ناشار اۋا رايىنىڭ اسەرىنەن موڭعۇليانىڭ شىعىس بولەگىندە قىرۋار مال ءولدى
2023.05.26 14:22 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 25 – كۇنى ۇلانباتىردان بەرگەن حابارى. جەرگىلىكتى اقپارات قۇرالدارىنىڭ 5 – ايدىڭ 25 – كۇنى بەرگەن حابارىنا قاراعاندا، موڭعۇليانىڭ شىعىس بولەگىندە 5 – ايدىڭ 19 - كۇنىنەن باستاپ كۇشتى قۇمدى بوران جانە قارلى بوران سوعىپ، 290 مىڭ باس مال ولگەن.
حابارعا قاراعاندا، موڭعۇليانىڭ شىعىسىنداعى سۋحباتىر ولكەسى مەن كەنت ولكەسىندە كوپتەگەن مالشىلار ءالى دە جوعالعان مالدارىنان ءۇمىتىن ۇزبەي جالعاستى ىزدەۋدە. بۇل ەكى كۇندە ولگەن مالدىڭ سانى تاعى دا ارتۋى مۇمكىن
سۋحباتىر ولكەلىك مال شارۋاشىلىق جانە مال شيپاگەرلىك مەكەمەسىنىڭ باستىعى ماۋلارچيمۋگى اقپارات قۇرالدارىنا اۋا رايى بىرتىندەپ جىلىنىپ كەلەدى، ەگەر ساحاراداعى مال ولىكتەرىن تەز ارادا شوعىرلى جويىپ، كومىپ تاستاماسا، مالدىڭ جۇقپالى اۋرۋلارى تارالۋى مۇمكىن، مال شارۋاشىلىق رايوندارى اۋىر قىسىمعا تاپ بولۋى مۇمكىن دەگەندى ءبىلدىردى. تانىستىرۋعا قاراعاندا، سۋحباتىر ولكەسىندە جاقىنعى بىرنەشە ايدا 446 مىڭ باس مال ولگەن.
5 – ايدىڭ 19 – كۇنى تاڭ سارىدەن باستاپ موڭعۇليانىڭ شىعىس بولەگىندە كۇشتى قۇمدى بوران جانە قارلى بوران سوعىپ، كەمىندە 2 ادام ولگەن، كوپتەگەن كيىز ٴۇي مەن قۇرىلىستار ويراندالعان.
بيىل كوكتەم كىرگەننەن بەرى موڭعۇليادا كوپ رەت كۇشتى قۇمدى بوران سوعىپ، بۇقارانىڭ قالىپتى ءوندىرىسى مەن تۇرمىسىنا ءبىرشاما زور ىقپال جاسادى جانە زيان جەتكىزدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
