قوعام حاۋىپسىزدىگى مينيسترلىگى موتورلى كولىكتى شەكتەن تىس تەز جۇرگىزىپ، جولدىڭ شىرقىن بۇزۋعا سوققى بەرۋ، جونگە سالۋ ارناۋلى ارەكەتىن ورىستەتۋ جونىندە ورنالاستىرۋ جاسادى
2023.06.05 16:14 كەلۋ قاينارى : حالىق تورابى
جۋىرداعى جىلداردان بەرى، جەر – جەردە موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ ماسەلەسى كوبەيىپ، شۋىلى جۇرتتىڭ مازاسىن الىپ، قوعام ءتارتىبىن بىلىقتىرىپ، جۇرتشىلىقتىڭ حاۋىپسىزدىگىنە زيان جەتكىزدى، بۇل جونىندە جۇرتشىلىقتىڭ اڭىسى كۇشتى بولدى.
جاز ماۋسىمىندا موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ ارەكەتى ءجيى تۋىلادى، مۇنداي ارەكەتتەرگە سوققى بەرۋ، جونگە سالۋ تەبىنىن اناعۇرلىم كۇشەيتۋ ءۇشىن، قوعام حاۋىپسىزدىگى مينيسترلىگى جۋىردا ۇقتىرۋ باسىپ تاراتىپ، بۇكىل ەلىمىزدەگى قوعام حاۋىپسىزدىگى ورگاندارىنىڭ موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ سىندى زاڭعا قايشى قىلمىستىق ارەكەتكە سوققى بەرۋ، جونگە سالۋ ارناۋلى ارەكەتىن ورىستەتۋى جونىندە ورنالاستىرۋ جاسادى. ۇقتىرۋدا مىنالار تالاپ ەتىلگەن: جەر – جەردەگى قوعام حاۋىپسىزدىگى ورگاندارى دەرەكتەردى ءبىر – بىرلەپ تەكسەرۋدى كۇشەيتۋى، دالمە – ءدال سوققى بەرۋدى كۇشەيتۋى، جان – جاقتى جونگە سالۋدى كۇشەيتۋى كەرەك، كوپ تاراۋ، ءتۇرلى ساقشى كۇشتەرى تىعىز سايكەسىپ، موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزاتىن زاڭعا قايشى قىلمىستىق توپتاردان، ادامداردان ءبىر توبىنا شوعىرلى سوققى بەرۋى، زاڭعا قايشى تۇردە وزگەرتىلگەن اۆتوموبيلدەردەن ءبىر توبىن انىقتاپ ۇستاپ قالۋى، اۆتوموبيلدەردى زاڭعا قايشى وزگەرتەتىن اپانداردان ءبىر توبىن انىقتاپ ءبىر جاقتى ەتۋى، ءبىر توپ تيپتىك دەلولاردى جاريالاۋى، ءبىر توپ زالالدى ينفورماتسيالاردى تازالاۋى ءارى ۇدايىلانعان، ۇزاق مەرزىمدىك ءونىمدى جونگە سالۋ قىزمەت مەحانيزمىن ورناتۋ جونىندە قاتىستى تاراۋلارمەن بىرگە ىزدەنىس جاساۋى كەرەك.
قوعام حاۋىپسىزدىگى مينيسترلىگى مىنانى ەسكەرتتى: تاس جول — جارىس الاڭى ەمەس، موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ ادەتىن جالعاستىرا بەرۋگە بولمايدى، بارشا جۇرتشىلىقتىڭ موتورلى كولىكتى شەكتەن تىس تەز جۇرگىزىپ، كوشەنىڭ شىرقىن بۇزۋ ارەكەتىن سانالىلىقپەن تەجەپ، زاڭعا قايشى قىلمىستاردىڭ دەرەگىن بەلسەندىلىكپەن مالىمدەپ، تاماشا ءتارتىپتى بىرگە قورعاعانى ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
