گۋاڭشي ساقشى جاعى ەل ىشىندەگى الدامكوستىككە، اقشا جاڭعىرتۋعا ساياتىن ەرەكشە ءىرى قىلمىستىق توپتى تالقاندادى
دەلوعا قاتىستى سوما 5 ميلليارد يۋاننان اسقان
2023.05.19 19:55 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى حۋاڭ چيڭگاڭ، چىن يفان 5 – ايدىڭ 17 – كۇنى ناننيڭنەن حابارلايدى. ءتىلشىنىڭ 5 – ايدىڭ 17 – كۇنى گۋاڭشي چۇڭزو قالالىق قوعام حاۋىپسىزدىگى مەكەمەسىنەن ۇعىسۋىنشا، چۇڭزو ساقشى جاعى جۋىردا الدامكوستىككە، اقشا جاڭعىرتۋعا ساياتىن ەرەكشە ءىرى قىلمىستىق توپتى ءساتتى تالقانداعان، تەلەكوم – ينتەرنەت الدامكوستىگىنە ساياتىن زاڭسىز، ۇيلەسىمسىز ءوندىرىس اپاندارىنان 8 ورىندى تالقانداپ، قىلمىس كۇماندىلارىنان 47 ادامدى تۇتقىنداپ، دەلو تۋدىرۋعا پايدالانعان 30 نەشە كومپيۋتەردى، كاسىپورىن ەسەپ نومىرىنەن 500 نەشەسىن انىقتاپ ءمۇسادىرالاعان، دەلوعا قاتىستى 120 ميلليون يۋان قاراجاتتى، ءتۇرلى ساۋلەتتى اۆتوموبيلدەردەن 14 اۆتوموبيلدى انىقتاپ ۇستاپ قالعان.
ۇعىسۋعا قاراعاندا، 2022 – جىلى 12 – ايدا، چۇڭزو قالالىق ساقشى مەكەمەسىندەگى حالىق ساقشىلارى قىزمەت بارىسىندا ماڭىزدى ينفورماتسياعا يە بولعان، قاراماعىنداعى رايونداعى حۋاڭ X تىڭ اتىنداعى بانكە كارتۋچكاسىنىڭ ناقتى ەسەبىندە قالىپسىزدىق بايقالعان، ونىڭ اتىنداعى بانكە ەسەپ نومىرىندە دەلوعا قاتىستى ەستەلىك ساقتالعان، ونىڭ ۇستىنە، ەسەپ جاساۋ وبيەكتىسى باسقا بانكەنىڭ باسقا ولكەدەگى ەسەپ ءنومىرى بولىپ، ەسەپ جاساۋى ءجيى، ەسەپ جاساۋ سوماسى قوماقتى بولعان، اقشا جاڭعىرتۋ ەرەكشەلىكتەرى كورنەكتى بولعان؛ سونىمەن بىرگە، ساقشى جاق بۇقارانىڭ مالىمدەۋىن تاپسىرىپ العان ءارى قاتىستى بانكە جۇيەسى جوتكەپ بەرگەن كۇماندى ءجىپ ۇشتارىنا يە بولعان.
حالىق ساقشىلارىنىڭ ءجىپ ۇشتارىنا نەگىزدەلىپ تۇجىرىم جاساۋ ارقىلى بايقاۋىنشا، كوپ ءتۇرلى دەرەكتەر حۋاڭ X كە جانە ونىڭ پەردە ارتىنداعى توبىنا باعىتتالعان، اتالعان توپ تەلەكوم – ينتەرنەت الدامكوستىگى، ينتەرنەتتە قۇمار ويناۋ قاتارلى زاڭعا قايشى قىلمىستىق ىستەرمەن شۇعىلدانعان، بۇل دەلوعا قاتىستى زاڭسىز، ۇيلەسىمسىز تىزبەكتەر كوپ، ءوڭىر اتتاعان ارالىعى كەڭ، دەلوعا قاتىستى ادام سانى كوپ بولعان.
تەكسەرۋگە قاراعاندا، اتالعان توپتىڭ تەلەكوم – ينتەرنەت الدامكوستىك قىلمىسىمەن جاڭعىرتقان اقشا سوماسى 5 ميلليارد يۋان حالىق اقشاسىنان اسقان، باستى قىلمىس كۇماندىسى قاتارلىلار قىلمىستىق ارەكەتىن اشىق مويىنداعان، قازىر بارلىعى تۇتقىندالىپ، دەلو ىشكەرىلەي تەكسەرىلۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
