بەلگىلەمەگە قايشىلىق جاساعان ”جەكە مەديالاردىڭ“ 92 مىڭنان استام تىركەلگىسىن ءبىر جاقتى ەتتى
2023.05.29 16:57 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 27 – كۇنى بەرگەن حابارى. ءتىلشىنىڭ 5 – ايدىڭ 27 – كۇنى ورتالىق كوميتەتتىڭ ينتەرنەت حاۋىپسىزدىگى جانە ينفورماتسيالاندىرۋ كوميتەتى كەڭسەسىنەن ۇعىسۋىنشا، ”پاكتەندىرۋ . ’جەكە مەديالارداعى‘ بىلىققان جاعدايلاردى قاتاڭ جونگە سالۋ“ ارناۋلى ارەكەتىنىڭ تالابىنا ساي، 3 – ايدىڭ 10 – كۇنىنەن باستاپ، ءار دارەجەلى ينتەرنەت ينفورماتسياسى تاراۋلارى بەلگىلەمەگە قايشىلىق جاساعان ءتۇرلى ”جەكە مەديا“ تىركەلگىلەرىن قاتاڭ تەكسەرىپ ءبىر جاقتى ەتكەن؛ ميكروبلوگ، تىڭشۇن، دوۋيىن، كۋايشوۋ قاتارلى ءتۇيىندى تەكشەلەر ينفورماتسيا مازمۇنىن باسقارۋداعى نەگىزگى تۇلعالىق جاۋاپكەرشىلىگىن بەلسەندىلىكپەن اتقارىپ، ”جەكە مەديالارداعى“ وسەك – اياڭ تاراتۋ، باسقالاردىڭ اتىن جامىلۋ، بەلگىلەمەگە قايشى پايدا تابۋ قاتارلى كورنەكتى ماسەلەلەردى زاڭ – تۇزىمگە ساي ءبىر جاقتى ەتكەن. 5 – ايدىڭ 22 – كۇنىنە دەيىن، ءتۇيىندى تەكشەلەر بەلگىلەمەگە قايشىلىق جاساعان ينفورماتسيالاردان جيىنى ءبىر ميلليون 410 مىڭ 900 دەن استام ينفورماتسيانى تازالاپ، بەلگىلەمەگە قايشى تىركەلگىلەردەن 927 مىڭ 600 دەن استام تىركەلگىنى ءبىر جاقتى ەتكەن، مۇندا 66 مىڭ 600 دەن استام تىركەلگىنى ماڭگىلىك جاپقان.
ۇعىسۋعا قاراعاندا، ارناۋلى ارەكەت بارىسىندا وسەك – اياڭ مەن زياندى ينفورماتسيالاردى جانە جالعان ينفورماتسيالاردى تاراتقان ”جەكە مەديالارعا“ قاتاڭ سوققى بەرىپ، ۇكىمەت قۇرىلىمدارىنىڭ، اقپارات قۇرالدارىنىڭ جانە بەلگىلى توپتاعى ادامداردىڭ اتىن جامىلعان ”جەكە مەديالاردى“ قاتاڭ تەكسەرىپ ءبىر جاقتى ەتكەن، قولامتالى ماسەلەلەردەن پايدالانىپ، ونى دابىرالاۋ ارقىلى كورىلىمگە يە بولاتىن جانە بەلگىلەمەگە قايشى تۇردە پايدا تاباتىن ”جەكە مەديالاردى“ جالپى بەتتىك جونگە سالىپ، كەزەڭدىك ونىمدىلىككە قول جەتكىزگەن.
كەلۋ قاينار: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
