شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ مەكەمەسى قۇرىلدى
2023.05.22 16:01 كەلۋ قاينارى : حالىق تورابى
5 - ايدىڭ 21 - كۇنى، شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ مەكەمەسى قۇرىلدى، بۇل شينجياڭنىڭ اۋرۋدىڭ الدىن الۋ - تىزگىندەۋ قۇرىلىمىنىڭ فۋنكسياسىنىڭ اۋرۋدان ساقتانۋ - تىزگىندەۋدەن بارلىق ادامنىڭ دەنساۋلىعىن جالپى بەتتىك قورعاۋعا جانە جەبەۋگە قاراي ويىسقاندىعىن كورسەتەدى.
سوڭعى جىلدارى شينجياڭ ۇيعۇر اۆتونوميالى رايونىنىڭ اۋرۋدىڭ الدىن الۋ - تىزگىندەۋ ىستەرىندە تاريحي تابىستارعا قول جەتىپ، زاڭدا بەلگىلەنگەن جۇقپالى اۋرۋلاردىڭ تۋىلۋ مولشەرى زور مولشەردە تومەندەپ، سالماقتى اۋرۋلاردان ساقتانۋ - تىزگىندەۋ ونىمدىلىگى كورنەكتى بولىپ، بۇكىل رايوندى قامتىعان جۇقپالى اۋرۋلاردى ينتەرنەتتە تىكە مالىمدەۋ جۇيەسى مەن جۇقپالى اۋرۋلاردى تاجىريبەحانادا تەكسەرۋ تورابى قۇرىلىپ، جۇقپالى اۋرۋلاردى باقىلاۋ جۇيەسى ۇزدىكسىز كەمەلدەندى.
شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ مەكەمەسىنىڭ قۇرىلۋى شينجياڭ ۇيعۇر اۆتونوميالى رايونىنىڭ اۋرۋدىڭ الدىن الۋ - تىزگىندەۋ جۇيەسىنىڭ جاپپاي رەفورما جاساۋدىڭ، دامۋدىڭ جاڭا كەزەڭىنە وتكەندىگىنىڭ بەلگىسى.
شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ مەكەمەسىنىڭ قۇرىلۋىن وراي ەتىپ، جۇيەنى قايتا سومداۋ، الدىن الۋدى نەگىز ەتۋ، عىلىمي ساقتانۋ ـ تىزگىندەۋ، سايكەستى، جوعارى ءونىمدى بولۋ سىندى 4 پرينسيپ بويىنشا، اۆتونوميالى رايون، ايماق، اۋدان ءۇش دارەجەلى اۋرۋدىڭ الدىن الۋ ـ تىزگىندەۋ قۇرىلىمىن جانە ءتۇرلى ارناۋلى اۋرۋدان ساقتانۋ - ەمدەۋ قۇرىلىمدارىن تىرەك ەتكەن ەمدەۋ قۇرىلىمدارىن اقاۋسىزداندىرىپ، نەگىزگى ساتى دەنساۋلىق ساقتاۋ قۇرىلىمدارىن توراپ ىرگەتاسى ەتكەن، ساقتانۋ مەن ەمدەۋ ۇشتاستىرىلعان، تۇتاس قوعام سەلبەسىپ ات سالىسقان اۋرۋدىڭ الدىن الۋ - تىزگىندەۋ جۇيەسىن كۇشەيتىپ، سالماقتى جۇقپالى اۋرۋلاردىڭ الدىن الۋدى جانە توسىن تۋىلعان الەۋمەتتىك دەنساۋلىق ساقتاۋ وقيعالارىنا توتەپ بەرىپ، ءبىر جاقتى ەتۋدى كۇشەيتىپ، ساقتانۋ تورىن بەكەمدەپ، ءار ۇلت بۇقاراسىنىڭ دەنساۋلىعىن قورعاۋعا شىن مانىندە پارمەندى كەپىلدىك ازىرلەدى.
شينجياڭ ۇيعۇر اۆتونوميالى رايوندىق اۋرۋدىڭ الدىن الۋ - تىزگىندەۋ مەكەمەسى بۇكىل شينجياڭنىڭ اۋرۋدىڭ الدىن الۋ - تىزگىندەۋ جۇيەسى رەفورماسىن جەدەل ىلگەرىلەتىپ، اۆتونوميالى رايون، ايماق، اۋدان 3 دارەجەلى اۋرۋدىڭ الدىن الۋ - تىزگىندەۋ مەكەمەسىن قۇرىپ، باقىلاۋ، ساقتاندىرۋ جۇيەسىن اقاۋسىزداندىرىپ، الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋدى باسقارۋ جۇيەسىن كەمەلدەندىرىپ، ەمدەۋ قۇرىلىمدارىنىڭ الەۋمەتتىك دەنساۋلىق ساقتاۋ كاسىپتىك قۇرىلىسىن كۇشەيتىپ، ءار دارەجەلى ەمدەۋ قۇرىلىمدارىن ارناعا تۇسىرەدى؛ اۋىل ـ قالاشىق شيپاحانالارى مەن الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىقتارى الەۋمەتتىك دەنساۋلىق ساقتاۋ مىندەتىن اتقارىپ، بىرلەسىپ ساقتانۋ، بىرلەسىپ تىزگىندەۋدىڭ نەگىزگى ساتى نەگىزىن بەكەمدەپ، جوعارى مەن تومەن بىرلەسىپ قيمىلدايتىن جۇمىس ٴبولىسى بويىنشا سەلبەسۋ مەحانيزمىن ورناتىپ، ساقتانۋ ـ تىزگىندەۋ جانە قۇتقارۋ ـ ەمدەۋ قابىلەتىن جاپپاي جوعارىلاتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
