اقسۋدىڭ تىكە تاراتۋ ەلەكتروندى ساۋدا ارقىلى اۋىل شارۋاشىلىعىنا دەم بەرۋى ”شەڭبەردەن شىقتى“
□ انار بۇلت \ شينجياڭ گازەتىنىڭ ءتىلشىسى ءپاريزات ابدۇل
2023.06.05 17:04 كەلۋ قاينارى : شينجياڭ گازەتى
”ناعىز جۇقا قابىقتى جاڭعاق، اقىرىن قولىڭىزبەن قىسساڭىز بولعانى قابىعى ارشىلادى. جەسەڭىز ءدامى ءتىل ۇيىرەدى“، ەكران الدىندا جالىندى، جىگەرلى جۇرگىزۋشى اقسۋ جۇقا قابىقتى جاڭعاعىن تانىستىرىپ جاتتى، ونىڭ تىكە تاراتۋ بولمەسى اقسۋ ايماقتىق تىكە تاراتۋ ەلەكتروندى ساۋدا بازاسىنىڭ 7 - قاباتىندا، عيماراتتىڭ ەكى قاباتى جەتىلدىرۋ ورتالىعى مەن ءونىم تاڭداۋ ورتالىعى.
5 - ايدىڭ 25 - كۇنى ”جوعارى ساپالى دامۋ جونىندەگى تەكسەرۋ - زەرتتەۋ ساپارى“ اتىنداعى جالپىلىق مەديالارىنىڭ كولەمدى نەگىزگى تاقىرىپتىق تىلشىلىك ۇيىرمەسى اقسۋ ايماقتىق تىكە تاراتۋ ەلەكتروندى ساۋدا بازاسىنا كەلدى. ءتىلشى وسى جالپى قۇرىلىس كولەمى 3000 شارشى مەترلىك بازادا تىكە تاراتۋ ەلەكتروندى ساۋداعا باۋلۋ شۋەيۋانى، ەلەكتروندى ساۋدا جۇرگىزۋشىلەرىن جەتىلدىرۋ بازاسى، اۋىل - قىستاقتى گۇلدەندىرۋ سيفرلى سارايى، ۆيرتۋالدى تىكە تاراتۋ بولمەسى سياقتىلاردان قۇرالعان فۋنكتسيالىق رايونداردى كوردى. 9 - قاباتتاعى ءونىم تاڭداۋ ورتالىعىندا بيڭتاڭشين الماسى، توڭازىتىپ قۇرعاتىلعان شىلان، شىرعاناق قويمالجىڭى، شامعۇردىڭ قويۋ شىرىنى سياقتى ادەمى قوراپتالعان اقسۋ اۋىل شارۋاشىلىق ەرەكشە ونىمدەرى ادامنىڭ تابەتىن بارىنشا ارتتىردى.
”جۇرگىزۋشىنىڭ ءونىم تاڭداۋ ورتالىعىنان ءتۇرلى ونىمدەردى تاڭداۋىنا بولادى، تاڭداپ العان سوڭ ۇلگىنى الىپ ’تىكە تاراتۋ ارقىلى زات ساتۋىنا‘ بولادى“. اقسۋ ايماقتىق تىكە تاراتۋ ەلەكتروندى ساۋدا بازاسىنىڭ جۇمىس اينالىمىن باس باقىلاۋشىسى قايسار قۇربان تىلشىگە بىلاي دەدى: قازىر بازا ەلەكتروندى ساۋدانى زاتپەن قامداۋ، تىكە تاراتۋ ارقىلى زات ساتۋ، جۇرگىزۋشىلىككە باۋلۋ سياقتى ءبىر بەكەتتىك ۇلگىدە قامداۋ تىزبەگى تۇعىرىنا قىزمەت وتەيدى.
قازىر بازادا تۇڭعىش توپتا اپارىلعان 427 ءتۇرلى ءونىم بار، 49 ءتۇرلى ءونىم جونىندە ءونىم وندىرەتىن كاسىپورىنمەن تىكە تاراتۋ ارقىلى زات ساتۋ سەلبەستىك نيەتىنە كەلدى؛ ونسۋ، كەلپىن، ءۇشتۇرپان، توقسۇ سياقتى اۋداندارداعى اۋىل شارۋاشىلىعىنا قاتىستى 16 كاسىپورىنمەن زاتپەن قامداۋ كەلىسىمىن جاساسىپ، كۇنىنە ورتا ەسەپپەن 10 مىڭ تاپسىرىستى زاتپەن قامداۋ تىزبەگى جۇيەسىن العاشقى ادىمدا قالىپتاستىردى.
بيىل ورتالىقتىڭ 1 - ءنومىرلى حۇجاتىندا: ”سيفرلى ساۋدا ارقىلى اۋىل شارۋاشىلىعىن گۇلدەندىرۋ“ جانە ”ينتەرنەت +“ اۋىل شارۋاشىلىق ونىمدەرىن قىستاقتان شىعارىپ قالاعا ەنگىزۋ ينجەنەرياسىن ىشكەرىلەي اتقارىپ، اۋىل شارۋاشىلىق ونىمدەرىن ەلەكتروندى ساۋدادا تىكە جيناۋ، تاپسىرىسپەن ءوندىرۋ سياقتى ۇلگىلەردى دامىتۋعا شابىتتاندىرىپ، اۋىل شارۋاشىلىق قوسىمشا ونىمدەرىن تىكە تاراتۋ ەلەكتروندى ساۋدا بازاسىن قۇرۋ ورتاعا قويىلدى...
تىكە تاراتۋ ەلەكتروندى ساۋداسىن قايتكەندە جوعارى ساپالى دامىتۋعا بولادى؟
”تىكە تاراتۋ ەلەكتروندى ساۋداسىندا نازاردى ساپالى ونىمدەرگە شوعىرلاندىرۋ تاعى دا ماڭىزدى ءتۇيىن ەسەپتەلەدى“، - دەدى اقسۋ ايماقتىق توعىسپالى مەديا ورتالىعى پارتكومىنىڭ مۇشەسى، تارىم مەديا توبى شەكتى سەرىكتەستىگىنىڭ باس ديرەكتورى ساۋ شيانباۋ.
اقسۋ ايماعى تارىم ويپاتىنداعى ەڭ ۇلكەن ساپالى جەمىس - جيدەك بازاسى، الما، ورىك سياقتىلاردىڭ اتاعى الىسقا تاراپ، ەرەكشە ورمان جەمىسىنىڭ جىلدىق جالپى ءونىم مولشەرى 2 ميلليون 600 مىڭ تونناعا تاياپ، ءونىم قۇنى 18 ميلليارد يۋاننان اسقان.
قايتكەندە ”جاڭا شارۋالاردىڭ“ مول ءونىم الۋمەن بىرگە، كىرىستى ارتتىرۋىنا، ساپالى اۋىل شارۋاشىلىق ونىمدەرىنىڭ جاقسى باعادا ساتىلۋىنا مۇمكىندىك جاساۋعا بولادى؟ اقسۋ ايماعى ىشكەرىلەي تەكسەرۋ - زەرتتەۋ جۇرگىزىپ، ەڭ سوڭىندا نازاردى ەرەكشە كاسىپ سالاسى باسىمدىعىنا شوعىرلاندىرىپ، ”ينتەرنەت +“ ەلەكتروندى ساۋدانى دامىتۋ ستراتەگياسىن اتقارىپ، جىجياڭنىڭ شينجياڭعا كومەكتەسۋ باسىمدىعىنا سۇيەنىپ، ەلەكتروندى ساۋدا كاسىپ سالاسىنىڭ دامۋىن ىلگەرىلەتتى، سونداي - اق تىكە تاراتۋ بازاسىن قۇرىپ، ەلەكتروندى ساۋدا مايتالمان شەبەرلەرىن جانە ەلەكتروندى ساۋدا كاسىپورىندارىن جەتىلدىرۋدى شەشۋشى شارا ەتىپ، تىكە تاراتۋ ارقىلى زات ساتۋ، ينتەرنەتتە تانىمالداردىڭ زات ساتۋى سياقتى تاسىلدەرمەن ساتۋ ارناسىن كەڭەيتتى.
ەلەكتروندى ساۋدانى دامىتۋدىڭ تەتىگى ادامدا. قايسار بىلاي دەپ تانىستىردى: بيىل جىل باسىنان بەرى اقسۋ ايماقتىق تىكە تاراتۋ ەلەكتروندى ساۋدا بازاسى ”جىجياڭ − اقسۋ سۇيىسپەنشىلىگى، جاڭا ارمانعا قانات قاعۋ“ ايماقتىق ەلەكتروندى ساۋدا دارىندىلارىن جەتىلدىرۋ ينجەنەرياسىنا باۋلۋ كۋرسى، ينتەرنەتتە زات ساتۋشى، ينتەرنەتتە تانىمالداردى باۋلۋ سياقتىلاردان جيىنى 36 مايدان (رەت) ۇيىمداستىرىپ، ورىستەتىپ، 1187 ادام (رەت) باۋلىدى، سونداي - اق ولاردىڭ ىشىندەگى 15 تاڭداۋلى كۋرسانتپەن ۇزاق ۋاقىت تىكە تاراتۋ ارقىلى زات ساتۋ كەلىسىمىنە قول قويىسىپ، ايماقتىق تىكە تاراتۋ ەلەكتروندى ساۋدا دارىندىلار قامباسىن قۇردى. سونىمەن بىرگە اقسۋ كاسىپتىك - تەحنيكالىق شۋەيۋانىمەن مەكتەپ پەن كاسىپورىن سەلبەستىك كەلىسىمىن جاساسىپ، ناقتى ورىنداۋ بويىنشا باۋلۋ، تىكە تاراتۋ ارقىلى زات ساتۋ تۇعىرىمەن قامداۋ سياقتى تاسىلدەر ارقىلى وقۋشىلاردىڭ جۇمىستانۋ ماسەلەسىن شەشتى.
اقسۋ كاسىپتىك - تەحنيكالىق شۋەيۋانى ەلەكتروندى ساۋدا ىستەرى كاسىبىنىڭ وقۋشىسى پاردىگۇل پارحات وسىنىڭ يگىلىگىن كورگەندەردىڭ ءبىرى. ”اپتا سايىن بازادا ناقتى جۇمىس اتقارۋ ساباعىن تىڭدايمىن، ساباقتان كەيىن تىكە تاراتۋ بولمەسىندە كامەراعا قاراپ تىكە تاراتۋ ارقىلى زات ساتۋ ونەرىنە جاتتىعامىن“. قازىر پاردىگۇل بازامەن كەلىسىم جاساسىپ، ساباقتان سىرتقى ۋاقىتتا تىكە تاراتۋ ارقىلى زات ساتىپ كىرىس كىرگىزۋ قامىندا.
بيىل ءبىرىنشى ماۋسىمدا اقسۋ ايماقتىق تىكە تاراتۋ ەلەكتروندى ساۋدا بازاسى ”ينتەرنەتتە مەرەكەلىك زات ساتىپ الۋ مەرەكەسى“، ”الەۋمەتتىك يگىلىك ارقىلى اۋىل شارۋاشىلىعىنا كومەكتەسۋ تىكە تاراتۋى“، ”مايتالمانداردىڭ قىسقا بەينەجازبا ارقىلى زات ساتۋ جارىسى“ جانە ”اقسۋ ايماقتىق تىكە تاراتۋ ەلەكتروندى ساۋدا دارىندىلارى دەڭگەيىن جوعارىلاتۋ جوسپارى“ سياقتىلارعا سۇيەنىپ، 560 نەشە مايدان (رەت) تىكە تاراتۋ ارقىلى زات ساتۋعا ىقپال ەتىپ، جەتەكتەپ، ينتەرنەتتەگى بولشەك ساتۋ سوماسىن 50 ميلليون يۋاننان اسىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
