”جاڭا داۋىردەگى شينجياڭ كادرلارى ۇلكەن ساباقحاناسى“ بويىنشا شينجياڭدى ىنتىماقتاسا ورنىقتىرۋ ارناۋلى تاقىرىپتىق لەكسياسى وتكىزىلدى
جاڭا داۋىردەگى ۇلت، ءدىن قىزمەتىن ويداعىداي ىستەۋ كەرەك
2023.05.22 16:42 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گۋان مىڭيڭ 5 - ايدىڭ 20 - كۇنى ۇرىمجىدەن حابارلايدى. 5 - ايدىڭ 19 - كۇنى ”جاڭا داۋىردەگى شينجياڭ كادرلارى ۇلكەن ساباقحاناسى“ بويىنشا شينجياڭدى ىنتىماقتاسا ورنىقتىرۋ ارناۋلى تاقىرىپتىق لەكسياسى وتكىزىلدى. ورتالىق سوتسياليزم شۋەيۋانى بىرلىكساپ نازارياسى وقىتۋىن زەرتتەۋ ءبولىمى ۇلت، ءدىن وقىتۋىن زەرتتەۋ كەڭسەسىنىڭ مەڭگەرۋشىسى، پروفەسسور ۋاڭ جىن ”جاڭا داۋىردەگى ۇلت، ءدىن قىزمەتى نازارياسى، ساياساتى جانە امالياتى“ نەگىزگى تاقىرىبىن ارقاۋ ەتىپ، بۇكىل شينجياڭداعى ءار دارەجەلى پارتيا، ۇكىمەت باسشى كادرلارىنا لەكسيا جاسادى. اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان باسقاردى.
ۋاڭ جىن مەملەكەتتىك كەڭەستىڭ ۇكىمەتتىك ەرەكشە ۇستەمە قاراجاتىنان يگىلىكتەنەتىن مامان، ۇزاق ۋاقىت بويى فيلوسوفيا، ءدىن ءىلىمى، ۇلت، ءدىن نازارياسى جانە ساياساتى سياقتى نازاريا مەن امالياتتىق زەرتتەۋگە كۇش سالىپ كەلەدى.
لەكسيادا ۋاڭ جىن باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن، باس شۋجي شي جينپيڭنىڭ ءدىن قىزمەتى جونىندەگى ماڭىزدى بايىمداۋلارىنىڭ وزەكتى ماڭىزىن، رۋحاني ءمانىن، باي مازمۇنىن جانە امالياتتىق تالابىن جۇيەلى ءتۇسىندىردى.
ساباق تىڭداۋشىلار جابال مىنانى ءبىلدىردى: ارناۋلى تاقىرىپتىق لەكسيادا ءارى جۇيەلى دە تەرەڭ نازاريالىق ءتۇسىندىرۋ جانە پايىمداۋ، ءارى ەگجەي - تەگجەيلى دە ناقتى، جاڭا دا جاندى مىسالدار مەن تالداۋلار بار، ەرەكشە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي ۇيرەنۋ، تەرەڭ ءتۇسىنۋ، دالمە - ءدال يگەرۋ جونىنەن ەرەكشە شابىت بەرەدى جانە سەپتىگىن تيگىزەدى، ءبىز پارتيا ورتالىق كوميتەتىنىڭ ۇلت، ءدىن قىزمەتى جونىندەگى شەشىمدەرىنىڭ، ورنالاستىرۋلارىنىڭ شينجياڭدا ناقتىلانۋىن، تياناقتانۋىن ىلگەرىلەتۋ مىندەتى مەن بورىشىن باتىل ارقالاپ، جاڭا داۋىردەگى ۇلت، ءدىن قىزمەتىن ويداعىداي ىستەۋگە كۇش - قۋات قوسامىز.
وسى رەتكى لەكسيا تەلەۆيزور - تەلەفون ءماجىلىسى فورماسىندا وتكىزىلدى، نەگىزگى ءماجىلىس الاڭى اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) زالىنا ورنالاستىرىلدى، ءارقايسى ايماق، وبلىس، قالالاردا، اۋدان، قالا رايونداردا بولىمشە ءماجىلىس الاڭدارى ورنالاستىرىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
