شينجياڭدا تاس جولداعى قاتىناس شىرعالاڭىنا قاتىستى الەۋمەتتىك كومەكتەسۋ قورى سىناق رەتىندە ىسكە قوسىلدى
تولەي تۇرۋدى ءوتىنىش ەتۋشىلەردىڭ 7 كۇن ىشىندە ءوتىنىش ەتكەن قاراجات سوماسى 680 مىڭ يۋاننان اسقان
2023.05.19 19:53 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى ران حۋ حابارلايدى. قاتىناس شىرعالاڭى تۋىلعان جاعدايدا، ەگەر شىرعالاڭدى تۋدىرۋشى قاشىپ كەتكەن، شۇعىل قۇتقارۋ قاراجاتى قاتىناس شىرعالاڭىنا قاتىستى ءماجبۇرلى قامسىزداندىرۋدىڭ شەكتى سوماسىنان اسىپ كەتكەن نەمەسە شىرعالاڭ تۋىلعان اۆتوموبيل قاتىناس شىرعالاڭىنا قاتىستى ءماجبۇرلى قامسىزداندىرۋعا قاتىناسپاعان ت.ب. جاعدايلارعا ۇشىراعان بولسا، اسا جوعارى مولشەردەگى ەمدەلۋ قاراجاتى جاي وتباسىلارعا اۋىر سالماق بولادى، قازىر وسىنداي جاعداي تۋىلسا، زياندالۋشىلاردىڭ ”شۇعىل قاجەتىن“ شەشەتىن قور دايىندالدى.
5 – ايدىڭ 5 – كۇنى، شينجياڭ تاس جول قاتىناسىنا قاتىستى الەۋمەتتىك كومەك بەرۋ قورى (تومەندە كومەك بەرۋ قورى دەپ قىسقارتىلىپ ايتىلادى) سىناق رەتىندە ىسكە قوسىلدى. 5 – ايدىڭ 11 – كۇنىنە دەيىن، شينجياڭ كومەك بەرۋ قورىن باسقارۋ ورتالىعى ءۇرىمجى قالاسى، تۇرپان قالاسى، سانجى حۇيزۋ اۆتونوميالى وبلىسى، تارباعاتاي ايماعى قاتارلى 4 ايماق، وبلىس، قالاداعى 8 رەتكى قاتىناس شىرعالاڭىنا قاتىستى كومەك قورىنان قاراجات تولەي تۇرۋ ءوتىنىشىن قابىلداعان، بۇل زيانعا ۇشىراعان 10 وتباسىعا سايادى، الدىن الا تولەي تۇراتىن قاراجات سوماسى مەجەمەن 682 مىڭ يۋان بولعان.
5 – ايدىڭ 6 – كۇنى سانجى قالاسىنداعى قامسىزداندىرۋ ۋاقىتى ءوتىپ كەتكەن اۆتوموبيل جاياۋ جۇرگىنشىلەردى سوعىپ، ءبىر ادام جارالانىپ، 2 ادام قازا بولعان. سانجى وبلىستىق كومەك بەرۋ قورى قىزمەت وتەۋ تورابى مالىمدەۋدى تاپسىرىپ العان سوڭ، كومەك بەرۋ ءتارتىبىن دەرەۋ ىسكە قوسقان. 5 – ايدىڭ 11 – كۇنىنە دەيىن، سانجى وبلىستىق كومەك بەرۋ قورى قىزمەت وتەۋ تورابى قازا بولعان 2 ادامدى جەرلەۋ قاراجاتى رەتىندە 47 مىڭ يۋاندى الدىن الا تولەي تۇرعان ءارى جارالانعان ادامدى ەمدەۋ جۇمىسىنا دەر كەزىندە نازار اۋدارعان.
”بۇل حالىق بۇقاراسىنىڭ ءومىرىنىڭ حاۋىپسىزدىگىن قادىرلەۋ“، — دەدى اۆتونوميالى رايوندىق قازىنا مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى، 1 – دارەجەلى شارلاۋشى قىزمەتكەرى اي شينلۋ، كومەك قورىنىڭ قۇرىلۋى قوعامدىق قايشىلىقتى شەشىپ، قوعامنىڭ جاراسىمدىلىعىن ىلگەرىلەتۋدەگى بەلسەندى رولىن تولىق ساۋلەلەندىرىپ، قاتىناس شىرعالاڭىندا زيانعا ۇشىراعانداردىڭ ەندىگارى كومەكسىز قالماۋىنا، دەر كەزىندە كومەككە يە بولۋىنا شارت – جاعداي ازىرلەپ، حالىق بۇقاراسىنىڭ ءومىرى مەن مال – مۇلكىنىڭ زياندالۋىن ازايتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
