2 ـ توپتاعى ”تيانشان شەبەرلەرىن“ باۋلۋ جوسپارى شينجياڭ ۇستا نىسانىنا ءوتىنىش بەرۋ باستالدى
2023.05.24 13:58 كەلۋ قاينارى : حالىق تورابى
انار بۇلت - شينجياڭ گازەتىنىڭ حابارى. جوعارى ونەرلى شەبەرلەر قوسىنى قۇرىلىسىن جەدەلدەتىپ، اناعۇرلىم كوپ جوعارى ساپالى تەحنيكالىق - شەبەرلىك دارىندىلارىن، شەبەرلەردى، ٴءىرى ەل ۇستالارىن جەتىلدىرۋ ءۇشىن، شينجياڭ ۇيعۇر اۆتونوميالى رايونى جۋىقتا 2023 ـ جىلعى 2 ـ توپتاعى ”تيانشان شەبەرلەرىن“ جەتىلدىرۋ جوسپارىنداعى شينجياڭ ۇستا نىسانىن ءوتىنىش ەتۋ قىزمەتىن باستادى. تىزىمدەلۋ ۋاقىتى 2023 ـ جىلى 6 -ايدىڭ 15 -كۇنىنە دەيىن.
اتالعان نىسانعا بۇكىل شينجياڭ كولەمىندە اشىق ٴءوتىنىش بەرۋگە بولادى، جوعارى ونەرلى شەبەرلەر نەگىز ەتىپ، اۆتونوميالى رايوننىڭ مۇناي - تابيعي گاز ءوندىرۋ، مانەرلەۋ، كومىر ەلەكتر، كومىر حيميا ونەركاسىبى، جاسىل كەن ونىمدەرى، استىق، ماي، ماقتا جانە توقىماشىلىق، كيىم ـ كەشەك، جاسىل، ورگانيكالى جەمىس ـ جيدەك، كوكونىس، ساپالى مال شارۋاشىلىق ونىمدەرى، سونداي - اق جاڭا ەنەرگيا، جاڭا ماتەريال سياقتى ”سەگىز ءىرى كاسىپ شوعىرى“ مەن جەر - جەردىڭ ەرەكشە باسىمدىققا يە ءتۇيىندى كاسىپ سالاسى بويىنشا 300 دەي جوعارى ونەرلى شەبەرلەر مەن الدىڭعى شەپتەگى ۇزدىك شەبەرلەردى تاڭدايدى.
شينجياڭ ۇستا نىسانىنىڭ تاربيەلەۋ پەريودى 1 دە 3 جىل بولىپ، كاسىپتىك ٴءمورال، شەبەرلىك دەڭگەيىن ٴءوسىرۋ، ۇستا رۋحى، ساپا تانىمى، جاڭالىق اشۋ تانىمى سياقتى مازمۇنداردى نەگىز ەتەدى. تاڭدالۋشىلار ءوزى تۇرعان ورنى بويىنشا، ايگىلى ۇستاز شاكىرت تاربيەلەۋ ۇلگىسىن قولدانادى، تاربيەلەنەتىن شاكىرتتەر سول مەكەمەدەگى جۇمىسشى - قىزمەتكەرلەر نەمەسە وقۋشىلار بولۋى كەرەك. ءاربىر تاڭدالۋشى قولداۋ مەرزىمى ىشىندە كەمىندە 5 جوعارى دارەجەلى جۇمىسشى جانە ودان جوعارى ونەرلى شەبەرلەردى جەتىلدىرەدى، مۇنىڭ ىشىندە تەحنيكتەر مەن جوعارى دارەجەلى تەحنيكتەردىڭ سانى %30 تەن تومەن بولماۋى كەرەك (تاربيەلەيتىن شاكىرتتەرى جوعارى مەكتەپ وقۋشىلارى بولعاندار قامتىلمايدى).
قولداۋ مەرزىمى اياقتاعاننان كەيىن، شاكىرتتەر، ءسوز جوق، جوعارى دارەجەلى جۇمىسشى جانە ودان جوعارى كاسىپتىك تولىمدىلىق نەمەسە كاسىپتىك شەبەرلىك دارەجە كۋالىگىن الۋى كەرەك، شاكىرتتەرى جوعارى مەكتەپ وقۋشىسى بولعاندار مەكتەپ پەن كاسىپورىن سەلبەسكەن كاسىپورىندارعا بارىپ جۇمىستانۋى كەرەك. شينجياڭ ۇيعۇر اۆتونوميالى رايونى ءاربىر تەحنيكالىق جەتەكشى ۇستازدىڭ ءاربىر تاربيەلەۋ پەريودى 300 مىڭ يۋاننان اسپاۋ ولشەمى بويىنشا، شينجياڭ شەبەرلەرىن تاربيەلەۋ نىسانىنا سايكەستى قاراجات جاعىنان قولداۋ كورسەتەدى.
شينجياڭ ۇستا تاربيەلەۋ نىسانىنىڭ تابىسى كورنەكتى بولعان جەكەلەر مەن ورىنداردى كەلەسى جىلعى سارالاۋ كولەمىنە ۇزدىكسىز ەنگىزۋگە ءارى جۇڭحۋا شەبەرلىك سيلىعىن ءوتىنىش ەتكەندەردى، مەملەكەتتىك تەحنيكا شەبەرلەرىن، مەملەكەتتىك شەبەرلىك دارىندىلارىن جەتىلدىرۋگە كورنەكتى ۇلەس قوسقان جەكەلەردى، مەملەكەتتىك شەبەرلىك دارىندىلارىن جەتىلدىرۋگە كورنەكتى ۇلەس قوسقان ورىندى الدىمەن كورسەتۋگە بولادى، مەملەكەتتىك ونەرلى دارىندىلاردى جەتىلدىرۋ ورنى، تەحنيكالىق شەبەرلەر قىزمەت كەڭسەسى، كاسىپتىك ونەر باسەكەسىن شوعىرلى تاربيەلەۋ بازاسى سياقتى نىسانداردى ءوتىنىش ەتۋگە الدىمەن كورسەتۋگە بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
