اۋىل ـ قىستاقتارداعى تومەن كىرىستى ادامداردىڭ اۋرۋ كورسەتە الۋىنا كەپىلدىك ەتىپ، ەمدەۋ قامسىزداندىرۋ تاراۋلارى وسى جاقتارداعى رەفورمالاردى ۇزدىكسىز تەرەڭدەتۋ كەرەك
2023.05.22 15:51 كەلۋ قاينارى : حالىق تورابى
5 – ايدىڭ 18 – كۇنى تۇستەن بۇرىن، مەملەكەتتىك كەڭەستىڭ اقپارات كەڭسەسى ”بەدەلدى تاراۋلاردىڭ باستاماسى“ اتتى جەللەس تاقىرىپتىق اقپار جاريالاۋ ماجىلىسىندە بىلاي دەپ تانىستىردى: ەمدەۋ قامسىزداندىرۋ تاراۋلارى ەمدەۋدى قامتاماسىزداندىرۋ ءتۇزىمى رەفورماسىن ۇزدىكسىز تەرەڭدەتىپ، اۋىل – قىستاقتاعى تومەن كىرىستى حالىقتىڭ نەگىزدىك ەمدەلۋىن قامتاماسىزداندىرۋدى ورنىقتى جۇزەگە اسىرىپ، اۋرۋ سەبەبىنەن كولەمدەنگەن قايتا كەدەيلەسۋ تۋىلماۋدىڭ سوڭعى شەگىن باتىل ساقتاۋ كەرەك.
ءبىرىنشى، ءتۇيىندى قاۋىمنىڭ قامتاماسىزداندىرۋعا تيىستىلەرىن مۇمكىندىگىنشە قامتاماسىزداندىرۋعا شىنايى كەپىلدىك ەتۋ. ورتالىق قازىنا تۇرعىنداردىڭ ەمدەلۋىن قامسىزداندىرۋعا كومەك قاراجات بەرۋ تەبىنىن ۇزدىكسىز ارتتىرىپ، ەمدەۋ ـ قۇتقارۋ بويىنشا تۇرگە ءبولىپ، ەرەكشە قيىنشىلىعى بارلاردىڭ، ەڭ تومەنگى تۇرمىسى قامتاماسىزداندىرىلعانداردىڭ، قايتا كەدەيلەسكەندەردىڭ جانە قاداعالاۋعا الىنعان وڭاي قايتا كەدەيلەسەتىندەردىڭ قامسىزداندىرۋعا قاتىناسۋىنا قارجىلاي كومەك بەرىپ، اۋىل ـ قىستاقتارداعى تومەن كىرىستى حالىقتىڭ اۋرۋ كورسەتۋىنىڭ تۇزىمدىك قامتاماسىزدىعىنا شىنايى كەپىلدىك ەتتى. 2022 – جىلى بۇكىل ەل بويىنشا 97 ميلليون 660 مىڭ قيىنشىلىعى بار بۇقارانىڭ قامسىزداندىرۋعا قاتىناسۋىنا قارجىلاي كومەك بەرىلىپ، اۋىل – قىستاقتاعى تومەن كىرىستى جان سانىنىڭ قامسىزداندىرۋعا قاتىناسۋ مولشەرى %99 تەن جوعارى بولدى.
ەكىنشى، ءۇش ءتۇرلى ءتۇزىم ارقىلى اۋىرتپالىقتى جەڭىلدەتۋدىڭ ناقتى ونىمدىلىگىن كۇشەيتۋ. ءۇش ءتۇرلى ءتۇزىم نەگىزىنەن نەگىزگى ەمدەلۋدى قامسىزداندىرۋ، سالماقتى ناۋقاستاردى قامسىزداندىرۋ جانە ەمدەۋ – قۇتقارۋ. ءبىرىنشى نەگىزگى ەمدەۋ قامسىزداندىرۋىنىڭ بالنيتساعا جاتۋ مامىلە دەڭگەيىن ورنىقتىرىپ، امبالاتوريادا بىرلەسىپ كومەك كورسەتەتىن قامتاماسىزداندىرۋ مەحانيزمىن اقاۋسىزداندىرۋ. ەكىنشى، جالپىعا ءتيىمدى بولۋ نەگىزىندە تۇرعىنداردىڭ سالماقتى ناۋقاستارىن ەسەپتەن كوتەرۋ دەڭگەيى جوعارىلاتۋ ءارى ەرەكشە قيىنشىلىعى بار بۇقاراعا دالمە - ءدال بەيىمدەپ تولەۋ. ءۇشىنشى، سالماقتى، ەرەكشە سالماقتى اۋرۋلاردى ەمدەۋ قامسىزداندىرۋى مەن قۇتقارۋ ءتۇزىمىن اقاۋسىزداندىرىپ، قۇتقارۋ، كومەك بەرۋدىڭ ەڭ تومەنگى شەكتەن تۇسىرمەي قامتاماسىزداندىرۋ فۋنكسياسىن بەكەمدەۋ. باقىلاۋ ـ تەكسەرۋگە قاراعاندا، 2022 ـ جىلعى ءۇش ءتۇرلى ءتۇزىم اۋىل ـ قىستاقتاعى تومەن كىرىستى جان سانىنىڭ 145 ميلليون ادام ـ رەت ەمدەلۋىنە تيىمدىلىك جاساپ، 148 ميلليارد 700 ميلليون يۋان قاراجات اۋىرتپالىعىن جەڭىلدەتۋگە كومەكتەسكەن.
ءۇشىنشى، اۋرۋ سەبەبىنەن قايتا كەدەيلەسۋدەن، كەدەيلەسۋدەن ساقتانۋدىڭ باياندى مەحانيزمىن اقاۋسىزداندىرۋ. جەر ـ جەردىڭ جوعارى سومالى ەمدەۋ قاراجاتىن ۇستىنە العان ناۋقاستاردى باقىلاۋ ـ تەكسەرۋ، ساقتاندىرۋ قىزمەتىن ويداعىداي ىستەۋىنە جەتەكشىلىك ەتىپ، شارتقا ۇيلەسەتىن ءتۇيىندى باقىلاۋ ـ تەكسەرۋ ادامدارىن دەر كەزىندە ەمدەۋ ـ قۇتقارۋ كولەمىنە ەنگىزىپ، قاتىستى تاراۋلارمەن سەلبەسىپ، جان ـ جاقتى كومەكتەسۋ ـ سۇيەمەلدەۋ كەرەك. 2021 – جىلدان بەرى قاراي، جەر ـ جەر 7 ميلليون 400 مىڭنان استام ادام ـ رەت ساقتاندىرۋ ينفورماتسياسىن ىرىقتىلىقپەن جەتكىزدى. بۇدان سىرت، ەمدەۋ قامسىزداندىرۋ تىزىمدىگىن رەتتەۋ جانە ءدارى - دارمەك، ەمدەۋگە جۇمسالاتىن ماتەريالداردى مولشەرلەپ ساتىپ الۋدى ۇدايىلاندىرىپ ورىستەتۋ ارقىلى اۋىل - قىستاق تۇرعىندارىنىڭ ەمدەلۋ وزىندىك قۇنىن كۇش سالا تومەندەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
