شينجياڭداعى 5 ۇلكەن سۋارمالى رايوندى جالعاستىرۋ، جاڭالاۋ ورتالىقتىڭ قارجىلاي قولداۋىنا يە بولدى
2023.05.18 15:42 كەلۋ قاينارى : حالىق تورابى
شينجياڭ گازەتىنىڭ 5 – ايدىڭ 17 – كۇنى ۇرىمجىدەن بەرگەن حابارى. تاياۋدا مەملەكەتتىك دامۋ جانە رەفورما كوميتەتى مەملەكەتتىك سۋ تورابى تىرەكتى ينجەنەرياسى ارناۋلى قارجىسى بويىنشا 2023 ـ جىلى 1 ـ توپتاعى ورتالىقتىڭ مەجە ەسەبىنەن 502 ميلليون يۋان قارجى ءبولىپ، شينجياڭنىڭ سانتۇنحى وزەنى، كونە ۇلكەن وزەن، حوتان وزەنى، بوستان وزەنى، قاشقار وزەنى سياقتى 5 ءىرى سۋارمالى رايوندا جالعاستى تۇلعالاندىرۋ جانە وسىزامانداندىرۋ قۇرىلىسىن جۇرگىزۋگە قولداۋ كورسەتتى.
قارجى نەگىزىنەن تىرەكتى سۋ جەتكىزۋ ينجەنەرياسىنا جانە سايكەستى توعان جۇيەسى قۇرىلىستارىن جاڭالاۋعا، سۋارمالى وڭىرلەردى ينفورماتسيالاندىرۋ قۇرىلىسىنا جۇمسالادى.
نىسان اتقارىلعاننان كەيىن، سۋارمالى وڭىرلەردىڭ سۋارۋ شارت ـ جاعدايىن ونان ارى جاقسارتىپ، سۋارمالى وڭىرلەردىڭ سۋ بايلىعىنان پايدالانۋ ونىمدىلىگىن جانە سۋارمالى وڭىرلەردىڭ ينفورماتسيالانۋ دەڭگەيىن جوعارىلاتادى، بۇل شينجياڭنىڭ استىق ءوندىرىس قۋاتىن جوعارىلاتۋدا، اۋىل شارۋاشىلىعىنىڭ جوعارى ساپالى دامۋىن جەبەۋدە ماڭىزدى رول اتقارادى.
شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى جىلدىق قارجى قوسۋ نىساناسى مەن مىندەتى بويىنشا، مەملەكەتتىڭ كەلەلى قۇرىلىس نىساندارى قامباسىن ورنالاستىرۋ، جوسپاردىڭ اتقارىلۋ جاعدايىن ۇستىندە ۇلگى الىپ تەكسەرۋ سياقتى تاسىلدەر ارقىلى نىسان ورىندارىن نىسان قۇرىلىسىنىڭ اياق الىسىن مىقتى يگەرۋگە قۋزاپ، قۇرىلىستىڭ ساپاسى مەن ونىمدىلىگىن قامتاماسىز ەتىپ، جىلدىق قۇرىلىس مازمۇنىن ۋاعىندا ورىنداۋعا كەپىلدىك ەتەدى، نىساننىڭ ەرتەرەك سالىنىپ بولىپ، ونىمدىلىگىن ساۋلەلەندىرۋىنە كۇش سالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
