قانداي اقىلدى بالا! 11 جاستاعى ورەن الدامكوستىڭ ”جولىن كەسىپ“، اكەسىنىڭ 290 مىڭ يۋان زيان شەگۋىنىڭ الدىن الدى
2023.06.06 14:07 كەلۋ قاينارى : حالىق تورابى
سۋرەتتە: ساقشى بالالارعا الدامكوستىكتەن ساقتانۋ تۋرالى ساباق وتۋدە. سۋرەتتىڭ كەلۋ قاينارى: گۋاڭدۇڭ قوعام حاۋىپسىزدىگى مەكەمەسىنىڭ رەسمي تورابى
گۋاڭدۇڭ ولكەلىك قوعام حاۋىپسىزدىگى مەڭگەرمەسىنىڭ حابارلاۋىنشا، جۋىردا گۋاڭجوۋ قالاسى تيانحى رايونىنداعى چىن مىرزا (ەسىمى وزگەرتىلگەن) قىزمەتكەردىڭ اتىن جامىلعان الدامكوستىككە ۇشىراعان. چىن مىرزانىڭ 11 جاستاعى ۇلى ۋىنۋىن (ەسىمى وزگەرتىلگەن) دەر كەزىندە كەڭەس بەرىپ، اكەسىنىڭ الدانىپ قالۋىنىڭ الدىن الىپ، 290 مىڭ يۋان ەكونوميكالىق زياننان ساقتاپ قالدى.
ۇعىسۋعا قاراعاندا، ءىس تۋىلعان كۇنى، چىن مىرزا بەيمالىم تەلەفوندى قابىلداعان، قارسى جاق چىن مىرزانىڭ سالاۋاتتىق ينفورماتسيالارىن دۇپ – دۇرىس ايتقان ءارى وتە قاتاڭ تۇردە چىن مىرزادان تەكشەدەن قارىز الۋ قىزمەتىن اشقان – اشپاعانىن سۇراپ، ەگەر بۇل يقۋاتتى جاۋىپ تاستاماسا، ونىڭ سەنىمدىلىك ينفورماتسياسى ىقپالعا ۇشىراۋمەن بىرگە، پەرزەنتتەرىنىڭ وقۋعا تۇسۋىنە جانە قىزمەت ىستەۋىنە ىقپال جاسايتىنىن ايتقان. چىن مىرزا بۇل ءسوزدى ەستىگەن سوڭ قاتتى ابىرجىپ، قارسى جاقتان بۇل قىزمەت وتەۋ ءتۇرىن قالاي كۇشىنەن قالدىرۋعا بولاتىنىن سۇراعان. قارسى جاق چىن مىرزانى ءماجىلىس اشقاندا قولداناتىن APP قولدانباسىن ءتۇسىرىپ، سوڭىنان APP قولدانباسى ارقىلى ينتەرنەتتە سويلەسۋگە شىرعالايدى. قارسى جاق چىن مىرزاعا بانكە كارتۋچكاسىنداعى اقشانى بەلگىلەنگەن ”حاۋىپسىز ەسەپ نومىرىنە“ جوتكەۋ قاجەت ەكەنىن ايتادى. ىلە – شالا، قارسى جاق ”بەلگىلى بانكە بىرلەستىگىنىڭ ينتەرنەت ورتالىعىنىڭ“ توراپ جالعانىمىن جىبەرىپ، چىن مىرزادان جالعاستى ونىڭ ايتقانى بويىنشا ىستەۋدى تالاپ ەتەدى.
چىن مىرزا قارسى جاقپەن سويلەسىپ جاتقان كەزدە، 11 جاستاعى ۇلى ۋىنۋىن ۇيدە تاپسىرما ورىنداپ وتىرعان بولاتىن. اكەسىنىڭ ”حاۋىپسىز ەسەپ ءنومىرى“ جايلى سويلەسىپ جاتقانىن ەستيدى ءارى اكەسىنىڭ ازاماتتىق كۋالىگىن سۋرەتكە تارتىپ جاتقانىن كورەدى، ۋىنۋىن اكەسىنە بۇل ءىستىڭ الدامكوستىك ەكەنىن، ساقشى اعاي مەن مەكتەپتەگى مۇعالىمنىڭ وسىنداي ىستەر جايلى ولارعا ۇگىت جاساعانىن ايتادى. چىن مىرزا بالاسىنىڭ ەسكەرتۋىن ونشا ەلەپ كەتپەي، جالعاستى ”قىزمەتكەردىڭ“ ايتقانى بويىنشا ىستەيدى.
چىن مىرزا اقشاسىن ”حاۋىپسىز ەسەپ نومىرىنە“ جوتكەمەك بولعان كەزدە، ۋىنۋىن اكەسىنىڭ قولىن توسىپ: ”ماعان سەنبەگەن كۇننىڭ وزىندە، تانىمايتىن ادامعا اقشا جوتكەيتىن بولساڭ، ساقشى اعايلاردان سۇراپ كورۋىڭ كەرەك!“ دەپ ايقايلايدى.
چىن مىرزا وسى ساتتە توساتتان ويلانىپ قالىپ، قۇپيا سيفردى كىرگىزۋدى توقتاتىپ، گۋاڭجوۋ قالاسى تيانحى رايونى فىڭحۋاڭ ساقشى بولىمشەسىنە تەلەفون جالعاپ، ساقشىلاردان كومەك سۇرايدى. ساقشىعا مالىمدەۋ تەلەفونىن قابىلداعان سوڭ، فىڭحۋاڭ ساقشى بولىمشەسىندەگى كەزەكشى ساقشى دەرەۋ چىن مىرزانىڭ ۇيىنە كەلەدى. تەكسەرۋ ارقىلى، چىن مىرزانىڭ بانكە كارتۋچكاسىنداعى 290 مىڭ يۋان اقشاسى زيانعا ۇشىراماعانى انىقتالادى.
اقىلدى ورەننىڭ بۇل ءىسىن ماقتاۋعا تاتيدى!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
