ەڭ جوعارى حالىق سوتى: ازامات جاسىنا تولماعاندارعا جىنىستىق سۇعاناقتىق جاساۋ قىلمىسىن وتكىزگەندەردى زاڭ بويىنشا قاتاڭ جازالاۋ كەرەك
2023.05.24 20:52 كەلۋ قاينارى : حالىق تورابى
جۇڭگو اقپارات تورابىنىڭ 5 – ايدىڭ 23 – كۇنى بەرگەن حابارى. ەڭ جوعارى حالىق سوتى ۋيچات تەكشەسىنىڭ حابارلاۋىنشا، ەڭ جوعارى حالىق سوتىنىڭ تەكسەرىپ ماقۇلداۋى بويىنشا، 5 – ايدىڭ 23 – كۇنى حۋبەي ولكەسى شياۋگان قالالىق ورتا دارەجەلى حالىق سوتى، شاندۇڭ ولكەسى ۋەيفاڭ قالالىق ورتا دارەجەلى حالىق سوتى، حىنان ولكەسى انياڭ قالالىق ورتا دارەجەلى حالىق سوتى جەكە – جەكە ازامات جاسىنا تولماعاندارعا باسقىنشىلىق جاساۋ قىلمىسىن وتكىزگەن ني دۋچۇن، ۋاڭ شياۋشان، سۇن باۋچاڭدارعا زاڭ بويىنشا ءولىم جازاسىن اتقاردى.
ەڭ جوعارى حالىق سوتى مەكەمەسىنىڭ قىلمىستىق ىستەر 1 – سوتىنىڭ جاۋاپتىسى مىنانى اتاپ كورسەتتى: ازامات جاسىنا تولماعاندار — مەملەكەتتىڭ بولاشاعى، ۇلتتىڭ ءۇمىتى، ايرىقشا ءمان بەرىپ، الدىمەن قورعاۋ كەرەك. حالىق سوتى ەجەلدەن بەرى ازامات جاسىنا تولماعانداردىڭ ادامدىق ۇقىق – مۇددەسىن قورعاۋعا وسكەلەڭ ءمان بەرىپ كەلەدى، ازامات جاسىنا تولماعانداردىڭ ۇقىق – مۇددەسىنە سۇعاناقتىق جاساعان ءتۇرلى قىلمىستىق ارەكەتتەرگە زاڭ بويىنشا قاتاڭ سوققى بەرىپ، ازامات جاسىنا تولماعانداردىڭ دەنساۋلىعىنىڭ اقاۋسىزدىعىنا زيان جەتكىزگەن، زاڭ مەن ءمورالدىڭ تومەنگى شەگىنە اۋىر دارەجەدە سوقتىققان جىنىستىق سۇعاناقتىق جاساعان قىلمىستىلاردى باستان – اياق زاڭ بويىنشا قاتاڭ جازالاپ، ءبىر جاقتى ەتۋگە تاباندى بولىپ، قىلمىس وتكىزۋ بارىسى ورەسكەل سوراقى بولعان، قىلمىستىق ارەكەتى ەرەكشە اۋىر بولعان از سانداعى قىلمىستىق ەلەمەنتتەردى زاڭ بويىنشا ءولىم جازاسىنا ۇكىم ەتۋگە تاباندى بولىپ، ولارعا ەشقاشان راقىم ەتپەيدى.
ءۇش قىلمىسكەردى زاڭ بويىنشا ءولىم جازاسىنا ۇكىم ەتۋ، حالىق سوتىنىڭ ازامات جاسىنا تولماعاندارعا جىنىستىق سۇعاناقتىق جاساۋ قىلمىسىنا زاڭ بويىنشا قاتاڭ جازا قولداناتىن ايقىن مايدانىن ايگىلەۋمەن بىرگە، بارشا ازامات جاسىنا تولماعاندارعا ءوزىن – ءوزى قورعاۋ تانىمىن كۇشەيتۋدى ەسكەرتتى، اتا – انالارعا، مەكتەپتەرگە جانە قوعامداعىلارعا ازامات جاسىنا تولماعاندارعا زاڭمەن جونگە سالۋ جونىندە ءتالىم – تاربيە بەرۋدى، جىنىستىق جاقتان ءتالىم – تاربيە بەرۋدى جانە ينتەرنەتتەن پايدالانۋ ارەكەتىنە جەتەكشىلىك ەتۋدى، باقىلاۋ جۇرگىزۋدى، ازامات جاسىنا تولماعانداردى ينتەرنەت ارقىلى جۇرگىزىلگەن زاڭعا قايشى ارەكەتتەردىڭ زالالىنا ۇشىراپ قالۋدان قورعاۋدى ەسكەرتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
