ەڭ جوعارى حالىق سوت مەكەمەسى سازدىق ەكولوگياسىن قورعاۋداعى تيپتىك دەلولاردى جاريالادى
2023.06.01 15:33 كەلۋ قاينارى : حالىق تورابى
6 – ايدىڭ 1 – كۇنى، «جۇڭحۋا حالىق رەسپۋبليكاسىنىڭ سازدىقتى قورعاۋ زاڭىنىڭ» اتقارىلعانىنا ءبىر جىل تولدى. 5 – ايدىڭ 31 – كۇنى ەڭ جوعارى حالىق سوت مەكەمەسى سازدىق ەكولوگياسىن قورعاۋداعى 12 تيپتىك دەلونى جاريالاپ، حالىق سوت مەكەمەسىنىڭ ورتا بايلىعىنا سوت جۇرگىزۋ فۋنكسياسىن ساۋلەلەندىرىپ، سازدىقتىڭ ەكولوگيالىق حاۋىپسىزدىك شەكاراسىن زاڭ بويىنشا ساقتاپ، ۇرپاقتارعا كوركەم سازدىق قالدىرۋدى ايگىلەدى.
وسى رەت جاريالانعان سازدىق ەكولوگياسىن قورعاۋ ارناۋلى تاقىرىبىنداعى 12 تيپتىك دەلو ورتا بايلىعى جاعىنداعى قىلمىستىق ىستەر، ازاماتتىق ىستەر، اكىمشىلىك جانە الەۋمەتتىك يگىلىك ارىز - شاعىمى سياقتى تۇرلىشە ارىز - شاعىم تۇرلەرىن قامتيدى؛ تۇقىمى قۇرۋعا اينالعان باعالى حايۋانات – وسىمدىكتەردى قورعاۋ، سىرتتان كىرەتىن تۇرلەردىڭ الدىن الۋ، ٴىرى وزەن – داريالار مەن ٴتۇيىندى كول، وزان، سادىق، جايىلمالاردى قورعاۋ قاتارلى جاقتارداعى مازمۇنداردى قامتيدى؛ قورعاۋ اۋماعى حيلۇڭجياڭنىڭ شيڭكاي كولى سازدىعى، جياڭسۋ يانچىڭ تەڭىز جاعاسى سازدىعى، انحۇي سانچا وزەنى سازدىعى، حۋنان دۇڭجياڭ وزەنى سازدىعى، شاڭحاي چاڭجياڭ وزەنى قۇيعانى سازدىعى، جىجياڭ حاڭجوۋ شىعاناعى سازدىعى، فۋجيان چۋانجوۋ شىعاناعىنداعى حىكوۋ سازدىعى، گۋاڭدۇڭنىڭ حايجۋ سازدىعى سياقتى بۇكىل ەل كولەمىندە، ءتىپتى بۇكىل جەر شارىندا ماڭىزدى ىقپالعا يە سازدىق قورىق رايوندارىن قامتيدى. جوعارىداعى سازدىقتا ٴتۇيىندى قورعالاتىن جانە دە كوپشىلىككە تانىس بولعان قىمباتتى، تۇقىمى قۇرۋعا بەت العان جابايى حايۋاناتتاردان قىزىل توبەل تىرنا، بۇلان، جۇڭحۋا اق دەلفينى، جۇڭحۋا بەكىرە بالىعى، اق بەكىرە، شىعىس اق قۇتانى، اق باس تىرنا، اق قۇيرىق تەڭىز بۇركىتى، التىن بۇركىت، جولبارىس باس سۋ بۇركىتى قاتارلىلاردى ءوز ىشىنە الادى. ءتۇيىندى قورعالاتىن سيرەك كەزدەسەتىن، تۇقىمى قۇرىپ بارا جاتقان وسىمدىكتەردىڭ ءتۇرى ءتىپتى دە ساناپ تاۋىسقىسىز، ول ورگانيزمدەردىڭ الۋان تۇرلىلىگىنىڭ ەرەكشە مول بايلىعىن ازىرلەپ وتىر.
سوڭعى جىلداردان بەرى، حالىق سوت مەكەمەسى سازدىققا ساياتىن ورتانىڭ لاستانۋىنان ساقتانۋ جانە ونى جونگە سالۋ، ەكولوگيانى قورعاۋ، قالپىنا كەلتىرۋ، بايلىقتى اشۋ، پايدالانۋ سياقتى ءتۇرلى ورتا بايلىعىنا ساياتىن دەلولاردى زاڭ بويىنشا ۇيلەسىمدى قاراپ، ەلىمىزدىڭ سازدىقتاردى قورعاۋدىڭ جوعارى ساپالى دامۋىن ىلگەرىلەتتى. سازدىقتىڭ ەكولوگياسىن قورعاۋداعى وسى 12 تيپتىك دەلونى زاڭ بويىنشا ۇيلەسىمدى قاراۋ سازدىقتى ءادىليالىق جاقتان قورعاۋدى ونان ارى كۇشەيتۋدە ۇلگىلىك، جەتەكشىلىك رول اتقارادى، سونداي - اق ەلىمىزدىڭ «اسىرەسە، سۋ قۇستارىنىڭ مەكەنى بولۋ جونىندەگى حالىقارالىق ماڭىزدى سازدىق شارتىن» جاپپاي اتقارۋداعى ناقتى ارەكەتى، ەلىمىزدىڭ ءىرى ەلدىك جاۋاپكەرشىلىگىن ايگىلەۋدە، سازدىقتى قورعاۋدىڭ الەمدىك اياق الىسىن ىلگەرىلەتۋدە بەلسەندى مانگە يە.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
