ەڭ جوعارى حالىق سوت مەكەمەسى ءادىليالىق تولەم تالاپ ەتۋدىڭ كۇشكە يە ۋاقىتى جونىندە ءادىليالىق تۇسىندىرمە شىعاردى
2023.05.25 14:27 كەلۋ قاينارى : حالىق تورابى
ەڭ جوعارى حالىق سوت مەكەمەسى 5 – ايدىڭ 24 – كۇنى «ەڭ جوعارى حالىق سوت مەكەمەسىنىڭ ءادىليالىق تولەم دەلولارىن قاراۋدا ءوتىنىش ەتۋدىڭ كۇشكە يە ۋاقىتى ءتۇزىمىن قولدانۋ جونىندەگى ءبىرقانشا ماسەلە تۋرالى تۇسىندىرمەسىن» (تومەندە قىسقارتىلىپ «ءوتىنىش ەتۋدىڭ كۇشكە يە ۋاقىتى جونىندەگى تۇسىندىرمە» دەلىنەدى) جاريالادى ، بۇل تۇسىندىرمە 2023 ـ جىلى 6 – ايدىڭ 1 - كۇنىنەن باستاپ اتقارىلادى.
تانىستىرۋعا قاراعاندا، «جۇڭحۋا حالىق رەسپۋبليكاسىنىڭ مەملەكەت تولەمى زاڭى» 1995 - جىلى 1- ايدىڭ 1 - كۇنىنەن باستاپ اتقارىلعان. بۇل زاڭنىڭ كۇشكە يە ۋاقىتتى تالاپ ەتۋ ءتۇزىمى جونىندەگى بەلگىلەمەسى ءبىرشاما پرينسيپتى بولىپ، اماليات بارىسىندا ءوتىنىش ەتۋدىڭ كۇشكە يە ۋاقىتىنىڭ سيپاتى، باستاپ ەسەپتەۋ، سيتاتقا الۋ سياقتى ماسەلەلەر جونىندە ۇقساماعان تانىمدار ءومىر ءسۇرىپ وتىر. مەملەكەت تولەمىنە سوت جۇرگىزۋ قىزمەتىنىڭ ۇزدىكسىز دامۋىنا بايلانىستى، نازاريالىق زەرتتەۋ مەن سوت جۇرگىزۋ امالياتى بارعان سايىن بايىپ، ءوتىنىش ەتۋدىڭ كۇشكە يە ۋاقىتىنا قاتىستى ماسەلەلەر بىرتىندەپ ورتاق تانىمعا كەلدى. سونىمەن بىرگە، «جۇڭحۋا حالىق رەسپۋبليكاسىنىڭ ازاماتتىق زاڭناماسى» مەن قاتىستى ءادىليالىق تۇسىندىرمەلەردىڭ ارىز - شاعىم بەرۋدىڭ كۇشكە يە ۋاقىتى ءتۇزىمىن كەمەلدەندىرۋى جانە ناقتىلاندىرۋى ءۇتىنىش ەتۋدىڭ كۇشكە يە ۋاقىتى ءتۇزىمىن ۇلگى ەتۋگە بولاتىن ورتاق ەرەجە جانە زاڭ شىعارۋ تاجىريبەسىمەن قامدادى. تولەم تالاپ ەتۋشىنىڭ زاڭدى ۇقىق － مۇددەسىن تولىق قامتاماسىزداندىرىپ، ءۇتىنىش ەتۋدىڭ كۇشكە يە ۋاقىتى جونىندەگى بەلگىلەمەنى ءتۇسىنۋ مەن قولدانۋدى بىرلىككە كەلتىرۋ ءۇشىن، ەڭ جوعارى حالىق سوت مەكەمەسى «جۇڭحۋا حالىق رەسپۋبليكاسىنىڭ مەملەكەت تولەمى زاڭىنداعى» بەلگىلەمەلەرگە نەگىزدەلىپ، ءادىليالىق تولەم بەرۋ سوت قىزمەتىنىڭ امالياتىمەن بىرلەستىرىپ، «ءوتىنىش ەتۋدىڭ كۇشكە يە ۋاقىتى جونىندەگى تۇسىندىرمەنى» جاسادى.
«ءوتىنىش ەتۋدىڭ كۇشكە يە ۋاقىتى جونىندەگى تۇسىندىرمە» جيىنى 13 تارماقتان قۇرالعان، ونىڭ باستى مازمۇنى قىلمىستىق ىستەر تولەمىن الۋ ءوتىنىشىنىڭ كۇشكە يە ۋاقىتىن ەسەپتەۋ ەرەجەسى، بەي قىلمىستىق ىستەر ءادىليالىق تولەم ءوتىنىشىنىڭ كۇشكە يە ۋاقىتىن ەسەپتەۋ ەرەجەسى، ءوتىنىش ەتۋدىڭ كۇشكە يە ۋاقىتىن شىعارىپ تاستاۋ ەرەجەسى، ءوتىنىش ەتۋدىڭ كۇشكە يە ۋاقىتىنىڭ توقتاۋى، ءوتىنىش ەتۋدىڭ كۇشكە يە ۋاقىتىنىڭ تولۋى قاتارلى مازمۇنداردى قامتيدى. جوعارىدا ايتىلعان تارماقتار ءادىليالىق تولەمنىڭ ءىس جۇزىندىگىن تياناق ەتىپ، تولەم تالاپ ەتۋشىنىڭ تولەم تالاپ ەتكەن كەزدە فاكت جاعىنداعى كەدەرگى مەن زاڭدىق كەدەرگىنىڭ بار - جوقتىعىن تولىق ويلاستىرىپ، ءوتىنىش ەتۋدىڭ كۇشكە يە ۋاقىتىن ۇيلەسىمدى بەلگىلەيدى، سونداي - اق حالىق سوت مەكەمەسى تولەم كوللەگياسىنىڭ مەملەكەت تولەم بەرۋ دەلوسىن قاراعاندا ىرىقتى تۇردە تالاپ ەتۋدىڭ كۇشكە يە ۋاقىتىن قولدانۋىنا بولمايتىندىعىن ايقىندايدى، كەيبىر تالاس – تارتىس ءومىر ءسۇرىپ وتىرعان زاڭ قولدانۋداعى قيىن ماسەلەلەردى شەشىپ، ”ادىلدىك پەن ونىمدىلىك“ شىن مانىندە تياناقتانادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
