بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

”باستى اينالدىراتىن ەلەكتروندى تەمەكىنى“ جونگە سالۋ بارىسىنداعى ارناۋلى ارەكەتتە 2300 دەن استام ادام تۇتقىندالدى

2023.05.23 16:55     كەلۋ قاينارى : حالىق تورابى

  ءتىلشىنىڭ مەملەكەتتىك تەمەكى ساتۋدى ارناۋلى باسقارۋ مەكەمەسى قاتىستى تاراۋلارمەن بىرگە ”ءسۇتتى شاي ستاكانى“، ”كولا قۇتىسى“ قاتارلىلارعا ۇقسايتىن زاڭسىز ەلەكتروندى تەمەكىنى ارناۋلى جونگە سالۋ قىزمەتىن ورىستەتىپ، مەكتەپ اۋلاسىنىڭ ماڭىنداعى ەلەكتروندى تەمەكى ساتۋ تۇيىندەرى مەن اۆتوماتتى ساتۋ ماشينالارىن جالپى بەتتىك اداقتاپ، ”ينتەرنەت ارقىلى قاريدار توپتاۋ، وزگەرگەن فورمادا ساتۋ“، ۋيچات ساۋداسى فورماسىندا ساتۋ جانە قىسقا كەسكىن، جەكەلىك مەديا، APP قولدانباسىنداعى ءتۇرى وزگەرگەن جارناما ارقىلى وتىمدىلەندىرۋ قاتارلى كورنەكتى ماسەلەلەردى كۇش سالا جونگە سالىپ، ازامات جاسىنا تولماعاندارعا ەلەكتروندى تەمەكى ساتۋ سىندى زاڭعا قايشى ارەكەتتەردى قاتاڭ تەكسەرىپ ءبىر جاقتى ەتكەن.

  جوعارىداعى ارناۋلى ارەكەت بارىسىندا، ەلىمىز بويىنشا زاڭ اتقارۋ قىزمەتكەرلەرىنەن ءبىر ميلليون 638 مىڭ ادام (رەت) اتتانىسقا كەلتىرىلىپ، ورتا، باستاۋىش مەكتەپ، بالالار باقشاسى قاتارلىلاردىڭ ماڭىنداعى ەلەكتروندى تەمەكىنى ساۋدالاۋ تۇيىندەرىنەن 25 مىڭنان استامىن، ەلەكتروندى تەمەكى ساتاتىن اۆتوماتتى قۇرىلعىلاردان 1000 نان استامىن اداقتادى، ازامات جاسىنا تولماعاندارعا ەلەكتروندى تەمەكى ساتۋعا قاتىستى دەلولاردان 1100 دەن استامىن تەكسەرىپ انىقتاپ، 3 ميلليون يۋاننان استام اقشالاي ايىپ سالدى، ەلەكتروندى تەمەكىگە زاڭسىزدىقپەن كاننابينويد سىندى تيىم سالىنعان قۇرامدى قوسۋعا (”ادەتتە باستى اينالدىراتىن تەمەكى“ دەپ اتالادى) قاتىستى زاڭعا قايشى قىلمىستىق دەلولاردان 300 دەن استامىن ءساتتى انىقتاپ، قىلمىس كۇماندىلارىنان 2300 دەن استام ادامدى تۇتقىنداپ، ”ءسۇت ستاكانى“، ”كولا قۇتىسى“ سەكىلدى باستى اينالدىراتىن تەمەكىلەردەن ءبىر ميلليون 300 مىڭنان استامىن انىقتاپ قولعا تۇسىرگەن.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى