شينجياڭ ساۋدا، زات اينالىمى (توبى) شەكتى سەرىكتەستىگى قۇرىلدى
ەركىن تۇنياز قۇرىلۋ جينالىسىنا قاتىناستى ءارى ماڭدايشالىعىن اشتى
2023.05.22 16:38 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 5 - ايدىڭ 20 - كۇنى ۇرىمجىدەن حابارلايدى. شينجياڭ ساۋدا، زات اينالىمى (توبى) شەكتى سەرىكتەستىگىنىڭ قۇرىلۋ جينالىسى جانە ماڭدايشالىعىن اشۋ سالتى 5 - ايدىڭ 20 - كۇنى وتكىزىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جينالىسقا قاتىناستى ءارى كاسىپورىننىڭ ماڭدايشالىعىن اشتى.
ەركىن تۇنياز اۆتونوميالى رايوندىق پارتكوم مەن ۇكىمەت اتىنان، شينجياڭ ساۋدا، زات اينالىمى توبىنىڭ قۇرىلعاندىعىن قىزۋ قۇتتىقتادى. ول بىلاي دەپ اتاپ كورسەتتى: شينجياڭ ساۋدا، زات اينالىمى توبىن قۇرۋ − اۆتونوميالى رايوندىق پارتكومنىڭ رايونىمىزداعى مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ دامۋىن ىلگەرىلەتۋدەگى ماڭىزدى ستراتەگيالىق ورنالاستىرۋى، باتىسقا باعىتتالعان زات اينالىمى ۇلكەن ارناسىن جەدەل قۇرىپ، شينجياڭنىڭ وڭىرلىك ورىن جانە بايلىق قاسيەتى باسىمدىعىن اناعۇرلىم ويداعىداي ساۋلەلەندىرىپ، شينجياڭ كەشەندى قورعامالى باجى رايونى، ءۇرىمجى حالىقارالىق قۇرلىقتىق پورت رايونى سياقتى باقشا رايوندارىنداعى ساۋدا، زات اينالىمى كاسىبىنىڭ جوعارى ساپالى دامۋىن جەبەۋگە پايدالى، ”ءبىر پورت، ەكى رايون، 5 ۇلكەن ورتالىق، شەكارا وتكەلى ەكونوميكالىق بەلدەۋى“ قۇرىلىسىن ىشكەرىلەي ىلگەرىلەتۋ جونىنەن كەلەلى ماڭىز الادى.
ەركىن تۇنياز بىلاي دەپ باسا دارىپتەدى: جىبەك جولى ەكونوميكالىق بەلدەۋى وزەكتى رايونى قۇرىلىسى توڭىرەگىندە ”8 ءىرى كاسىپ سالاسى شوعىرى“ قۇرىلىسىن تياناق ەتىپ، تيجارات نەگىزگى كاسىبىنىڭ ورنالاسۋىن كۇشەيتىپ، باتىس بولىكتە بىرەگەي، بۇكىل ەلدە الدا جۇرەتىن، حالىقارالىق باسەكەلىك قۋاتى كۇشتى ءىرى كولەمدى جالپىلىق سيپاتتى وسى زامانعى ساۋدا، زات اينالىمى كاسىپ سالاسى توبىن قۇلشىنا تۇلعالاپ، شينجياڭ ساۋدا، زات اينالىمى توبىنىڭ اۆتونوميالى رايوننىڭ باتىسقا ەسىك اشۋداعى نەگىزگى كۇشىنە اينالۋىنا كۇش سالۋ كەرەك. نازاردى ستراتەگيالىق ورىنعا شوعىرلاندىرىپ، كاسىپورىننىڭ بۇكىل شينجياڭنىڭ ساۋدا، زات اينالىمى سالاسىندا بايلىقتى بىرىكتىرۋ، كاسىپ سالاسى تيجاراتى، مال - مۇلىكتى اينالىمعا سالۋ، عىلىم - تەحنيكادا جاڭالىق اشۋ جانە كاسىپ سالاسىن جەتىلدىرۋ سياقتى جەتەكشى فۋنكتسيالارىن تولىق ساۋلەلەندىرىپ، ”زات اينالىمى مەن ساۋدانىڭ ىقپالداستىعى“، ”ساۋدا مەن ساۋدانىڭ ىقپالداستىعى“ قۋاتىن جوعارىلاتۋ؛ نازاردى مەحانيزمدە جاڭالىق اشۋعا شوعىرلاندىرىپ، ”مال - مۇلىك ۇقىعى انىق بولۋ، ۇقىق پەن جاۋاپكەرشىلىگى ايقىن بولۋ، ۇكىمەت پەن كاسىپورىندى ايىرۋ، باسقارۋى عىلمي بولۋ“ سىندى وسى زامانعى كاسىپورىن ءتۇزىمىن جەدەل قالىپتاستىرىپ، بازاردىڭ باسەكەلىك قۋاتىن، جاڭالىق اشۋ قۋاتىن جانە حاۋىپ - قاتەرگە قارسىلىق كورسەتۋ قۋاتىن شىنايى كۇشەيتۋ؛ نازاردى پارتيا قۇرىلىسىمەن جەتەكشىلىك ەتۋگە شوعىرلاندىرىپ، پارتيا قۇرىلىسى مەن تيجاراتتىڭ تەرەڭدەي توعىسۋىن ىلگەرىلەتۋ بارىسىندا زورايتۋ، ساپالىلاندىرۋ، كۇشەيتۋ كەرەك. اۆتونوميالى رايوننىڭ قاتىستى تاراۋلارى، فينانس قۇرىلىمدارى جانە مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار شينجياڭ ساۋدا، زات اينالىمى توبىنىڭ دامۋىنا، زورايۋىنا ىرىقتىلىقپەن قولداۋ كورسەتىپ، رايونىمىزدىڭ ساۋدا، زات اينالىمى كاسىپ سالاسىنىڭ جوعارى ساپالى دامۋىن ىلگەرىلەتۋى كەرەك.
ماجىلىستە «جۇڭگو كوممۋنيستىك پارتياسى شينجياڭ ساۋدا، زات اينالىمى (توبى) شەكتى سەرىكتەستىگى كوميتەتىن جانە ءتارتىپ تەكسەرۋ كوميتەتىن قۇرۋ جونىندەگى قاۋلى» وقىلدى ءارى ساۋدا، زات اينالىمى توبىنا تيجارات كۋالىگى بەرىلدى.
ۋاڭ گاڭ جينالىسقا قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
