الەۋمەتتىك اۆتوبۋس شوفەرى تۇتقيىلدان اۆتوبۋستان ءتۇسىپ، جولاۋشىلاردىڭ بارلىعى وعان شاپالاق سوقتى
2023.05.29 16:15 كەلۋ قاينارى : حالىق تورابى
ءتۇس مەزگىلى، كۇن شىجىعان ىستىق بولاتىن. اۆتوبۋس بەكەتكە جەتكەن سوڭ، شوفەر دەرەۋ اۆتوبۋستان ءتۇسىپ، ءبىر قارتتى ارقالاپ، جولدان وتكىزىپ قويدى، اۆتوبۋسقا قايتىپ ورالعان سوڭ، جولاۋشىلاردىڭ بارلىعى وعان قىزۋ شاپالاق سوقتى.
5 – ايدىڭ 25 – كۇنى، شينجياڭ ءۇرىمجى قالاسى، تۇسكى ساعات 12 اينالاسى. 76 – جول الەۋمەتتىك اۆتوبۋسى شينجياڭ مەديتسينا داشۋەسىنىڭ قاراماعىنداعى 5 – ەمحانا بەكەتىنە جەتكەندە، ءبىر اجەي تەڭسەلە باسىپ اۆتوبۋستان تۇسپەكشى بولدى.
ىجداعاتتى شوفەر اۆتوبۋستىڭ ارتقى جاقتى كورەتىن اينەگى ارقىلى بۇل جاعدايدى بايقاعان سوڭ، اۆتوبۋستى ورنىقتى توقتاتىپ، جۇرگىزۋ بولمەسىنەن شىعىپ، ەش ءارى – ءسارى بولماستان اجەيدى ارقالاپ اۆتوبۋستان ورنىقتى تۇسكەن سوڭ، ىلە – شالا اجەيدىڭ باراتىن جەرىن سۇراپ، ونى جالعاستى كوتەرىپ، ەكى جولدان وتكىزىپ، تەمىر جول مەكەمەسى قىزىل عيماراتى ءتورت كوشەسىنە حاۋىپسىز جەتكىزىپ قويدى.
ىلە – شالا، شوفەر جۇزىندەگى تەردى سۇرتۋگە دە ۇلگىرمەي، جۇگىرە باسىپ اۆتوبۋسقا كەلىپ، اۆتوبۋستى جالعاستى جۇرگىزدى. وسى ساتتە اۆتوبۋستاعى بارلىق جولاۋشىلار دۋ قول شاپالاق سوقتى، شوفەردىڭ مەيىرلى ارەكەتىن باسقالار كەسكىنگە ءتۇسىرىپ، ينتەرنەتكە شىعارعان سوڭ، سول جەردەگى الەۋمەتتىك جەلىدە كوپ كورىلىمگە يە بولدى.
ءتىلشى 5 – ايدىڭ 26 – كۇنى بۇل شوفەردى تاپتى، ونىڭ ەسىمى قايرات قۇمار، 30 جىل شوفەر بولعان، ءوزىنىڭ ينتەرنەتتە ”تانىستىرىلعانىن“ بىلگەن سوڭ، قايرات قۇمار قىسىلعان بەينەدە: ”مەن تەك جولاۋشىلاردى ءوزىمنىڭ وتباسىمداعىلارداي كورەمىن، وتباسىمداعىلارعا، ارينە، وسىلاي مامىلەدە بولۋىم كەرەك“، — دەدى.
ۇعىسۋعا قاراعاندا، قايرات قۇمار ادەتتە مەيىرىمدى، قىزمەتتە مۇقيات ءارى قۇنتتى، قارت، ءالسىز، اۋرۋ، مۇگەدەك، جۇكتى جولاۋشىلارعا وتە كوڭىل بولەدى، سول كۇنى ول اجەيدىڭ اۆتوبۋسقا شىققان كەزدىڭ وزىندە قينالعانىن قاعىلەزدىكپەن بايقاپ، اجەيدىڭ قايسى بەكەتتەن تۇسەتىنىن انىقتاپ سۇراعان.
اجەي اۆتوبۋستان تۇسەتىن كەزدە، قايرات قۇمار جولداعى اۆتوموبيلدەردىڭ كوپ ەكەنىن، اجەيدىڭ جولدان ءوتۋىنىڭ قولايسىز ەكەنىن كورىپ الاڭداپ، اجەيدى جولدان ارقالاپ وتكىزىپ قويۋ بەكىمىنە كەلگەن، ول ءوزى ارقالاپ وتكەن اجەيدىڭ 90 نەشە جاسقا كەلگەنىن كەيىن بىلگەن.
ءۇرىمجى الەۋمەتتىك اۆتوبۋس توبى 5 – اۆتوبۋس اترەتىنىڭ پارتيا ياچەيكا شۋجيى حۇڭ يۋانچۇن: اۆتوبۋس اترەتى الدا جۇمىسشى – قىزمەتكەرلەر ماجىلىسىندە قايرات قۇماردى ماراپاتتايدى، سونىمەن بىرگە، سەرىكتەستىك توبىنىڭ تيجارات بولىمىنە حابارلاپ، ونى سيلىق بەرۋ ارقىلى شابىتتاندىرادى،— دەدى.
وزگە قارتتاردى دا ءوز ۇيىڭدەگى قارتتاي ايالاي ءبىل دەگەن ءسوز بار.
قايرات قۇماردىڭ بەلىن بۇگىپ ادام ارقالاعان بەينەسى قانداي كەلىستى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
