شينجياڭ اقسۋ ايماعى باي اۋدانىندا 4.3 بال جەر سىلكىندى
وڭتۇستىك شينجياڭ تەمىر جولىنىڭ ءىشىنارا جولاۋشىلار پويەزىنىڭ قاتىناۋى ىقپالعا ۇشىرادى
2023.05.24 13:51 كەلۋ قاينارى : حالىق تورابى
جۇڭگو جەر سىلكىنىسىن باقىلاۋ ستانسياسى تورابىنىڭ رەسمي ولشەپ تۇراقتاندىرۋىنشا: 5 - ايدىڭ 23 - كۇنى ساعات 22 دەن 42 مينۋت وتكەندە شينجياڭنىڭ اقسۋ ايماعى باي اۋدانىندا 4.3 بال جەر سىلكىندى (سولتۇستىك ەندىك 41.78 گرادۋس، شىعىس بويلىق 82.18 گرادۋس، تەرەڭدىگى 13 كيلومەتر).
جەر سىلكىنگەننەن كەيىن، شينجياڭنىڭ تەمىر جول تاراۋلارى جولاۋشىلار پويەزىنىڭ حاۋىپسىزدىگىنە كەپىلدىك ەتۋ ءۇشىن، شۇعىل جاعدايعا توتەپ بەرۋ جوباسىن دەرەۋ ىسكە قوسىپ، كۇشار باتىس ۆوكزالىنان ياڭتاققۇدىق بەكەتىنە دەيىنگى ارالىقتى قۇرساۋلاپ، وسى وڭىردە قاتىناپ جاتقان جولاۋشىلار پويەزىن شۇعىل توقتاتتى. قازىر تەمىر جول تاراۋلارى قاتىستى قىزمەتكەرلەردى ناق مايدانعا بارىپ، لەنيا، كوپىر، تۋنەل، سيگنال جابدىقتارىن جاپپاي تەكسەرۋگە ۇيىمداستىردى. ساعات 23 تەن 30 مينۋتقا دەيىن ىقپالعا ۇشىراعان كەزەكشى پويەزدار:
قاشقاردان ۇرىمجىگە دەيىنگى T9518 كەزەكشى پويەزى، ارالدان ۇرىمجىگە دەيىنگى K9784 كەزەكشى پويەزى، تۇمسىقتان ۇرىمجىگە دەيىنگى K9778 كەزەكشى پويەزى، ۇرىمجىدەن قاشقارعا دەيىنگى T9521 كەزەكشى پويەزى، ۇرىمجىدەن حوتانعا دەيىنگى 7557 كەزەكشى پويەزى.
شينجياڭ تەمىر جول تاراۋلارى قالىڭ جولاۋشىلارعا 12306 تەمىر جول جولاۋشىلار قىزمەت وتەۋ تەكشەسى ارقىلى نەمەسە ”شينجياڭ تەمىر جولى“ رەسمي ميكروبلوگى، ۋيچات، ۆوكزال ەلەكتروندى ەكرانى، راديو، حابارلاندىرۋ ارقىلى پويەزدىڭ قاتىناۋ جاعدايىن دەر كەزىندە ۇعىسىپ، ساپاردى ۇيلەسىمدى ورنالاستىرۋدى ەسكەرتتى. وسى سەبەپتى تۋىلعان قولايسىزدىق جاعدايدى قالىڭ جولاۋشىلاردىڭ ءتۇسىنۋىن ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
