ەكونوميكا ـ ساۋدا، قاتىناس، اۋىل شارۋاشىلىعى سياقتى كوپ سالادا 10 ميلليارد يۋان يگىلىككە كەنەلدى، جۇڭگو ـ ورتا ازيا سەلبەستىگى ارناۋلى قارىز اقشاسى قۇرىلدى
2023.05.23 15:38 كەلۋ قاينارى : حالىق تورابى
ءتىلشىنىڭ مەملەكەت اشۋ بانكەسىنەن ۇعىسۋىنشا، جۇڭگو — ورتا ازيا سەلبەستىگىن تەرەڭدەتۋگە دەم بەرۋ ءۇشىن، ورتا ازيا مەملەكەتتەرىنىڭ دامۋ قابىلەتتەرىن وسىرۋگە قىزمەت وتەۋ ءۇشىن، مەملەكەت اشۋ بانكەسى جاقىندا جۇڭگو جانە ورتا ازيا سەلبەستىگىنە 10 ميليارد يۋان حالىق اقشاسىندىق ارناۋلى قارىز اقشا اجىراتىپ، جۇڭگونىڭ ورتا ازياداعى بەس مەملەكەتپەن بولعان ەكونوميكا - ساۋدا، قاراجى قوسۋ، قاتىناس اۋىل شارۋاشىلىعى، ەنەرگيا بايلىعى، نەگىزدىك قۇرىلعىلار سياقتى سالالاردا جاساسقان ەل - ءىشى سىرتىنداعى نىساندارىنا قولداۋ كورسەتتى.
تانىستىرۋعا نەگىزدەلگەندە، تۇڭعىش كەزەكتى جۇڭگو — ورتا ازيا باسشىلار ءماجىلىسى كەزىندە، مەملەكەت اشۋ بانكەسى قازاقىستان بايتەرەك سەرىكتىگى، قازاقىستان دامۋ بانكەسى، وزبەكستان سىرتقى ساۋدا بانكەسىمەن جوعارى ساتىداعىلار كەزدەسۋىن وتكىزگەن ءارى قازاقستان دامۋ بانكەسى، وزبەكستان سىرتقى ساۋدا بانكەسى، تاجىكستان امانات بانكەسى سياقتىلارمەن جەكە - جەكە 2 نۇسقا قارىز اقشا كەلىسىمىنە 2 نۇسقا سەلبەستىك حۇجاتىنا قول قويعان، بۇل ورتا، شاعىن كاسىپورىندار، اۋىل شارۋاشىلىعى، ءوندىرىس قۋاتى سەلبەستىگى، قوعامدىق، حالىق تۇرمىسى سياقتى سالالارداعى نىساندار سەلبەستىگىن قامتيدى.
بۇدان سىرت، 2022 – جىلدىڭ سوڭىنا دەيىن مەملەكەتتىك اشۋ بانكەسى ورتا ازياداعى بەس ەلدە ەنەرگيا بايلىعى، نەگىزدىك قۇرىلعى، قاتىناس، ەلەكتر قۋاتى، حيميا ونەركاسىبى، تەلەگراف، فينانس، اۋىل شارۋاشىلىعى، ورتا، شاعىن كاسىپورىندار سياقتى سالالار بويىنشا 134 نىساندى قولداعان، جۇڭگونىڭ قاتىستى ەلدەرمەن ەكونوميكا ـ ساۋدا سەلبەستىگىن تەرەڭدەتۋىن، سونداي ـ اق سەلبەسكەن ەلدەردىڭ ءتۇيىنندى كاسىپ سالالارىنىڭ دامۋىن پارمەندى جەبەگەن. سونىمەن بىرگە، اشۋ بانكەسى ورتا ازيا فينانس قۇرىلىمدارىمەن قارىز اقشا بەرۋ سەلبەستىگىن ورىستەتىپ، قىرعىزستان، تاجىكستان، وزبەكستان سياقتى ەلدەردىڭ ەكونوميكالىق، قوعامدىق ونىمدىلىگى جاقسى اۋىل شارۋاشىلىعى، ورتا، شاعىن كاسىپورىندار سالاسىنداعى ”شاعىن دا كوركەم“ نىسانداردى ءتۇيىندى تۇردە قولداپ، سەلبەستىكتى كۇشەيتىپ، حالىقتى باقىتقا كەنەلتۋگە بەلسەنە دەم بەردى، قىزمەت كورسەتۋ ارقىلى جۇرت جۇرەگىن توعىستىردى. كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
