جاڭ چۇنلين ءۇرىمجى قالاسىنداعى قاتىستى كاسىپورىنداردا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باقشا رايونىنىڭ تاسىمال قۇرىلىمىن ساپالىلاندىرىپ، وڭىرلىك اتموسفەرانىڭ لاستانۋىن وڭاۋ قىزمەتىن ىلگەرىلەتۋ كەرەك
2023.05.23 16:13 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 20 - كۇنى اۆتونوميالى رايوندىق پارتكومنىڭ ورىنباسار شۋجيى، قازىنا - ەكونوميكا كەڭسەسىنىڭ مەڭگەرۋشىسى جاڭ چۇنلين ”ءۇرىمجى − سانجى − شىحىزى“ وڭىرىنە ىشكەرىلەي بارىپ، شينجياڭ جۇڭتاي توبى حۋاتاي سەرىكتەستىگى، جۇڭگو مۇنايى ءۇرىمجى مۇناي حيميا بولىمشە سەرىكتەستىگى، يانكۋاڭ شينجياڭ كومىر حيميا ونەركاسىبى شەكتى سەرىكتەستىگى جانە مەملەكەتتىك ەنەرگيا توبى شينجياڭ حيميا ونەركاسىبى شەكتى سەرىكتەستىگى سياقتى ءتۇيىندى كاسىپورىنداردا سول جەردىڭ وزىندە تەكسەرۋ - زەرتتەۋ جۇرگىزىپ، باقشا رايونىنىڭ جانە كاسىپورىنداردىڭ قازىرگى تەمىر جول تاسىمالى قۋاتىن، جالپىلىق زاتتاردىڭ تاس جول جانە تەمىر جول تاسىمالى جاعدايىن ىشكەرىلەي ۇعىسىپ، جالپىلىق زاتتاردىڭ تەمىر جول تاسىمالىنداعى ورىن تەپكەن باستى قيىنشىلىقتارى مەن ماسەلەلەرىن، ت. ب اقىلداسىپ شەشتى.
جاڭ چۇنلين بىلاي دەپ اتاپ كورسەتتى: شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ورىستەتۋدى وراي ەتىپ، ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، ادامدى نەگىز ەتكەن دامۋ يدەياسىن بەرىك ورناتىپ، اتموسفەرانىڭ لاستانۋىن وڭاۋداعى ناقتى ناتيجەمەن، ناقتى ونىمدىلىكپەن ”ەكىنى تۇراقتاندىرۋدى“ باتىل قورعاپ، ”ەكىنى قورعاۋدى“ تىڭعىلىقتى ورىنداۋ كەرەك. كەشەندى شارا قولدانۋعا تاباندى بولىپ، ونەركاسىپ كاسىپورىندارىنىڭ، تاسىمال كاسىپورىندارىنىڭ لاس زاتتاردىڭ شىعارىلۋىن ازايتۋداعى كومەسكى كۇشىن ىشكەرىلەي اشىپ، كۇكىرت قوس توتىعى، ازوت وكسيدتەرى، VOCS، شاڭ - توزاڭ سياقتى 4 ۇلكەن تۇردەگى ىعىستىرىلاتىن زاتتاردى ازايتۋدى توڭىرەكتەي وتىرىپ، تۇرگە ءبولىپ شارا قولدانىپ، دالمە - ءدال كۇش سالىپ،”ءۇرىمجى − سانجى − شىحىزى“ ءوڭىرىنىڭ قورشاعان ورتا اتموسفەراسىنىڭ ۇزدىكسىز جاقسارۋىن ىلگەرىلەتىپ، ءار ۇلت حالىق جۇرتشىلىعىنىڭ ىقىلاستى ءۇمىتىن ۇزدىكسىز قاناعاتتاندىرۋ كەرەك. جاڭالىق اشۋ وي جەلىسىنە تاباندى بولىپ، باقشا رايونىندا قۇبىر، ءدالىز تاسىمالى، زاۆود رايونى ساپ ەلەكترلى اۋىر تۇرپاتتى جۇك ماشيناسى مەن ءىرى تۇرپاتتى كاسىپورىنداردىڭ تەمىر جول ارناۋلى جەلىسى سياقتى كوپتەگەن ءتاسىل ارقىلى بازارلانعان تاسىلمەن باقشا رايونىنىڭ، كاسىپورىنداردىڭ تاسىمال قۇرىلىمىن ۇزدىكسىز ساپالىلاندىرىپ، كەمەلدەندىرىپ، جىلجىمالى قاينارلاردىڭ لاس زاتتاردى شىعارۋىن ازايتىپ، وڭىرلىك اتموسفەرانى وڭاۋ قىزمەتىنە ۇلەس قوسۋ كەرەك.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
