جۇڭگو (شينجياڭ) − قىرعىزستان جەرگىلىكتى ورىندار ارا كاسىپورىنشىلار سەلبەستىگىن ۇلاستىرۋ ءماجىلىسى ۇرىمجىدە وتكىزىلدى
2023.05.25 16:47 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جىڭ جو 5 - ايدىڭ 23 - كۇنى ۇرىمجىدەن حابارلايدى. جۇڭگو − ورتا ازيا باسشىلار ءماجىلىسىنىڭ جەتىستىكتەرىن اناعۇرلىم تياناقتاندىرىپ، جۇڭگونىڭ شينجياڭى مەن قىرعىزستاننىڭ ءار سالاداعى اۋىس - كۇيىسىن، سەلبەستىگىن تەرەڭدەتۋ ءۇشىن، 5 - ايدىڭ 23 - كۇنى جۇڭگو (شينجياڭ) − قىرعىزستان جەرگىلىكتى ورىندار ارا كاسىپورىنشىلار سەلبەستىگىن ۇلاستىرۋ ءماجىلىسى ۇرىمجىدە وتكىزىلدى. قىرعىزستاننىڭ ورىنباسار زۇڭليى توروبايەۆ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز قاتىناستى ءارى ارناۋ ءسوز سويلەدى.
ەركىن تۇنياز اۆتونوميالى رايوندىق پارتكوم مەن ۇكىمەت اتىنان قىرعىزستاننىڭ ورىنباسار زۇڭليى توروبايەۆ باستاعان ۇكىمەت ادامدارىنىڭ، كاسىپورىنشىلاردىڭ جانە ولاردىڭ ساپارلاستارىنىڭ شينجياڭعا ساپارلاي كەلگەندىگىن قارسى الدى. ول بىلاي دەدى: وتكەن اپتادا وتكىزىلگەن جۇڭگو − ورتا ازيا باسشىلار ماجىلىسىندە جۇڭگو مەن قىرعىزستان ەكى ەل جاڭا داۋىردەگى جان - جاقتى ستراتەگيالىق سەرىكتەرگە اينالىپ، ەكى جاقتىڭ قارىم - قاتىناسى تاعى دا تىڭ بەلەسكە كوتەرىلىپ، اناعۇرلىم بەرىك جۇڭگو − ورتا ازيا تاعدىرلاس ورتاق تۇلعاسىن قۇرۋدىڭ تىڭ تاراۋىن جازدى. ءبىز وسى جولعى كاسىپورىنشىلار سەلبەستىگىن ۇلاستىرۋ ءماجىلىسىن وراي ەتىپ، باس شۋجي شي جينپيڭ مەن جاپاروۆ زۇڭتۇڭنىڭ جۇڭگو − ورتا ازيا باسشىلار ماجىلىسىندە كەلىسكەن ماڭىزدى ورتاق تانىمىن مۇقيات تياناقتاندىرىپ، جۇڭگو شينجياڭ دوستىق اۋىس - كۇيىس ساپارلاۋ ۇيىرمەسىنىڭ قىرعىزستانمەن كەلىسكەن سەلبەستىك نيەتىن ناقتاپ تياناقتاندىرۋدى ۇزدىكسىز ىلگەرىلەتىپ، شينجياڭنىڭ قىرعىزستاننىڭ جەرگىلىكتى ورىندارىمەن اۋىس - كۇيىسىن، بارىس - كەلىسىن ۇزدىكسىز كەڭەيتەمىز.
توروبايەۆ قىرعىزستاننىڭ ساۋدا - ساتتىق، اۋىل شارۋاشىلىعى، سيفرلى حابارلاسۋ سياقتى سالالارىنىڭ قارجى قوسۋ كومەسكى كۇشى مەن باسىمدىعىن تانىستىردى. ول مىنالاردى ءبىلدىردى: جۇڭگو − قىرعىزستاننىڭ ساۋدا، ەكونوميكا، قارجى قوسۋ سالاسىنداعى ماڭىزدى جانە ەڭ ۇلكەن سەلبەستىك سەرىگى، 400 نەشە جۇڭگو كاسىپورنى مەن بىرلەسىپ قارجى قوسقان كاسىپورىن قىرعىزستاننىڭ ءارقايسى كاسىپ سالاسىندا ءساتتى جۇمىس جۇرگىزۋدە، جۇڭگو كاسىپورىندارىنىڭ ات سالىسۋىندا كوپتەگەن كەلەلى نىساندار جەرگىلىكتى ورىندا ءساتتى اتقارىلدى. بۇگىن مەملەكەتتەر ارا قارىم - قاتىناس جۇلگەسىندە ءوزارا تيىمدىلىك جاساپ، ءوزارا پايدا جەتكىزۋدى جانە ەكونوميكالىق سەلبەستىكتى كەڭەيتۋ ايرىقشا ماڭىزدى، وسى جولعى اۋىس - كۇيىستىڭ ءار سالاداعى سەلبەستىكتى تەرەڭدەتۋدى اناعۇرلىم ىلگەرىلەتەتىندىگىنە سەنەمىن.
ۇلاستىرۋ ماجىلىسىندە ەكى جاقتىڭ قاتىستى تاراۋلارى سىرتقى ساۋدا، قاتىناس - تاسىمال، ەنەرگيا، اۋىل شارۋاشىلىعى سياقتى سالالارىن ءوزارا تانىستىرىپ، ەكى جاقتىڭ كاسىپورىنشىلارى بولاشاقتاعى سەلبەستىك جونىندە ىشكەرىلەي پىكىر اۋىستىردى.
سۇن حۇڭمەي ۇلاستىرۋ ماجىلىسىنە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
