”قىزىل جۇلدىز نۇر شاشادى، بالدىرعاندار جۇرەگى پارتيا دەپ سوعادى“ اتىنداعى اۆتونوميالى رايوننىڭ 2023 - جىلعى ”1 - ماۋسىم“ ساۋىق كەشى ءتۇسىرىلىپ بولدى
2023.05.26 14:50 كەلۋ قاينارى : شينجياڭ گازەتى
انار بۇلت \شينجياڭ گازەتىنىڭ ءتىلشىسى لي لي 5 - ايدىڭ 24 - كۇنى ۇرىمجىدەن حابارلايدى. ”قىزىل جۇلدىز نۇر شاشادى، بالدىرعاندار جۇرەگى پارتيا دەپ سوعادى“ اتىنداعى اۆتونوميالى رايوننىڭ 2023 - جىلعى ”1 - ماۋسىم“ حالىقارالىق بالالار مەرەكەسى نەگىزگى تاقىرىپتىق ساۋىق كەشى ءتۇسىرىلىپ بولدى، 5 - ايدىڭ 31 - كۇنىنەن باستاپ شينجياڭ راديو - تەلەۆيزيا ستانسياسىنىڭ بالالار ارناسى، شينجياڭ جاساندى سەرىك تەلە ارناسى، تۇرمىس - ەكونوميكا ارناسى، شينحۋا سايتى، ورتالىق تەلەۆيزياسى سايتى، ۇيرەنۋدە قۋاتتى ەل، انار بۇلت سياقتى تۇعىرلاردا جانە بۇكىل شينجياڭداعى اۋدان دارەجەلى 100گە تاياۋ توعىسپالى مەديادا تاراتىلادى.
شاتتىق، بالالىق جانە بالا كوڭىلى، جۇرت كوڭىلىن جادىراتۋ، جىگەرلەندىرۋ نەگىزگى اۋەن ەتىلگەن وسى رەتكى ساۋىق كەش بەتاشار «جەلكەن جايا جولعا شىعۋ»، 1 - تاراۋ «ۇرپاقتان - ۇرپاققا ۇلاستىرۋ»، 2 - تاراۋ «ونەگە كورسەتىپ ادام تاربيەلەۋ»، 3 - تاراۋ «بار ىقىلاسىمەن بىلىمگە قۇمارتۋ»، 4 - تاراۋ «بارىن سالا كۇرەس جۇرگىزۋ»، 5 - تاراۋ «ۇلى ماقساتقا ۇمتىلۋ»، سوڭعى لەبىز «توقتاۋسىز كۇرەس جۇرگىزۋ» سىندى 7 بولىككە بولىنگەن.
پارتيا تاريحى حيكاياسى كورىنىستى باياندالعان «سەنىمنىڭ كۇشى»، تىزبەكتى تەاتر «بالعىن اۋەن تەاترى»، انمەن سۇيەمەلدەنگەن ءبي «جۇلدىزعا قول سوزعان شەشە»، كولەمدى ايداعار - ارىستان ويىنى «ايداعار - ارىستان ويناتقان ورەن» ... جالپى ساۋىق كەشتەگى كونسەرت نومىرلەرىنىڭ فورماسى مول ءارى الۋان ءتۇرلى بولدى، سونداي - اق ۇلكەن ەكراندا ”جاڭا داۋىردەگى ونەگەلى ورەن“ يلمينۇر ءومىرابلانىڭ عارىش ارمانىن قۋىپ، ياڭ ليۋي، ۋاڭ ياپيڭدەرمەن سويلەسكەندەگى كورىنىستەرى جانە حالىقارالىق جارىستا وتانعا داڭق اپەرگەن فۋتبولشى بالا قاتارلى شينجياڭ ورەندەرىنىڭ حيكايالارى كورسەتىلدى.
”تۇتاس ساۋىق كەشتە قىزىل بەس جۇلدىز ەلەمەنتى ارقاۋ ەتىلگەن، ءار تاراۋى كورىنىس ءتاسىلى ارقىلى تىزبەكتەي جالعانعان، ءان - ءبي، مۋزيكالى قىسقا تەاتر، مانەرلەپ وقۋ سياقتى كوپ ءتۇرلى ادەبيەت - كوركەمونەر فورماسى توعىسقان، ءتول جاسامپازدىق نومىرلەرىنىڭ سالىستىرماسى ％90 بولدى. مۇنان سىرت، ءداستۇرلى مادەنيەت، دەنە تاربيە، عىلىم - تەحنيكا، ورتانى قورعاۋ، ەڭبەك سياقتى تاقىرىپتاردى ىسكە قوسۋ كۇشەيتىلگەن، شينجياڭداعى ءار ۇلت بالدىرعاندارىنىڭ احىلاق، اقىل - وي، دەنە، ەستەتيكا، ەڭبەك جاقتارىندا جان - جاقتى جەتىلۋدەگى ونىمدىلىگى مەن ناتيجەسى ايگىلەنگەن، ءار ۇلت بالدىرعاندارىنىڭ قىزىل قان تامىردى جالعاستىرۋ، اسىل قاسيەت ورناتۋ، دەنە تاربيە رۋحىن اسقاقتاتۋ، عىلىم - تەحنيكا ارمانىنا جەتۋ، مەملەكەتتى قۇدىرەتتەندىرەتىن جەتكىنشەك بولۋ جولىندا جاڭا داۋىردە اسقاق بەينەدە ەكپىندەي ىلگەرىلەگەن رۋحاني بەينەسى بەينەلەنگەن“، - دەپ تانىستىردى ساۋىق كەشتىڭ اتقارۋشى رەجيسسەرى چين رۋ.
وسى رەتكى ساۋىق كەشتى اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق پارتكوم وقۋ - اعارتۋ قىزمەت كوميتەتى، اۆتونوميالى رايوندىق وقۋ - اعارتۋ مەڭگەرمەسى، اۆتونوميالى رايوندىق وداق كوميتەتى، اۆتونوميالى رايوندىق ايەلدەر بىرلەستىگى، اۆتونوميالى رايوندىق ۇرپاقتارعا كوڭىل ءبولۋ قىزمەت كوميتەتى، شينجياڭ راديو - تەلەۆيزيا ستانسياسى ۇيىمداستىرعان، شينجياڭ راديو - تەلەۆيزيا ستانسياسى حالىق تۇرمىسى جانە شارۋالار باعدارلاماسى ورتالىعى، بالالار باعدارلاماسى ورتالىعى مىندەتىنە الىپ وتكىزگەن.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
