۇماندى جاعدايلار بايقالعان. ساقشى جاقتىڭ بارلاۋ – تەكسەرۋ جۇرگىزۋ ارقىلى بايقاۋىنشا، قىلمىستىق توپتار ۋيچات تەكشەسى، App قاتارلىلار ارقىلى ينتەرنەتتىك ساۋدا تەكشەسىن قۇرىپ، قاس تاسى، حۇسنيحات جانە سۋرەت، قىزىل اراق قاتارلى بازارداعى باعاسىن تۇراقتاندىرۋ قيىنعا تۇسەتىن كوركەمونەرلىك بۇيىمداردى، ساقتاۋ قۇنى بار بۇيىمداردى ساتىپ، ەكى ولشەمدى كودتى جايمالاۋ قاتارلى تاسىلدەر ارقىلى مۇشە قابىلداعان ءارى مۇشە بولۋ رەتىنە ساي مۇشەلەردىڭ جوعارى – تومەن دارەجەلىك قاتىناسىن بەلگىلەگەن. مۇشەلەر بەلگىلەنگەن باعا بويىنشا تاۋارلاردى ساتىپ العان سوڭ، كەلەسى كۇنى تەكشەگە بەلگىلى مولشەردە اقى تولەيدى، اتاپ ايتقاندا، ساتىپ العان تاۋاردى تەكشە ارقىلى وزىنەن دارەجەسى تومەن مۇشەلەرگە جالعاستى ساتىپ بەرۋىنە بولادى، وسى ارقىلى اينالىمعا ءتۇسىرىپ، قايتالاپ ساتا بەرەدى.
”تاۋار ءبىر رەت ساۋدالانسا، قىلمىستىق توپ ساۋدا سوماسىنىڭ %2 ىنەن %4 ىنە دەيىن اقى الادى، مۇشەنىڭ ءوزى ساۋدا سوماسىنىڭ %1 ىنەن %2 ىنە دەيىن ۇلەس الادى. ساۋدانىڭ ۇزدىكسىز جالعاسۋىنا بايلانىستى، جوعارى دارەجەلى مۇشەلەر ءاربىر رەتكى ساۋدا سوماسىنان ‰3 اينالاسىندا قارىمجىعا سىرتتاي يە بولىپ وتىرادى، بۇل ولاردى قول استىنا ۇزدىكسىز مۇشە تارتۋعا ەلىكتىرەدى“، — دەيدى ياڭ ليحۋا، مۇشەلەر سانىنىڭ ارتۋىنا بايلانىستى، قىلمىستىق توپتار ەكىنشى دارەجەلى تور بەكەتتەردى ۇزدىكسىز قۇرادى، قول استىنا جيناعان مۇشەلەرىنىڭ دارەجەسى كوپ بولعان سايىن، كۇندىك ساۋدا جالپى سوماسى ورتا ەسەپپەن نەشە ميلليون يۋانعا جەتەدى، اتالمىش ”ساقتاۋ قۇنى بار زاتتاردىڭ“ كوبى ساپاسىز تاۋارلار، ءىس جۇزىندىك قۇنى تەك نەشە ون يۋاننان نەشە ءجۇز يۋانعا دەيىن عانا، ساۋداعا سالىنعان سوڭ نەشە ءجۇز مىڭ يۋانعا دەيىن ساتىلادى. تالاسىپ ساتىپ الۋ كوپ رەت جالعاسقان سوڭ، ”ساقتاۋ قۇنى بار زاتتى“ الاتىن ادام شىقپاي، ەڭ سوڭىندا ”دارەجەسى تومەن مۇشەلەر“ بارلىق زياندى ارقالايدى.
ساقشى جاق مىنانى ەسكەرتەدى: جالعامالى ساتۋ ارەكەتى ينتەرنەت ارقىلى ساتۋ فورماسىنان پايدالانىپ، جاڭا ”بۇركەنىش“ جامىلۋدا، بۇقارا مول پايدا تابۋعا بولاتىن قارجىلاندىرۋ نىساندارى جونىندە قىراعىلىقتى ارتتىرۋى، وسى تەكتەس جاعدايلارعا جولىققاندا، ىسپات قالدىرۋى ءارى دەر كەزىندە ساقشىعا مالىمدەۋى قاجەت.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
