كۇن ىسىدى! بۇگىن قارامايلى، شىحىزى قاتارلى ءبىر ءبولىم جەرلەردىڭ ەڭ جوعارى اۋا تەمپەراتۋراسى 35 سەلتسي گرادۋسقا شىقتى
2023.06.05 15:17 كەلۋ قاينارى : حالىق تورابى
6 – ايدىڭ 5 – كۇنى، بۇراتالا موڭعۇل اۆتونوميالى وبلىسىنىڭ شىعىس بولىگى، تارباعاتاي ايماعىنىڭ وڭتۇستىك بولىگى، قارامايلى قالاسى، شىحىزى قالاسى، سانجى حۇيزۋ اۆتونوميالى وبلىسىنىڭ باتىس بولىگى، شىعىس شينجياڭ سياقتى جەرلەردىڭ ءىشىنارا وڭىرلەرىندە تەمپەراتۋرا 35 سەلتسي گرادۋستان جوعارى بولادى، تۇرپان قالاسىنىڭ ءىشىنارا جەرلەرىندە 40 سەلتسي گرادۋسقا جەتەدى. وڭتۇستىك شينجياڭنىڭ باتىس بولىگىندەگى تاۋلى ءوڭىر، كۇنلۇن تاۋىنىڭ سولتۇستىك بەتكەيى، تيانشان تاۋلى رايونى سياقتى جەرلەردىڭ ءىشىنارا وڭىرلەرى مەن اقسۋ ايماعىنىڭ تاۋلى ءوڭىرى، قۇمىل قالاسىنىڭ سولتۇستىگى سياقتى جەرلەردىڭ ءىشىنارا وڭىرلەرىندە سەبەزگى جاڭبىر (تەڭىز دەڭگەيى بيىك تاۋلى وڭىرلەردە قار جاۋادى) جاۋادى. مۇنىڭ ىشىندە تيانشان تاۋلى ءوڭىرى، كۇنلۇن تاۋىنىڭ سولتۇستىك بەتكەيى، قۇمىل قالاسىنىڭ سولتۇستىگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە ورتاشا جانە قالىڭ جاڭبىر جاۋادى.
ءۇرىمجى قالاسىندا كۇن اشىق بولادى، ەڭ جوعارى اۋا تەمپەراتۋرا 32 سەلتسي گرادۋس، ەڭ تومەنگى تەمپەراتۋرا 20 سەلتسي گرادۋس بولادى، جەل كۇشى 3 بال. الداعى 3 كۇندە ۇرىمجىدە كۇن اشىق بولىپ، تەمپەراتۋرا ۇزدىكسىز جوعارىلايدى. ساپارعا شىققاندا اۋا رايىنىڭ ەڭ جاڭا مالىمەتىنە نازار اۋدارىپ، ساقتىق ەسكەرتپەسىنە كوڭىل ءبولۋ كەرەك.
الداعى 3 كۇندە وڭتۇستىك شينجياڭنىڭ باتىس بولىگىندەگى تاۋلى وڭىرلەردە، كۇنلۇن تاۋىنىڭ سولتۇستىك بەتكەيى، اقسۋ ايماعىنىڭ تاۋلى وڭىرلەرىندەگى ءىشىنارا جەرلەردە قىسقا ۋاقىتتىق كۇشتى جاۋىن - شاشىن، بۇرشاق، ناجاعايلى بوران سياقتى كۇشتى كونۆەكسيالىق اۋا رايىنىڭ تۋىلۋ مۇمكىندىگى ءبىرشاما زور بولادى، ءىشىنارا جەرلەردەگى سەل جانە جەر كوشكىنى، لاي تاسقىنى سياقتى گەولوگيالىق اپاتتاردان ساقتانۋدى كۇشەيتۋ كەرەك.
سولتۇستىك شينجياڭداعى باسىم كوپ ساندى رايونداردا، شىعىس شينجياڭدا اۋا تەمپەراتۋراسى ءۇرتىس جوعارىلاپ، ءىشىنارا وڭىرلەردە جوعارى تەمپەراتۋرالى اۋا رايى جارىققا شىعادى، ءورت كەتۋ قاتەرى بار اۋا رايى دارەجەسى جوعارى بولادى، ىستىقتان ساقتانۋ، تەمپەراتۋرانى تومەندەتۋ جانە وتتان پايدالانۋ حاۋىپسىزدىگىنە كوڭىل ءبولۋ كەرەك، سونداي - اق تاۋلى وڭىردەگى ءىشىنارا جەرلەردە قار ەرىپ تاسقىن جۇرۋدەن جانە ودان تۋىندايتىن اپاتتاردان ساقتانۋدى كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
