200 ميلليون يۋاننان اسادى! شينجياڭ بيىلعى ءبىرىنشى توپتاعى قۇرىلىس ارقىلى كومەكتەسۋ ينجەنەرياسىنىڭ قاراجاتىن تياناقتاندىردى
2023.05.31 14:12 كەلۋ قاينارى : حالىق تورابى
سۋرەتتە: G315 تاس جول لەنياسىنىڭ توپا قىستاعىنان تورعات وتكەلىنە دەيىنگى تاس جول قۇرىلىس نىسانىنىڭ (تومەندە قىسقارتىلىپ G315 نىسانى دەپ الىنادى) بايىنقۇرۇت 1 – ءنومىرلى تۋنەلىنىڭ قۇرىلىس ورنىندا جۇمىس باستاۋ سالتى 5 – ايدىڭ 9 – كۇنى وتكىزىلدى. شيە جى فوتوسى
بۇل توپتاعى قاراجات، باستىسى، ىلە قازاق اۆتونوميالى وبلىسى، تارباعاتاي ايماعى، التاي ايماعى، قۇمىل قالاسى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعى قاتارلى 8 جەردەگى 28 اۋدان، قالادا ءبىرىنشى توپتاعى اۋىل – قىستاقتاعى ورتاشا، شاعىن تيپتەگى الەۋمەتتىك يگىلىك سيپاتىنداعى نەگىزدىك قۇرىلعىلار قۇرىلىسىنا، كاسىپ سالاسىن دامىتۋ سايكەستى قۇرىلعىلار ينجەنەرياسىىنا قولداۋ كورسەتۋگە پايدالانىلادى.
نىسانداردى اتقارۋ ارقىلى مەجەمەن 65 ميلليون 300 مىڭ يۋان ەڭبەكاقى تاراتىلادى، جەرگىلىكتى ورىنداعى اۋىل – قىستاقتاعى بۇقارادان 3637 ادامدى جۇمىستانۋعا جەبەيدى.
قۇرىلىس ارقىلى كومەكتەسۋ دەگەنىمىز كومەككە يە بولعاندارعا تىكەلەي كومەك قاراجات بەرۋدىڭ ورنىنا، ولاردى ۇكىمەت قارجىلاندىرىپ سالاتىن نەگىزدىك قۇرىلعىلار ينجەنەرياسىنا قاتىناستىرىپ، قۇرىلىس جۇمىسىنا ات سالىستىرۋ ارقىلى ەڭبەكاقى بەرۋدى كورسەتەدى. قازىر شينجياڭدا قۇرىلىس ارقىلى كومەك بەرۋ قىزمەتىنىڭ ونىمدىلىگىن جان – جاقتى باعالاۋدا اتقارىلاتىن ءادىس جانە قۇرىلىس ارقىلى كومەك بەرۋ ساياساتىنىڭ رولىن تولىق ساۋلەلەندىرۋدە اتقارىلاتىن پىكىر قاتارلى ساياساتتىق قۇجاتتار باسىپ تاراتىلدى. 2022 – جىلى شينجياڭ بويىنشا ءبىر ميلليارد 413 ميلليون يۋان ءبولىنىپ، قۇرىلىس ارقىلى كومەكتەسەتىن 298 نىسان اتقارىلىپ، جيىنى 260 ميلليون يۋان ەڭبەكاقى تاراتىلىپ، 32 مىڭنان استام بۇقارانى جۇمىستانۋعا جەبەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
