ەلىمىز ءتورت جاقتان ورتا ازيا ەلدەرىمەن ەكونوميكا - ساۋدا سەلبەستىگىن ىلگەرىلەتەدى
2023.05.26 14:21 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 25 – كۇنى بەيجيڭنەن بەرگەن حابارى. ساۋدا مينيسترلىگىنىڭ اقپارات مالىمدەمەشىسى يۇي يۇيتيڭ 5 – ايدىڭ 25 – كۇنى بىلاي دەدى: تۇڭعىش كەزەكتى جۇڭگو ـ ورتا ازيا باسشىلار ءماجىلىسى ءبىرقىدىرۋ ماڭىزدى ەكونوميكا ـ ساۋدا جەتىستىكتەرىنە قول جەتكىزىپ، ءتورت جاقتان ورتا ازيا ەلدەرىمەن ەكونوميكا ـ ساۋدا سەلبەستىگىن ىلگەرىلەتەدى.
ول ساۋدا مينيسترلىگىنىڭ سول كۇنى وتكىزىلگەن كەزەكتى اقپار جاريالاۋ ماجىلىسىندە جوعارىداعى ءسوزدى ايتتى، ساۋدا مينيسترلىگى ورتا ازيا مەملەكەتتەرىنىڭ ەكونوميكا - ساۋداعا جاۋاپتى تاراۋلارىمەن جۇڭگو - ورتا ازيا ەكونوميكا - ساۋدا مينيسترلەرى جيىنى مەحانيزمىن ورناتتى، ونىڭ ۇستىنە ەكونوميكا - ساۋدا سەلبەستىگىن، سيفرلى ساۋدانى، نەگىزدىك جابدىق جانە ينجەنەريا قۇرىلىسى سەلبەستىگىن تەرەڭدەتۋ تۋراسىندا بولەك - بولەك فورمامەن ءۇش جاقتى سەلبەستىك قۇجاتىنا قول قويدى، بۇل تاراپتاردىڭ اناعۇرلىم تىعىز جۇڭگو ـ ورتا ازيا تاعدىرلاس ورتاق تۇلعاسىن قۇرۋ بەرىك بەكىمىن تولىق ايگىلەدى. ورتا ازيا ەلدەرىمەن ەكونوميكا - ساۋدا سەلبەستىگىن ىلگەرىلەتۋ جاعىندا، تومەندەگىدەي ءتۇيىندى جۇمىستار ىستەلەدى:
ءبىرىنشى ساۋدانىڭ جاڭا قالىبىنىڭ دامۋىن ىلگەرىلەتۋ. جۇڭگو ـ ورتا ازيا ەكونوميكا ـ ساۋدا مينيسترلەرى ءماجىلىسى مەحانيزمى سياقتى كوپ جاقتى، ەكى جاقتى سەلبەستىك مەحانيزمىنەن ۇزدىكسىز ويداعىداي پايدالانىپ، جۇڭگونىڭ ورتا ازيا ەلدەرىمەن ناقتى سەلبەستىگىنىڭ ساپاسىن بىردەي جوعارىلاتادى. كاسىپورىنداردىڭ ورتا ازيادا شەتەل قامباسىن قۇرۋىنا دەم بەرىپ، ورتا ازيا ەلدەرى كاسىپورىندارىنىڭ جۇڭگونىڭ ەلەكتروندىق ساۋدا تەكشەسىنە كىرۋىنە قولداۋ كورسەتىپ، ورتا ازياداعى ساپالى تاۋارلاردىڭ جۇڭگو بازارىنا كىرۋىن ىلگەرىلەتەدى.
ەكىنشى، جاڭالىق اشۋ ارقىلى دەم بەرۋدى ۇزدىكسىز جۇزەگە اسىرۋ. ورتا ازيا ەلدەرىمەن سيفرلى ساۋدانى ورىستەتىپ، ەرەجەنى ۇشتاستىرۋدى، ولشەمدى ءوزارا مويىنداۋدى جانە سيفرلى نەگىزدىك قۇرىلعىلاردى ۇلاستىرۋدى ىلگەرىلەتىپ، جاساندى زەردە، ءىرى ساندى مالىمەت، 5G سياقتى سالالارداعى دامۋ تاجىريبەلەرىنەن ورتاق يگىلىكتەنىپ، دامۋ اياق الىسىن جەدەلدەتىپ، سيفرلى ساۋدا سەلبەستىگىنىڭ جاڭا جاعدايىن بىرگە اشادى.
ءۇشىنشى، وڭىرلىك كاسىپ تىزبەگى مەن قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىزداندىرۋ. شەكارا اتتاعان نەگىزدىك قۇرىلعى قۇرىلىسىن ىلگەرىلەتىپ، مۇناي، تابيعي گاز سياقتى سالالارداعى سەلبەستىكتى كۇشەيتىپ، شەكارا اتتاعان قۇبىر جەلىسى قۇرىلىسىن ىلگەرىلەتەدى؛ اۋىل شارۋاشىلىعى سالاسىنداعى سەلبەستىكتى تەرەڭدەتىپ، ورتا ازيانىڭ ساپالى اۋىل شارۋاشىلىق ونىمدەرىن يمپورت ەتۋدى كەڭەيتەدى.
ءتورتىنشى، كوپ جاقتى جۇلگەدەگى سەلبەستىكتى كۇشەيتۋ. جۇڭگو ناعىز كوپ جاقتىلىقتى تاباندىلىقپەن امالياتتا ايگىلەپ، قازاقستانمەن، قىرعىزستانمەن، تاجىكستانمەن دۇنيە جۇزىلىك ساۋدا ۇيىمى جۇلگەسىندەگى سەلبەستىكتى كۇشەيتىپ، تۇركمەنستاننىڭ، وزبەكستاننىڭ دۇنيە جۇزىلىك ساۋدا ۇيىمىنا ەرتەرەك كىرۋىنە قولداۋ كورسەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
