گۋاڭشي جۋاڭزۋ اۆتونوميالى رايونىنىڭ بۇرىنعى ورىنباسار ءتوراعاسى ليۋ حۇڭ - ۋدىڭ پارا الۋ دەلوسى جونىندە ءبىرىنشى سوت اشىلدى
2023.06.01 11:00 كەلۋ قاينارى : حالىق تورابى
2023 – جىلى 5 – ايدىڭ 31 - كۇنى حاينان ولكەلىك 1 - ورتا دارەجەلى حالىق سوت مەكەمەسى گۋاڭشي جۋاڭزۋ اۆتونوميالى رايونىنىڭ بۇرىنعى ورىنباسار ءتوراعاسى ليۋ حۇڭ - ۋدىڭ پارا الۋ دەلوسىنا ءبىرىنشى سوتتا اشىق سوت اشتى.
حاينان ولكەلىك حالىق پروكۋراتۋراسى 1 - بولىمشە پروكۋراتۋراسى بىلاي دەپ ايىپتادى: 2005 –جىلدان 2022 – جىلعا دەيىن ايىپكەر ليۋ حۇڭ - ۋ گۋاڭشي جۋاڭزۋ اۆتونوميالى رايونى بەيحاي قالالىق قۇرىلىس كوميتەتىنىڭ مەڭگەرۋشىسى، قالا باستىعىنىڭ كومەكشىسى، ورىنباسار قالا باستىعى، حىجوۋ قالالىق پارتكومنىڭ تۇراقتى مۇشەسى، ورىنباسار قالا باستىعى، گۋاڭشي جۋاڭزۋ اۆتونوميالى رايونى دامۋ جانە رەفورما كوميتەتىنىڭ ورىنباسار مەڭگەرۋشىسى، مەڭگەرۋشىسى، گۋاڭشي جۋاڭزۋ اۆتونوميالى رايوندىق حالىق ۇكىمەتىنىڭ ورىنباسار ءتوراعاسى قاتارلى مىندەتتەردەگى كەزىندە قىزمەت قولايلىلىعىنان پايدالانىپ قاتىستى ورىن جانە جەكەلەردىڭ قۇرىلىس نىساندارىن كوتەرەگە الۋ، ءۇي قۇرىلىس نىساندارىن اشۋ، ارناۋلى كومەك قاراجات الۋ قاتارلى ىستەرىنە كومەك بەرىپ، جوعارعى ورىن جانە جەكەلەردىڭ بەرگەن اقشا مال - مۇلكىن توتەلەي نەمەسە باسقالار ارقىلى زاڭسىز قابىلداعان، اقشاعا سىندىرعاندا 83 ميلليون 730 مىڭ يۋان بولعان. پروكۋراتۋرا ورگاندارى پارا الۋ قىلمىسى بويىنشا ليۋ حۇڭ - ۋدىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
پروكۋراتۋرا ورگاندارى قاتىستى دالەل - ىسپاتتاردى كورسەتتى، ايىپكەر ليۋ حۇڭ - ۋ مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتىستى، ليۋ حۇڭ – ۋ سوڭعى ءسوزىن سويلەدى ءارى سوت ۇستىندە قىلمىسىن مويىنداپ، رايىنان قايتقاندىعىن ءبىلدىردى. ەڭ سوڭىندا سوت سوتتىڭ ءۇزىلىس جاساعانىن، ۇكىمدى كەيىن جاريالايتىندىعىن ءبىلدىردى. حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە قوعامداعى ءار سالادان كەلگەن 20 نەشە ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
