شينجياڭ ”اۋە جىبەك جولىن“ كوبەيتتى
2023.05.23 16:15 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ما ينيڭ 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 18 - كۇنى گرۋزيانىڭ گەوسكاي اۆياتسيا سەرىكتەستىگىنىڭ ءۇرىمجى − تيبيليس حالىقارالىق جۇك تاسىمالى جالداما ۇشاعى 100 توننا جۇكتى تيەپ، ءۇرىمجى ديوپۋ حالىقارالىق اۋەجايىنان ۇشتى. قازىرگە دەيىن شينجياڭ اۋەجاي توبى حالىقارالىق جۇك تاسىمالى جالداما ۇشاعىنان 31 كەزەكتەگى 62 ۇشاقتىڭ (رەت) ۇشۋىن قامتاماسىز ەتتى، جالپى جۇك تاسىمالى مولشەرى 1000 توننادان استى.
”حالىقتىق جولاۋشىلار تاسىمالى، جۇك تاسىمالى كەزەكشى ۇشاقتارىن بىرتىندەپ تارتىپپەن كوبەيتۋ“ − جۇڭگو − ورتا ازيا باسشىلار ماجىلىسىندەگى سەلبەستىك جونىندەگى باستى ورتاق تانىمدار مەن باستامالاردىڭ ءبىرى. 2 - ايدىڭ 8 - كۇنى جۇڭگونىڭ شينجياڭىنان پاكيستانعا ۇشاتىن مەرزىمدى اۋە جەلىسى اراعا 3 جىل سالىپ قالپىنا كەلدى، بۇل 2020 - جىلى ىندەت تۋىلعاننان بەرى شينجياڭنىڭ تۇڭعىش قالپىنا كەلتىرگەن، وڭتۇستىك ازيا رايونىنا توتە ۇشاتىن مەرزىمدى جولاۋشىلار تاسىمالى اۋە جەلىسى. قازىرگە دەيىن ەلىمىز ورتا ازياداعى 5 ەلمەن ۇشاق قاتىناسىن جاپپاي قالپىنا كەلتىردى، ۇرىمجىدەن اتتاناتىن حالىقارالىق اۆياتسيا تۇيىندەرى 10عا جەتىپ، الماتى، بىشكەك، دۋشانبە، تاشكەنت، تيبيليس، ءىسلاماباد، تەگەران، باكۋ، استانا، اشحابادقا جەتۋگە بولادى، ”اۋە جىبەك جولى“ ۇزدىكسىز قۋاتىن ارتتىرىپ، قارقىنىن تەزدەتتى.
”كەزەكشى ۇشاق قالپىنا كەلتىرىلدى، بۇدان كەيىن ەلگە قايتۋ ءتىپتى دە قولايلى بولاتىن بولدى“! جاقىندا تۇركمەنستاننىڭ اشحابادىنان كەزەكشى ۇشاققا وتىرىپ ۇرىمجىگە كەلگەن حالىقارالىق جولاۋشى تىلشىگە قۋانا بىلاي دەدى: ”3 جىل ىندەت سەبەبىنەن ورتا، باتىس ازياداعى ەلدەردەن ۇرىمجىگە ۇشاتىن كەزەكشى ۇشاقتار ۋاقىتشا توقتاتىلدى، ارالىقتا ەلگە قايتۋ ءۇشىن، شي - ان نەمەسە چىڭدۋدى شەكارادان كىرەتىن ورىن ەتىپ تاڭداپ، ودان ۇرىمجىگە ورالۋشى ەدىك؛ قازىر توتە ۇشاتىن اۋە جەلىسى قالپىنا كەلگەننەن كەيىن توتەنشە قولايلى بولا ءتۇستى“. قازىر وڭتۇستىك اۆياتسيا سەرىكتەستىگىنىڭ ءار اپتاداعى توتە قاتىنايتىن حالىقارالىق كەزەكشى ۇشاعى 30 كەزەكتەن اسادى. سونىمەن بىرگە وڭتۇستىك اۆياتسيا سەرىكتەستىگىنىڭ حالىقارادان ەل ىشىنە اۋىسىپ ۇشاتىن كەزەكشى ۇشاقتارىنىڭ ەڭ قىسقا اۋىسىپ ۇشاتىن ۋاقىتى بۇرىنعى 120 مينۋتتان 90 مينۋتقا رەتتەلدى، ەل ىشىنەن حالىقاراعا اۋىسىپ ۇشاتىن كەزەكشى ۇشاقتىڭ ەڭ قىسقا اۋىسىپ ۇشاتىن ۋاقىتى 100 مينۋتقا رەتتەلىپ، ۇشاق اۋىستىرۋ ونىمدىلىگى اناعۇرلىم جوعارىلادى.
6 - ايدىڭ 13 - كۇنىنەن باستاپ، وڭتۇستىك اۆياتسيا سەرىكتەستىگى ءۇرىمجى − لاھور بارىپ - كەلۋ اۋە جەلىسىن قالپىنا كەلتىرەدى. سول كەزدە وڭتۇستىك اۆياتسيا سەرىكتەستىگىنىڭ ۇرىمجىدەن پاكيستانعا ۇشاتىن اۋە جەلىسى ەكەۋگە جەتەدى، ءۇرىمجى − لاھور جانە ءۇرىمجى − ءىسلاماباد اۋە جەلىسى ءبىرىن - ءبىرى تولىقتاپ، جۇڭگو − پاكيستان اۋە جەلىسىنىڭ ءار كۇنى قاتىناۋى جۇزەگە اساتىن بولادى.
ۇعىسۋعا قاراعاندا، وڭتۇستىك اۆياتسيا سەرىكتەستىگى بۇدان كەيىن تاعى اراب بىرلەسكەن امىرلىگىنىڭ دۋبايى، رەسەيدىڭ ماسكەۋى، رەسەيدىڭ پەتربۋرگى، ت. ب ۇشاتىن اۋە جەلىلەرىن بەلسەنە قالپىنا كەلتىرىپ، شينجياڭنىڭ ورتا ازيامەن، ەۆروپامەن بولعان ەكونوميكا، مادەنيەت، گۋمانيتارلىق ىستەر سياقتى جاقتارىنداعى اۋىس - كۇيىستى، قارىم - قاتىناستى ونان ارى ىلگەرىلەتەدى، بۇدان سىرت، قاشقار، قۇلجا سياقتى حالىقارالىق وتكەلدەردىڭ اۋەجايلارى بيىل جىل ىشىندە ورتا، باتىس ازيا ەلدەرىنە ۇشاتىن حالىقارالىق جۇك تاسىمالى، جولاۋشى تاسىمالى مەرزىمدى كەزەكشى ۇشاعىن ۇشىرۋدى جوسپارعا الدى، قارامايلى ۋاقىتشا اۆياتسيا وتكەلىن اشۋ، ۋاقىتشا حالىقارالىق جولاۋشى تاسىمالى كەزەكشى ۇشاعىن ۇشىرۋ سياقتى جۇمىستار دا ۋاقىتتى مىقتى يگەرىپ ىلگەرىلەتىلۋدە.
”بيىل حالىقارالىق كەزەكشى ۇشاق قالپىنا كەلگەننەن كەيىن، كيىم - كەشەك، ەلەكتروندى بولشەكتەرى، ماشينا بولشەكتەرى سياقتى ونىمدەردىڭ ەكسپورت تاسىمالى تەبىندەي تۇسەدى“، - دەدى وڭتۇستىك اۆياتسيا سەرىكتەستىگى زات اينالىمى شينجياڭ بولىمشە سەرىكتەستىگىنىڭ قىزمەتكەرى لي حاۋ تانىستىرىپ، قازىرگە دەيىن وڭتۇستىك اۆياتسيا سەرىكتەستىگى زات اينالىمى شينجياڭ بولىمشە سەرىكتەستىگىنىڭ يمپورت - ەكسپورت تاسىمال مولشەرى 600 توننادان استى. ول مىنانى ءبىلدىردى: وسى رەتكى جۇڭگو − ورتا ازيا باسشىلار ماجىلىسىنەن كەيىن زات اينالىمى تاسىمالى ارتۋ تەبىنىن ساقتاۋى مۇمكىن، زات تاسىمالىنىڭ قاجەتىن قامتاماسىز ەتۋ ءۇشىن، وڭتۇستىك اۆياتسيا زات اينالىمى شەكتى سەرىكتەستىگى ۇرىمجىدە قاتىناي باستاعان كەزەكشى ۇشاقتاردا حالىقارالىق ءتىرى ورگانيزم، تەمپەراتۋراسى مەڭگەرىلەتىن ءدارى - دارمەك سياقتى تاسىمالدىق قىزمەت وتەۋدى اتقارىپ، ليتي باتارەيا تاسىمالدىق قىزمەت وتەۋدى اشىپ، حالىقارالىق تاسىمال قىزمەت وتەۋ قۇرىلىمىن ۇزدىكسىز بايىتادى.
بيىل ”اۋە جىبەك جولى“ قۇرىلىسىن ىشكەرىلەي ىلگەرىلەتۋ ءۇشىن، شينجياڭ اۋەجايى توبى بازار اشۋ تەبىنىن ۇلعايتىپ، اۋە جەلىلەرىنىڭ قاتىناۋ قۋاتىن جوعارىلاتتى. 1 - ايدان 4 - ايعا دەيىن تۇتاس شينجياڭداعى اۋەجايلاردىڭ مەرزىمدى ۇشاتىن اۋە جەلىسى جالپى 364 بولدى، مۇنىڭ ىشىندە حالىقارالىق جولاۋشىلار جەلىسى 10عا جەتتى. شينجياڭ اۋەجايى توبى ەل ءىشى - سىرتىنىڭ جۇك تاسىمالى اۋە جەلىسىن ۇزدىكسىز جيىلەتىپ، اۆياتسيا جۇك تاسىمالى جالداما ۇشاق كاسىبىن بار كۇشپەن دامىتىپ، شەتەلدە جۇك پۋنكتىن قۇرۋ جونىندە ىزدەنىس جاساپ، تاۋار تۇرلەرى مەن قامتۋ اياسىن كەڭەيتىپ، شىعىس ەۆروپا، ورتا ازيا سياقتى وڭىرلەردىڭ حالىقارالىق اۆياتسيا زات اينالىمى كاسىبىن اشادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
