شينجياڭدا تۇڭعىش ءسۇت ءونىمى سەرىكتەستىگى مەملەكەتتىك ساپالى ءسۇت ينجەنەرياسىنىڭ تەكسەرىپ وتكىزىپ الۋىنان ءوتتى
2023.06.06 15:02 كەلۋ قاينارى : حالىق تورابى
سۋرەتتە: تيانرۇيشياڭ مال شارۋاشىلىعى شەكتى سەرىكتەستىگىنىڭ 80 ورىندى اينالمالى تاباقشالى اۆتوماتتى سيىر ساۋۋ زالى. سۋرەتتى سۇحبات قابىلداۋشى كاسىپورىن بەرگەن
تيانشان تورابى – شينجياڭ گازەتىنىڭ ءتىلشىسى ما بويۇي حابارلايدى. ءتىلشىنىڭ شينجياڭ مال شارۋاشىلىعى عىلىم اكادەمياسىنان ۇعىسۋىنشا، جۋىردا شينجياڭ تيانرۇيشياڭ مال شارۋاشىلىعى شەكتى سەرىكتەستىگى مەملەكەتتىك ساپالى ءسۇت ينجەنەرياسىنىڭ تەكسەرىپ وتكىزىپ الۋىنان وتكەن. بۇل مەملەكەتتىك ساپالى ءسۇت ينجەنەرياسىنىڭ تەكسەرىپ وتكىزىپ الۋىنان وتكەن شينجياڭداعى تۇڭعىش ءسۇت ءونىمى سەرىكتەستىگى سانالادى، بۇل اتالعان سەرىكتەستىكتىڭ ءسۇت ونىمدەرىنىڭ ەل ىشىندەگى وزىق ورەگە جەتكەنىن كورسەتەدى.
5 – ايدىڭ 30 – كۇنى مەملەكەتتىك ساپالى ءسۇت ينجەنەرياسىنىڭ وتكىزىپ الۋىنا قاتىستى مالىمەت بەرۋ ماجىلىسىندە شينجياڭ تيانرۇيشياڭ مال شارۋاشىلىعى شەكتى سەرىكتەستىگى جايىلىمدى باسقارۋ، شيكى ءسۇت كورسەتكىشى، ءوندىرۋ ونەرى جانە توڭازىتىپ تاسىمالداۋ تىزبەگى قاتارلى جاقتاردان ءبىر – بىرلەپ جىنتىكتەي مالىمەت بەردى، ەڭ سوڭىندا مەملەكەتتىك جانە اۆتونوميالى رايوندىق باعالاۋشى ماماندار ءبىر اۋىزدان قۇپتاپ، وتكىزىپ الدى.
ۇعىسۋعا قاراعاندا، شينجياڭ تيانرۇيشياڭ مال شارۋاشىلىعى الاڭى مال شارۋاشىلىعى بايلىعى مول بايىنعولىن وبلىسىنىڭ حىجيڭ اۋدانىنا ورنالاسقان، 1 – مەرزىمدە قوسقان قارجى 300 ميلليون يۋان، اۋماعى 911 مۋ، قولدا بار ءسۇتتى سيىر سانى 5000، مەملەكەتتىك مال مەن ءۇي قۇستارىن ولشەمدەندىرىپ باعۋدا ۇلگى كورسەتۋ الاڭى سانالادى. جۋىرداعى جىلداردان بەرى، شينجياڭ تيانرۇيشياڭ مال شارۋاشىلىعى شەكتى سەرىكتەستىگى جەرگىلىكتى ورىننىڭ ابزال جاراتىلىستىق بايلىعى مەن كەمەلدى ءوندىرىس جۇيەسىنەن تولىق پايدالانىپ، ءداستۇرلى ءسۇتتى سيىر باعىمشىلىعى ءتاسىلىن وزگەرتىپ، قورشاۋدا بىتىراڭقى باعۋ، عىلىمي باسقارۋ، دالمە – ءدال جەمدەۋ فورماسىن قولدانىپ، جوعارى دەڭگەيدە شوعىرلاندىرىلعان، ساپالى دا ورگانيكالى باعىتتا دامىتىپ، تاماشا ونىمدىلىككە قول جەتكىزدى. قازىر جىلىنا 40 مىڭ توننا ءسۇت ءوندىرىپ، ديقاندار كوپەراتيۆى فورماسىندا جارنا ەنگىزۋ ءتاسىلى ارقىلى ماڭايىنداعى 6 اۋىل – قالاشىقتى قامتىعان ءارى قىستاق تۇرعىندارىمەن ەگىمشىلىك، باعىمشىلىق توقتامىنا قول قويعان، باعاسىنا كەپىلدىك ەتۋ، بەلگىلەنگەن باعادان تۇسىرمەي الۋ ارقىلى ءسۇت قاينارىنىڭ ساپاسىن ءونىمدى جوعارىلاتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
