اۆتونوميالى رايون ارناۋلى تاقىرىپتىق ورنالاستىرۋ ءماجىلىسىن اشىپ
ايماق، وبلىس، قالالارعا قاراستى كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتى جونىندە ىشكەرىلەي ورنالاستىرۋ جاسادى
2023.05.22 16:39 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 5 - ايدىڭ 20 - كۇنى ۇرىمجىدەن حابارلايدى. 5 - ايدىڭ 19 - كۇنى اۆتونوميالى رايون ايماق، وبلىس، قالالارعا قاراستى كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىن ورنالاستىرۋ ءماجىلىسىن اشىپ، پارتيا 20 - قۇرىلتايىنىڭ رۋحىن ىشكەرىلەي ۇيرەندى، دايەكتىلەندىردى، مەملەكەتتىك كاسىپتىك وقۋ - اعارتۋ قىزمەتى ءماجىلىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى، التىنشى، جەتىنشى جالپى ماجىلىستەرىنىڭ جانە اۆتونوميالى رايوننىڭ وقۋ - اعارتۋدى جوعارى ساپالى دامىتۋ جينالىسىنىڭ رۋحىن دايەكتىلەندىردى، تياناقتاندىردى، اۆتونوميالى رايوننىڭ كاسىپتىك وقۋ - اعارتۋدى قازىنالىق باقىلاۋ بويىنشا رەتتەۋ - تۇزەتۋ قىزمەتى ءماجىلىسىنىڭ تالاپتارىنا ساي، ءارقايسى ايماق، وبلىس، قالالارداعى كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتى جونىندە ورنالاستىرۋ جاسادى، قىزمەت جاعدايىن حابارلاندىردى، ماسەلەلەردى، ولقىلىقتاردى تەكسەرىپ تاۋىپ، ءتۇرلى قىزمەتتەردىڭ تياناقتانۋىن، ناقتىلانۋىن ونان ارى ىلگەرىلەتىپ، رايونىمىزداعى كاسىپتىك وقۋ - اعارتۋدىڭ وقىتۋ جۇرگىزۋ ساپاسى مەن دەڭگەيىن ۇزدىكسىز جوعارىلاتۋدى العا قويدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: كاسىپتىك وقۋ - اعارتۋ مەن ەكونوميكالىق، قوعامدىق دامۋ تىعىز بايلانىستى، جۇمىستاندىرۋدى، شارۋاشىلىق قۇرۋدى جەبەۋ، ەكونوميكالىق، قوعامدىق دامۋعا كۇش ۇستەۋ، حالىقتىڭ ىرىس - قۇتىن ارتتىرۋ جونىنەن ماڭىزدى مانگە يە. ايماق، وبلىس، قالالار جانە ولارعا قاراستى كاسىپتىك مەكتەپتەر، قاتىستى تاراۋلار ساياسي دەڭگەيدى جوعارىلاتىپ، جاۋاپكەرشىلىك ارقالاۋدى كۇشەيتىپ، كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىن ويداعىداي ىستەۋ − رايونىمىز كاسىپتىك وقۋ - اعارتۋىنداعى ولقىلىقتاردى تولىقتاۋدى جەدەلدەتۋدەگى، كاسىپتىك وقۋ - اعارتۋدىڭ جوعارى ساپالى دامۋىن ىلگەرىلەتۋدەگى ماڭىزدى شارا ەكەندىگىن تەرەڭ تانىپ، جۇيەلى ويلاۋعا تاباندى بولىپ، شىندىققا جۇگىنىپ، ناقتى ءىس ىستەپ، شىنايى يگەرىپ، تىڭعىلىقتى ىستەپ، كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىنىڭ ءتۇرلى مىندەتتەرىن تياناقتاندىرۋدى شىن مانىندە ويداعىداي يگەرىپ، اۆتونوميالى رايوننىڭ كاسىپتىك وقۋ - اعارتۋىنىڭ جوعارى ساپالى دامۋىن قۇلشىنا ىلگەرىلەتۋى كەرەك.
ءماجىلىس مىنالاردى باسا دارىپتەدى: ماسەلەنى باعدار ەتۋگە تاباندى بولىپ، نازاردى ءتۇيىندى مىندەتتەرگە شوعىرلاندىرىپ، بار كۇشتى سالا وتىرىپ قيىندىقتاردان قامال الىپ، كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىندە ناقتى ونىمدىلىككە قول جەتكىزۋدى زور كۇش جۇمساي وتىرىپ جەدەل ىلگەرىلەتۋ كەرەك. قىزمەت وي جەلىسىن اناعۇرلىم اشالاپ، اۆتونوميالى رايوننىڭ ەكونوميكاسىنىڭ، قوعامىنىڭ جوعارى ساپالى دامۋ كەلەلى جاعدايىن كوزدە ۇستاپ، اۆتونوميالى رايوننىڭ ”8 ءىرى كاسىپ سالاسى شوعىرىن“ جانە وڭىرلىك ەرەكشە كاسىپ سالاسىنىڭ ورنالاسۋىن تىعىز ارقاۋ ەتە وتىرىپ، كاسىپتىك مەكتەپتەردىڭ ورنالاسۋ قۇرىلىمىن رەتتەپ، ساپالىلاندىرىپ، ورتا دارەجەلى كاسىپتىك مەكتەپتەردىڭ وقۋشى قاينارىن ءبىر تۇتاس جوسپارلاپ تەڭگەرۋ تەبىنىن ارتتىرىپ، وڭىرلەردىڭ وقۋشى قاينارى قۇرىلىمىن ساپالىلاندىرىپ، كاسىپتىك مەكتەپتەردىڭ جايعاسۋىن عىلمي، دالمە - ءدال جاقسارتىپ، كاسىپتىك وقۋ - اعارتۋ بايلىعىنىڭ جالپىلىق ونىمدىلىگىن ۇتىمدى جوعارىلاتۋ؛ كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ونان ارى جاقسارتىپ، ءبىر ءبولىم مەكتەپتەردىڭ مەكتەپ اۋلاسىنىڭ يەلەگەن اۋماعى ولشەمگە جەتپەۋ، وقىتۋ اسپاپتارى مەن كىتاپتارىنىڭ ولشەمگە جەتپەۋ ماسەلەسىن كۇش سالا شەشىپ، ولقىلىقتاردى تولىقتاپ، ”قاساڭ كىناراتتاردى“ الاستاۋ؛ كاسىپتىك مەكتەپتەردە وقىتۋشى جەتكىلىكسىز بولۋ سىندى كەمىستىكتىڭ ورنىن ونان ارى تولىقتاپ، ارناۋلى وقىتۋشىلاردى ەنگىزۋ ارناسىن كەڭەيتىپ، قوسىمشا قىزمەت ىستەيتىن وقىتۋشىلاردى ۇسىنىس ەتۋ تەبىنىن ارتتىرىپ، وقىتۋشىلار شتاتىنان يكەمدى، ويداعىداي پايدالانىپ، ارناۋلى قىزمەتتەگىلەر جانە قوسىمشا قىزمەتتەگىلەردى ۇشتاستىرعان جوعارى ساپالى وقىتۋ ۇجىمىن تۇلعالاۋ كەرەك.
ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسى نەگىزگى تاقىرىپتىق تاربيەسىن تەرەڭدەتىپ، قىزمەت ستيلىن جاڭالاپ، قىزمەت شاراسىن اشالاپ، ۇسىنىلىم قامتاماسىزدىعىن كۇشەيتىپ، باتىل دا پارمەندى ارەكەتپەن كاسىپتىك مەكتەپتەردىڭ وقىتۋ جۇرگىزۋ شارت - جاعدايىن ولشەمگە جەتكىزۋ قىزمەتىن تىڭعىلىقتى ىلگەرىلەتىپ، رايونىمىزدىڭ كاسىپتىك وقۋ - اعارتۋىنىڭ جوعارى ساپالى دامۋىن ىلگەرىلەتۋگە بەلسەندى ۇلەس قوسۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
