شينجياڭدا 23 ميلليون مۋدان استام جەرگە جازدىق استىق داقىلدارى ەگىلدى
سايكەس مەزگىلدەگىدەن 3 ميلليون مۋدان استام مولايىپ، نىسانا - مىندەت اسىرا ورىندالدى
2023.05.25 16:48 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 5 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسىنىڭ 5 - ايدىڭ 23 - كۇنى اشقان ”شينجياڭنىڭ جوعارى ساپالى دامۋدى ىلگەرىلەتۋى“ جەلىلەس تاقىرىپتىق اقپار جاريالاۋ ماجىلىسىنەن ۇعىسۋىمىزشا، بيىل تۇتاس رايوندا كوكتەمگى ەگىس ءوندىرىسىنىڭ اياق الىسى بىلتىرعى سول تۇستاعىمەن سالىستىرعاندا جالپى جاقتان تەز بولعان. قازىرگە دەيىن تۇتاس رايوندا 23 ميلليون مۋدان استام جەرگە جازدىق استىق داقىلدارى ەگىلىپ، سايكەس مەزگىلدەگىدەن 3 ميلليون مۋدان استام مولايىپ، جازدىق استىق داقىلدارىن ەگۋ نىسانا - مىندەتىنىڭ ورىندالۋى ％5. 104 بولىپ، تۇتاس جىلدا استىقتان تاعى دا مول ءونىم الۋعا بەرىك نەگىز قالاعان.
بيىل تۇتاس رايون مەملەكەتتىڭ جاڭا ءبىر كەزەكتى 100 ميلليارد جىڭ استىق ءوندىرىس قۋاتىن جوعارىلاتۋ ارەكەتىن مىقتاپ ارقاۋ ەتە وتىرىپ، ”رايون ىشىندە ىركىندى قالۋ، مەملەكەتتى قامداۋ“ سىندى استىق قىزمەتى باعىتىن دايەكتىلەندىرىپ، تياناقتاندىرىپ، شينجياڭنىڭ بايلىق ارتىقشىلىعى مەن ءوندىرىس باسىمدىعىن ساۋلەلەندىرىپ، استىق ءوندىرىسى ورنالاسىمىن جانە ەگىمشىلىك قۇرىلىمىن ءبىر تۇتاس جوسپارلاپ، ساپالىلاندىرىپ، استىق ءوندىرىس قۋاتىن جوعارىلاتۋ ارەكەتىن جانە جۇگەرىنى ءتۇيىن ەتكەن استىقتىڭ بىرلىك ءونىمىن جوعارىلاتۋ ينجەنەرياسىن اتقارىپ، استىق جالپىلىق ءوندىرىس قۋاتىن ۇزدىكسىز جوعارىلاتتى.
كوكتەمگى ەگىس دايىندىعى باستالعاننان بەرى تۇتاس رايون ءتۇرلى قىزمەتتەردى تىڭعىلىقتى ىلگەرىلەتىپ، ەگىس مەزگىلىن مىقتى يگەرىپ، كوكتەمگى ەگىس اياق الىسىن جەدەلدەتىپ، اۋىل شارۋاشىلىعىندا سۋارۋعا پايدالانىلاتىن سۋدى عىلمي رەتتەپ، قامتاماسىز ەتىپ، جالعان، جارامسىز اۋىل شارۋاشىلىعى ماتەريالدارىنا سوققى بەرۋدى، اۋىل شارۋاشىلىعى ماشينالارىن سەپتەۋدى، تەكسەرىپ رەمونتتاۋدى جانە اتىز باسقارۋ قىزمەتتەرىن كۇشەيتتى. تۇتاس رايون ەگىستىك جەردىڭ قۇنارلىلىعىن قورعاۋ قوسىمشا قاراجاتى مەن ناقتى استىق ەككەن شارۋالارعا ءبىر رەتتە بەرىلەتىن قوسىمشا قاراجات قارجىسىن تۇگەلدەي ءبيداي ەگۋ قوسىمشا قاراجاتىنا قولداۋ كورسەتۋگە پايدالانىپ، شارۋالاردىڭ استىق ەگۋدەن كىرەتىن پايداسىن قامتاماسىز ەتىپ، شارۋالاردىڭ استىق ەگۋ بەلسەندىلىگىن جۇمىلدىردى. سونىمەن ءبىر ۋاقىتتا استىق وندىرىسىندە ”توننا دارەجەلى استىق اتىزىن قۇرۋدان“، ”مۋ باسىندىق جىلدىق ءونىم مولشەرىن 1500 كيلوگرامنان اسىرۋدان“ ۇلگى كورسەتۋدى ورىستەتىپ، اۆتونوميالى رايوننىڭ استىق ءوندىرىس قۋاتىن جوعارىلاتۋ ماماندار قىزمەت وتەۋ ۇجىمىن قۇرىپ، باعىتتامالى كوتەرمەگە الىپ استىق ءوندىرىسىنىڭ جالپى بارىسىنا تەحنيكالىق قىزمەت وتەۋدى، جەتەكشىلىك ەتۋدى ويداعىداي ىستەدى.
قازىر سولتۇستىك شينجياڭنىڭ باسىم كوپ ساندى جەرلەرىندە دۇمبە ءبيداي باس جارۋ مەزگىلىنە ءوتتى، وڭتۇستىك شينجياڭنىڭ باسىم كوپ ساندى جەرلەرىندە دۇمبە ءبيداي ءدان الۋ مەزگىلىنە ءوتىپ، ءوسۋ جاعدايى تۇگەلدەي وتكەن جىلداعىدان جاقسى بولدى. تۇتاس رايوندا استىق داقىلدارى ەگىلگەن جالپى جەر اۋدانى 38 ميلليون مۋدان اسىپ، تۇتاس جىلداعى جازدىق استىق ءوندىرىسى مىندەتىن اسىرا ورىندادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
