جۇڭگو − شاڭحاي سەلبەستىك ۇيىمى سيفرلى تەحنيكا سەلبەستىگىن دامىتۋ تالقى مىنبەرى قارامايلىدا اشىلدى
2023.05.25 16:49 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى گو ليڭ 5 - ايدىڭ 23 - كۇنى قارامايلىدان حابارلايدى. 5 - ايدىڭ 23 - كۇنى جۇڭگو − شاڭحاي سەلبەستىك ۇيىمى سيفرلى تەحنيكا سەلبەستىگىن دامىتۋ تالقى مىنبەرى قارامايلى قالاسىندا اشىلدى، شاڭحاي سەلبەستىك ۇيىمىنا مۇشە ەلدەردەن كەلگەن سيلى قوناقتار، كاسىپ سالاسىنداعى مامان - وقىمىستىلار، كاسىپورىنشىلار ۋاكىلدەرى سياقتىلار سيفرلى تەحنيكا سەلبەستىگىن دامىتۋ جونىندە ىشكەرىلەي پىكىر اۋىستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ءيۇسۇپجان مامەت تالقى مىنبەرىنە قاتىناستى ءارى ءسوز سويلەدى.
ءيۇسۇپجان مامەت ارناۋ سوزىندە اۆتونوميالى رايوندىق پارتكوم مەن ۇكىمەت اتىنان قيمىلعا قاتىناسقان سيلى قوناقتاردى قارسى الاتىندىعىن ءبىلدىردى. ول بىلاي دەدى: شينجياڭ شاڭحاي سەلبەستىك ۇيىمىنا مۇشە ەلدەردىڭ كوبىمەن ىرگەلەس، شاڭحاي سەلبەستىك ۇيىمىنا مۇشە ەلدەردى بايلانىستىراتىن ماڭىزدى توراپ. شينجياڭ سيفرلى جىبەك جولى قۇرىلىسىنا باسا ءمان بەرەدى، بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىنە تاباندى بولىپ، بايلانىستى جانە سەلبەستىكتى ۇزدىكسىز تەرەڭدەتىپ، سيفرلى تەحنيكانىڭ قولداۋى ارقىلى اناعۇرلىم تىعىز شاڭحاي سەلبەستىك ۇيىمى تاعدىرلاس ورتاق تۇلعاسىن قۇرۋدى ىلگەرىلەتۋگە بەلسەندىلىكپەن شينجياڭنىڭ كۇش - قۋاتىن قوسادى.
شاڭحاي سەلبەستىك ۇيىمىنىڭ ورىنباسار باس حاتشىسى سوحايىل حان مىنانى ءبىلدىردى. ەجەلدەن بەرى شاڭحاي سەلبەستىك ۇيىمىنىڭ حاتشىلار باسقارماسى شاڭحاي سەلبەستىك ۇيىمىنا مۇشە ەلدەر اراسىنداعى ساياسي ءوزارا سەنىمدىلىكتى، ەكونوميكالىق سەلبەستىكتى جانە مادەنيەت اۋىس - كۇيىسىن جەبەۋدە ماڭىزدى ۇلەس قوسىپ كەلدى، جۇڭگو − شاڭحاي سەلبەستىك ۇيىمى ۇلكەن ساندى مالىمەت سەلبەستىك ورتالىعىنىڭ قۇرىلۋى سەلبەستىك ساپاسىنىڭ جوعارىلاعاندىعىن اڭعارتادى.
ونەركاسىپ جانە ينفورماتسيالاندىرۋ مينيسترلىگىنىڭ ورىنباسار مينيسترى جاڭ يۇنميڭ مىنانى ءبىلدىردى: ينفورماتسيالاندىرۋدىڭ تولقىنى ۇزدىكسىز كۇشەيىپ، سيفرلى تەحنيكا كۇن سايىن جاڭالانىپ، شاڭحاي سەلبەستىك ۇيىمى ەلەۋلى وراي جانە نۇرلى بولاشاققا ءدوپ كەلۋدە. مۇشە ەلدەردىڭ سيفرلى دامۋدىڭ داۋىرلىك ورايىن بىرگە يگەرىپ، شاڭحاي سەلبەستىك ۇيىمىنىڭ رولىن تولىق ساۋلەلەندىرىپ، سيفرلى تەحنيكا سالاسىندا سەلبەستىكتىڭ اناعۇرلىم شۇعىلالى جاڭا تاراۋىن جازۋىن ۇسىنىس ەتەمىن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
