ءبىر كەنگە ءبىر شارا قولدانىپ، توتەنشە جاعدايدى زەردەلى مەڭگەردى
شينجياڭ كوپ ءتۇرلى شارانى قاتار قولدانۋ ارقىلى ءوندىرىس حاۋىپسىزدىگى جاعدايىنىڭ ورنىقتى جاقسارۋىنا شىنايى كەپىلدىك ەتتى
2023.05.23 16:13 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ تىلشىلەرى ۋاڭ نا، ياڭ شۋحان 5 - ايدىڭ 21 - كۇنى ۇرىمجىدەن حابارلايدى. اۆتونوميالى رايون، ايماق سىندى ەكى دارەجەلى كەن حاۋىپسىزدىگىنە قىزمەت وتەۋ، قامتاماسىز ەتۋ ورتالىقتارىن ۇيىمداستىرىپ قۇردى، اپات زيانىن كەشەندى ازايتۋدان بۇكىل ەل بويىنشا ۇلگى كورسەتەتىن 15 الەۋمەتتىك اۋماق قۇردى، ساقتاندىرۋ ينفورماتسياسىن نىسانالى تۇردە ادامعا دەيىن دالمە - ءدال جەتكىزدى... بىلتىردان بەرى رايونىمىز ءبىر قىدىرۋ تىڭعىلىقتى، پارمەندى شارا قولدانىپ، اۋىر، ەرەكشە ءىرى ءوندىرىس حاۋىپسىزدىگى شىرعالاڭدارىنىڭ تۋىلۋىن باتىل تەجەپ، ءوندىرىس حاۋىپسىزدىگى جاعدايىنىڭ ورنىقتى جاقسارۋىنا شىنايى كەپىلدىك ەتتى.
5 - ايدىڭ 19 - كۇنى اۆتونوميالى رايوندىق حالىق ۇكىمەتى اقپارات كەڭسەسى وتكىزگەن ”زور حاۋىپسىزدىك، توتەنشە جاعدايدى جاپپاي مەڭگەرۋ“ جۇلگەسىن ورناتىپ، جوعارى دەڭگەيلى حاۋىپسىزدىك ارقىلى ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ جونىندەگى اقپار جاريالاۋ ماجىلىسىندە اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى پارتكومىنىڭ مۇشەسى، مەڭگەرمەنىڭ ورىنباسار باستىعى ليۋ دىشياڭنىڭ تانىستىرۋىنشا، 2022 - جىلدىڭ سوڭىنا دەيىن بۇكىل شينجياڭدا اۆتونوميالى رايون، ايماق سىندى ەكى دارەجەلى كەن حاۋىپسىزدىگىنە قىزمەت وتەۋ، قامتاماسىز ەتۋ ورتالىقتارى قۇرىلعان، جاراتىلىستىق اپاتتاردى ءۇش دارەجەلى كەشەندى باقىلاۋ - ولشەۋ، ساقتاندىرۋ بويىنشا 81 ورتالىق قۇرىلعان، 600 اۋىل - قالاشىقتا (ءمالى) ءورت ءوشىرۋ، ورتتەن ساقتانۋ قىزمەت بولىمشەسى، اپات زيانىن كەشەندى ازايتۋدان بۇكىل ەل بويىنشا ۇلگى كورسەتەتىن 15 الەۋمەتتىك اۋماق قۇرىلعان، شۇعىل جاعدايعا توتەپ بەرۋدى باسقارۋ جۇيەسى جانە قابىلەتى قۇرىلىسىندا تىڭ ىلگەرىلەۋشىلىككە قول جەتكەن.
كەن سالاسىندا كەندەردىڭ حاۋىپسىزدىگىنە ءبىر - بىرلەپ تۇجىرىم جاساپ، ”ءبىر كەنگە ءبىر شارا“ بويىنشا دالمە - ءدال باسقارۋدى ىسكە اسىرىپ، ۇستىنەن ءارى تۇبىرىنەن وڭاۋ ارقىلى ماندىك حاۋىپسىزدىك دەڭگەيىن جوعارىلاتتى؛ ءورت ءوشىرۋ، ورتتەن ساقتانۋ سالاسىندا ءىرى ساۋدا كەشەنى، بيىك عيماراتتاردىڭ جەر استى قۇرىلىستارى، قالا ىشىندەگى قىستاق سياقتى جوعارى قاتەرلى ورىنداردى، وڭىرلەردى، سونداي - اق جاڭا كاسىپ كۇيىن، جاڭا حاۋىپ - قاتەرلەردى مىقتاپ قاداعالاپ، ءورت اپاتىن تۋدىراتىن كومەسكى قاتەردى ۇدايىلاندىرا ءبىر - بىرلەپ تەكسەرىپ، رەتتەپ - جونگە سالدى؛ جول - قاتىناس، قاتەرلى حيميالىق بۇيىمدار، قالا حاۋىپسىزدىگى، ساياحات، ەرەكشە جابدىقتار، تەمىر جول، حالىقتىق اۆياتسيا سياقتى باسقادا ءتۇيىندى كاسىپ سالالارىندا توپتىق ءولىم - ءجىتىم، توپتىق زاقىمدالۋ وڭاي تۋىلاتىن كاسىپورىندار، ماڭىزدى ءىرى ينجەنەريالار، ماڭىزدى ورىن، ءتۇيىندى بۋىندار سياقتىلاردى كۇش ۇيىمداستىرۋ ارقىلى مىقتاپ قورعادى.
بۇدان سىرت، جەر - جەر ”توتەنشە جاعدايدى زەردەلى مەڭگەرۋدى“ نىسانا ەتىپ، تولىق اڭعاراتىن، باقىلاپ - ولشەۋگە بولاتىن، ساقتاندىرا الاتىن، قولباسشىلىق ەتە الاتىن شۇعىل جاعدايعا توتەپ بەرۋدى باسقارۋ كەشەندى ينفورماتسيا، قولباسشىلىق تۇعىرى مەن جاراتىلىستىق اپاتتاردى كەشەندى باقىلاۋ - ولشەۋ، ساقتاندىرۋ تۇعىرىن تۇلعالاپ، اۋا رايى جاعىنداعى ساقتاندىرۋ ينفورماتسياسىن جاريالايتىن ”سايكەسۋ“ مەحانيزمىن اقاۋسىزداندىرىپ، كەمەلدەندىرىپ، ساقتاندىرۋ ينفورماتسياسىنىڭ نىسانالى جاريالانۋىنا، ادامدارعا دالمە - ءدال جەتۋىنە شىنايى كەپىلدىك ەتتى. كەن كاسىپورىندارىنىڭ ەلەكتردەن پايدالانۋ ساندى مالىمەتىن باقىلاۋ - ولشەۋدى، وعان تالداۋ جاساۋدى اتقارىپ، 115 كەن قالدىعى قامباسىن حاۋىپسىزدىك قاتەرىن باقىلاۋ - ولشەۋ، ساقتاندىرۋ تۇعىرىنا جالعادى.
شينجياڭدا جاراتىلىستىق اپاتتار مەن ودان تۋىندايتىن اپاتتاردىڭ تارالۋى كەڭ، ءتۇرى كوپ، كۇشەمەلىلىگى زور بولۋ سياقتى ناقتى جاعدايعا مەڭزەس، جەر - جەر جاراتىلىستىق اپات جالپىلىق قاتەرىن بۇكىل ەل بويىنشا 1 - رەتكى جاپپاي تەكسەرۋ ناتيجەسىنەن تولىق پايدالانىپ، ءتۇيىندى قىزمەت مىندەتتەرىن تياناقتاندىرۋدى ويداعىداي يگەرىپ، ”جويقىن جەر سىلكىنىسىنە قارسى اتتانۋ، ۇلكەن قاتەردەن اراشالاۋ، اۋىر اپاتتان قۇتقارۋ“ قابىلەتىن تىڭعىلىقتى جوعارىلاتتى. توتەنشە جاعدايدى مەڭگەرۋ جاعىنداعى ءار دارەجەلى ءتۇرلى ساقتىق جوباسى مەن سول جەردىڭ وزىندە ءبىر جايلى ەتۋ جوباسىن اقاۋسىزداندىرىپ، كەمەلدەندىرىپ، ناقتى شايقاستىق قوزعاۋشىلىق ەتۋ، حاۋىپ - قاتەردەن قورعانۋ بىتىراتۋى سياقتى ارناۋلى جاتتىعۋلاردى ۇدايىلاندىرا ۇيىمداستىرىپ ورىستەتتى. توتەنشە جاعدايدى مەڭگەرۋ زاتتىق ماتەريالدارىن الدىڭعى شەپكە ورنالاستىرۋ، ۋاكىلدىك ساقتاۋ، قۇتقارۋ - كومەكتەسۋ زاتتىق ماتەريالدارىن، اسپاپ - جابدىقتارىن ءوندىرۋ قۋاتىن، زاپاسىن عىلمي ورنالاستىرىپ، حاۋىپ - قاتەردەن اراشالاۋ، قۇتقارۋ - كومەكتەسۋ، اپاتتان قۇتقارۋ قابىلەتىن نىق قاداممەن جوعارىلاتتى.
ليۋ دىشياڭ مىنانى ءبىلدىردى: رايونىمىزداعى ءار دارەجەلى شۇعىل جاعدايعا توتەپ بەرۋدى باسقارۋ تاراۋلارى پارتيا، ۇكىمەت ورىندارىنداعى نەگىزگى جاۋاپتى جولداستاردىڭ ءبىرىنشى جاۋاپتى ادام بولۋ جاۋاپكەرشىلىگىن جانە كاسىپورىنداردىڭ تۇلعالىق جاۋاپكەرشىلىگىن، قاراستى جەردىڭ باسقارۋ جاۋاپكەرشىلىگىن، تاراۋلاردىڭ باقىلاۋ - باسقارۋ جاۋاپكەرشىلىگىن قاتايتىپ، ناقتىلاندىرىپ، ءوندىرىس حاۋىپسىزدىگىندەگى ”ءبىر داۋىسپەن تەرىسكە شىعارۋ“ جانە ءوندىرىس حاۋىپسىزدىگى شىرعالاڭدارىندا ”ءبىر دەلونى ەكى تەكسەرۋ“ ءتۇزىمىن قاتاڭ تياناقتاندىرىپ، اۋىر، ەرەكشە ءىرى شىرعالاڭنان ساقتانۋ، تەجەۋ سىندى ”بۇيدانى“ مىقتى ۇستاپ، ءوندىرىس حاۋىپسىزدىگىنىڭ قىزىل سىزىعىن، تومەنگى شەگىن ويداعىداي قورعاپ، حالىقتىڭ باس اماندىعى مەن مال - مۇلىك حاۋىپسىزدىگىن ماڭداي الدى ورىنعا قويۋدى ناقتى تياناقتاندىرۋعا شىنايى كەپىلدىك ەتىپ، اناعۇرلىم جوعارى دەڭگەيدەگى تىنىش شينجياڭ قۇرۋعا پارمەندى قامتاماسىزدىق ازىرلەيدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
