شي جينپيڭ ەكۆادوردىڭ زۇڭتۇڭى يساياسپەن جۇڭگو مەن ەكۆادوردىڭ ديپلوماتيالىق قارىم - قاتىناس ورناتقانىنىڭ 30 جىلدىعى بايلانىسىمەن ءوزارا قۇتتىقتاۋ تەلەگرامماسىن جولدادى
2023.05.25 16:28 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 24 - كۇنى، بەيجيڭ. 5 - ايدىڭ 24 - كۇنى مەملەكەت ءتوراعاسى شي جينپيڭ ەكۆادوردنىڭ زۇڭتۇڭى يساياسپەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 30 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ديپلوماتيالىق قارىم - قاتىناس ورناتقان 30 جىلدان بەرى جۇڭگو مەن ەكۆادور قارىم - قاتىناسى حالىقارالىق الماعايىپ وزگەرىستەردى باستان وتكەردى، ەكى جاق باستان - اياق شىنايى دوستاسىپ، قول ۇستاسا بىرگە ىلگەرىلەپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا باتىل قولداۋ كورسەتتى. تاياۋدا يساياس زۇڭتۇڭ جۇڭگودا مەملەكەتتىك ساپاردا بولدى، ءبىز ەكى ەل قاتىناسىن ونان ارى تەرەڭدەتۋ، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، كوپتەگەن ماڭىزدى ورتاق تانىمعا كەلدىك.
شي جينپيڭ بىلاي دەپ دارىپتەدى: مەن جۇڭگو - ەكۆادور قارىم - قاتىناسىنىڭ دامۋىنا ايرىقشا ءمان بەرەمىن، يساياس زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 30 جىلدىعىن وراي ەتىپ، ءوزارا قولداۋدى بەكەمدەپ، جان - جاقتى سەلبەستىكتى كۇشەيتىپ، جۇڭگو مەن ەكۆادوردىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايمىن.
يساياس مىنالاردى ءبىلدىردى: ەكۆادور مەن جۇڭگونىڭ دوستىعى ارىدان جالعاسقان، جۇڭگو ەكۆادور حالقىنىڭ ۇلتتىڭ تاۋەلسىزدىگىنە قول جەتكىزۋىنە ءمورالدىق قاعيدا جانە زاتتىق جاقتان قولداۋ كورسەتتى. وتكەن 30 جىلدا ەكۆادور مەن جۇڭگونىڭ قارىم - قاتىناسى ۇزدىكسىز دامىدى. تاياۋدا مەن جۇڭگودا مەملەكەتتىك ساپاردا بولىپ، ءتوراعا شي جينپيڭمەن ىشكەرىلەي كەڭەس وتكىزدىم. ەكۆادور مەن جۇڭگونىڭ دوستىق سەلبەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلگەنىن، ءار سالانى قامتىعان جان - جاقتى سەلبەستىك پەن سايكەستىكتى قاباعات قۋانىشپەن بايقاپ وتىرمىن. يساياس مىنالاردى دارىپتەدى: مەن وسى قۋانىشتى ساتتە ەكۆادور مەن جۇڭگونىڭ ستراتەگيالىق قارىم - قاتىناسىنىڭ بولاشاعىنا دەگەن بەرىك سەنىمىمدى جانە تاماشا تىلەگىمدى تاعى دا بىلدىرۋگە پەيىلمىن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
