اۆتونوميالى رايون ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ ارناۋلى تاقىرىپتىق ءماجىلىسىن اشتى
بيڭتۋان مەن جەرگىلىكتى ورىننىڭ بىرلەسىپ ارەكەتتەنۋىن كۇشەيتىپ، لاستانۋدان ساقتانۋدا جانە ونى وڭاۋدا ونىمدىلىككە قول جەتكىزۋگە شىنايى كەپىلدىك ەتۋ كەرەك
2023.05.26 14:44 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 24 - كۇنى ۇرىمجىدەن حابارلايدى. 5 - ايدىڭ 23 - كۇنى اۆتونوميالى رايون ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ ارناۋلى تاقىرىپتىق ءماجىلىسىن اشىپ، شي جينپيڭنىڭ ەكولوگيالىق وركەنيەت يدەياسىن ىشكەرىلەي ۇيرەندى، دايەكتىلەندىردى، اۆتونوميالى رايوندىق 10 - كەزەكتى پارتكومنىڭ ءۇشىنشى، بەسىنشى،التىنشى، جەتىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوننىڭ شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنىڭ قىزمەت تالابىن دايەكتىلەندىرىپ، تياناقتاندىرىپ، بيڭتۋان 6 - شى ۋجياچۇي قالاسىنىڭ، بيڭتۋان 8 - شى شىحىزى قالاسىنىڭ قىزمەت جاعدايىنان بەرگەن مالىمەتىن تىڭداپ، ۋجياچۇي قالاسىنىڭ، شىحىزى قالاسىنىڭ ءتۇيىندى كاسىپورىندارىنىڭ ”ءبىر كاسىپورىنعا ءبىر شارا“ بويىنشا لاستانۋدى وڭاۋ جوباسىن قاراپ، ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ شارالارىنداعى تالاپتاردى ەگجەي - تەگجەيلى، ناقتى تياناقتاندىرۋدى اقىلداستى جانە ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، قازىنا - ەكونوميكا كەڭسەسىنىڭ مەڭگەرۋشىسى جاڭ چۇنلين ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ قىزمەتى − جۇيەلى ينجەنەريا، ءسوزسىز، ءبىر تۇتاس جۇيە يدەياسىن بەرىك ورناتىپ، بيڭتۋان مەن جەرگىلىكتى ورىن بىرلەسىپ ارەكەتتەنۋگە، جوعارى مەن تومەن بىرلەسىپ ارەكەتتەنۋگە، تاراۋلار سايكەسۋگە تاباندى بولىپ، قىزمەت بىرىككەن كۇشىن قالىپتاستىرىپ، لاستانۋدان ساقتانۋ جانە ونى وڭاۋ شارالارىن تياناقتاندىرۋدى جۇيەلى ىلگەرىلەتىپ، وڭاۋ قىزمەتىنىڭ تىڭعىلىقتى ناتيجەگە قول جەتكىزۋىنە شىنايى كەپىلدىك ەتۋ كەرەك.
ءماجىلىس مىنالاردى تالاپ ەتتى: ءارقايسى قاتىستى ايماقتار (وبلىس، قالا)، بيڭتۋاننىڭ ءارقايسى قاتىستى شىلارى (قالا)، ءارقايسى قاتىستى تاراۋلار جانە ورىندار ساياسي دەڭگەيدى جوعارىلاتىپ، نەگىزگى تاقىرىپتىق تاربيەنى تىڭعىلىقتى ورىستەتۋدى وراي ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيانى بارىنشا ازات ەتۋدى، قابىلەتتى بارىنشا جوعارىلاتۋدى، ستيلگە بارىنشا بۇرىلىس جاساۋدى، قىزمەتتى بارىنشا تياناقتاندىرۋدى ىلگەرىلەتىپ، اتموسفەرانى لاستايتىن زاتتاردى شىعارۋ جالپى مولشەرى زور، وڭاۋ قيىندىعى جوعارى ونەركاسىپ كاسىپورىندارىنا ىشكەرىلەي بارىپ، كاسىپورىنداردىڭ لاستاۋشى زاتتاردىڭ شىعارىلۋىن ازايتۋ جوباسىن تياناقتاندىرۋىنا، ناقتى ماسەلەلەردى شەشۋىنە، ءوندىرىس تەحنولوگياسىن جاقسارتۋىنا، لاستاۋشى زاتتاردىڭ شىعارىلۋىن ازايتۋ شارالارىن كۇشەيتۋىنە جەتەكشىلىك ەتۋ، كومەكتەسۋ كەرەك. قىزمەت وي جەلىسىن ايقىنداپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىنا ىرىقتىلىقپەن توعىسىپ، لاستانۋدى دالمە - ءدال وڭاۋعا، عىلمي وڭاۋعا، زاڭ بويىنشا وڭاۋعا تاباندى بولىپ، لاستاۋشى زاتتاردىڭ شىعارىلۋ جالپى مولشەرىن ازايتۋ جانە اينالمالى پايدالانۋ نىساناسىن ارقاۋ ەتىپ، كۇكىرت قوس توتىعى، ازوتتى توتىقتار، VOCs، تۇيىرشىك زات سياقتى 4 ۇلكەن لاستاۋشى زاتتى ءجىتى قاداعالاپ، نازاردى ونەركاسىپ، كەن كاسىپورىندارى، بوس كومىر تۇتىنۋشىلار، قاتىناس - تاسىمال سىندى 3 ۇلكەن ءتۇيىندى لاستاۋ قاينارىنا شوعىرلاندىرىپ، ءتۇيىندى كاسىپورىنداردىڭ ”ءبىر كاسىپورىنعا ءبىر شارا“ سىندى لاستانۋدى وڭاۋ جوباسىن تياناقتاندىرىپ، لاستاۋ قاينارىن قاينارىنان ءۇزۋ جانە ازايتۋ كەرەك. بيڭتۋان مەن جەرگىلىكتى ورىن بىرگە اقىلداسۋ، بىرگە وڭاۋ، ينفورماتسيادان بىرگە يگىلىكتەنۋ، سەلبەسە بىرلەسىپ ارەكەتتەنۋ سياقتى قىزمەت مەحانيزمىن ورناتىپ، بيڭتۋان مەن جەرگىلىكتى ورىننىڭ ءبىر تۇتاس جوبا، ءبىر تۇتاس ساياسات، ءبىر تۇتاس ولشەم، ءبىر تۇتاس تالاپ، ءبىر تۇتاس ىلگەرىلەتۋ بويىنشا قورشاعان ورتانى قورعاۋدى سايكەسە وڭاۋ جۇيەسىن تياناقتاندىرىپ، وڭىرلىك اتموسفەرانىڭ لاستانۋىن باقىلاۋ - ولشەۋ، الدىن الا ساقتاندىرۋ جانە ساقتانۋ - وڭاۋ قابىلەتىن جوعارىلاتۋ كەرەك. ۇيىمدىق باسشىلىقتى كۇشەيتىپ، جاۋاپكەرشىلىك ارقالاۋدى كۇشەيتىپ، قىزمەت مەحانيزمىن كەمەلدەندىرىپ، تۇلعالىق جاۋاپكەرشىلىكتى قاتايتىپ، كاسىپورىنداردى لاستانۋدان ساقتانۋ جانە ونى وڭاۋ شارالارىن تياناقتاندىرۋدى جەدەلدەتۋگە قۋزاپ، ”ءۇرىمجى − سانجى − شىحىزى“ ءوڭىرى اتموسفەراسىنىڭ لاستانۋىنان ساقتانۋ جانە ونى وڭاۋ قىزمەتىنىڭ ناقتى ناتيجەگە قول جەتكىزۋىنە شىنايى كەپىلدىك ەتۋ كەرەك.
ۋاڭ گاڭ، ازەز مۇسا، ليۋ شينجيان قاتارلىلار ماجىلىسكە قاتىناستى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
