بيىل الدىڭعى 5 ايدا شينجياڭنىڭ سيىر ءسۇتىنىڭ ساتىلىم مولشەرى بىلتىرعى سايكەستى مەزگىلدەگىمەن سالىستىرعاندا %190 ارتتى
2023.06.02 13:58 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى حەي حۇڭۋەي حابارلايدى. 6 – ايدىڭ 1 – كۇنى — حالىقارالىق بالالار مەرەكەسى، سونىمەن بىرگە، ”دۇنيە جۇزىلىك سيىر ءسۇتى كۇنى“. مەيتۋان يوۋشۋان تەكشەسىنىڭ ساندى مالىمەتىنە قاراعاندا، باتىس سولتۇستىكتىڭ جەرگىلىكتى سيىر ءسۇتى ونىمدەرىنىڭ بيىل الدىڭعى 5 ايداعى ساتىلىم مولشەرى بىلتىرعى سايكەستى مەزگىلدەگىمەن سالىستىرعاندا %30 كە جۋىق ارتقان. مۇندا شينجياڭنىڭ سيىر ءسۇتىنىڭ ساتىلىم مولشەرى بىلتىرعى سايكەستى مەزگىلدەگىمەن سالىستىرعاندا %190 ارتىپ، ساتىلىم ”ساڭلاعىنا“ اينالعان.
جۇرتتىڭ دەنساۋلىق تانىمىندا بۇرىلىس تۋىلۋىنا بايلانىستى، بارشا جۇرتتىڭ ءسۇت تۇتىنۋ تانىمى جىلدان – جىلعا جوعارىلاۋدا. ساندى مالىمەتكە قاراعاندا، 2022 – جىلى ەلىمىزدە ءسۇت ونىمدەرىنىڭ كىسى باسىنا تۋرا كەلەتىن ساتىلىم مولشەرى شامامەن 43 كيلوگرام بولىپ، 2020 – جىلداعىمەن سالىستىرعاندا %48.3 ارتقان.
زات اينالىمىنىڭ جاقسارۋىنا جانە ينتەرنەتتىڭ دەم بەرۋىنە بايلانىستى، اناعۇرلىم كوپ جەرلەردە جەرگىلىكتى ەرەكشەلىككە يە ماركالار بۇكىل ەلىمىز بازارىمەن توعىستى. ”ساپالى ءسۇت ونىمدەرى بەلدەۋىندە وندىرىلگەن ءسۇتتىڭ ءدامى وزگەشە، باسقا سۇتتەن ءدامىن پارىقتاۋعا بولادى“، ”شينجياڭنىڭ سيىر ءسۇتىن ءىشىپ كورگەن سوڭ، باسقا ءسۇتتىڭ بارلىعىن شاراسىزدىقتان عانا ىشەسىڭ“ ... كەزىندە ”كوپكە تانىلماعان“ شينجياڭنىڭ سيىر ءسۇتىن جۋىرداعى جىلداردان بەرى ينتەرنەتتەگى باعا بەرۋشى جۇرگىزۋشىلەر ءجيى اۋىزعا الاتىن بولدى.
مەيتۋان يوۋشۋان ساندى مالىمەتىنە قاراعاندا، جينحۋا، جىڭجوۋ، جاۋچيڭ، گۋاڭجوۋ، شي – ان، شينشياڭ، چىڭدۋ، شاۋشيڭ، شىنجىن، حاڭجوۋ تۇتىنۋشىلارى ”شينجياڭنىڭ سيىر ءسۇتى“ دەگەن ءسوزدى ينتەرنەتتەن ەڭ كوپ ىزدەيدى ەكەن. ”شينجياڭنىڭ سيىر ءسۇتى“ دەگەن ءسوزدى ينتەرنەتتەن ەڭ كوپ ىزدەيتىن ادامداردىڭ ىشىندە، 25 جاستان 30 جاس ارالىعىنداعى جاستاردىڭ سالىستىرماسى ەڭ جوعارى بولعان، مۇندا ايەلدەردىڭ سالىستىرماسى %66 تىك جوعارى كورسەتكىشكە جەتكەن، ايەلدەردىڭ اراسىندا 90 – جىلداردان كەيىن ومىرگە كەلگەن جاستار شينجياڭنىڭ سيىر سۇتىنە تىپتەن نازار اۋدارادى ەكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
